Kwenda na mambu ke na kati

Manaka ya Lutangu ya Biblia

Manaka ya Lutangu ya Biblia

Biblia kele ti mayele yina lenda sadisa beto na luzingu. Kana nge ke tanga yo mpi nge ke yindula mbala na mbala mambu ya nge ke tanga mpi nge ke sadila yo, “nge ta nunga.” (Yozue 1:8; Nkunga 1:1-3) Nge ta zaba mpi Nzambi ti mwana na yandi Yezu, ebuna kana nge me zaba bo, nge ta baka dibaku ya kuzinga mvula na mvula.​—Yoane 17:3.

Nge fwete tanga mikanda ya Biblia na nki ndonga? Nge lenda pona nge mosi. Manaka yai ya bo me yidikaka sambu na kutanga Biblia ta sadisa nge na kutanga mikanda ya Biblia na ndonga yina yo ke vandaka to na kutadila masolo. Mu mbandu, nge lenda tanga mikanda to baverse yina lenda sadisa nge na kuzaba mutindu Nzambi sadilaka bantu ya Izraele ya ntama mambu. Mikanda to baverse ya nkaka ta sadisa nge na kuzaba mutindu dibundu ya Bukristu ya mvu-nkama ya ntete butukaka mpi mutindu yo yelaka. Kana nge ke tanga kimvuka mosi ya mikapu konso kilumbu, nge ta tanga Biblia ya mvimba na mvula mosi.

Keti nge ke sosa manaka sambu na kutanga Biblia konso kilumbu? Keti nge ke sosa manaka yina ta sadisa nge na kutanga Biblia ya mvimba na mvula mosi? Keti nge ke sosa manaka yina ta sadisa nge na kuyantika kutanga Biblia? Manaka yai ta sadisa nge. Baka manaka yai ya nge lenda niema ya lutangu ya Biblia, mpi banda kutanga yo bubu.