Kwenda na mambu ke na kati

BALEKE KE KUDIYULA

Sambu na Nki Beto Fwete Kwenda na Balukutakanu na Nzo ya Kimfumu?

Sambu na Nki Beto Fwete Kwenda na Balukutakanu na Nzo ya Kimfumu?

Mbala zole na konso mposo, Bambangi ya Yehowa ke kwendaka na balukutakanu na bisika ya lusambu, bo ke bingaka bisika yai Banzo ya Kimfumu. Inki ke salamaka na Nzo ya Kimfumu mpi nki mambote nge lenda baka ntangu nge ke kwenda na balukutakanu?

 Inki ke salamaka na Nzo ya Kimfumu?

Nzo ya Kimfumu kele kisika yina bo ke longukaka malongi ya mfunu ya Biblia. Balukutakanu lenda sadisa nge na:

  • kulonguka kieleka ya me tala Nzambi.

  • kubakisa ntendula ya mambu yina ke salama bubu.

  • kukuma ti bikalulu ya mbote.

  •  kuzwa banduku ya kuluta mbote.

Keti nge zabaka yo? Bo ke bingika kisika ya lusambu ya Bambangi ya Yehowa Nzo ya Kimfumu sambu kuna bo ke tubilaka mingi mambu ya Kimfumu ya Nzambi.—Matayo 6:9, 10; 24:14; Luka 4:​43.

 Sambu na nki nge fwete kwenda na balukutakanu?

Mambu yina bo ke longaka kuna ta sadisa nge. Bansiku ya Biblia yina bo ke longukaka na balukutakanu ya Bambangi ya Yehowa ta sadisa nge na ‘kukuma mayele.’ (Bingana 4:5) Biblia lenda sadisa nge kibeni na kubaka balukanu ya mbote. Yo lenda sadisa nge mpi na kuzwa bamvutu na bangiufula ya mfunu bonso:

  • Inki kele mfunu ya luzingu?

  • Keti Nzambi kele na kisina ya bampasi na beto?

  • Inki ke kuminaka bafwa?

Tala mwa mbandu ya bantu-diambu ya masolo yina beto ke landaka na balukutakanu na beto ya Lumingu:

  • Sambu na Nki Beto Fwete Landa Lutwadisu ya Biblia?

  • Na Wapi Nge Lenda Zwa Lusadisu na Ntangu ya Mpasi?

  • Mambu Yina Kimfumu ya Nzambi Ke Sala Bubu.

Brenda ke tuba nde, “Kilumbu mosi nduku mosi ya nzo-nkanda kwisaka na lukutakanu. Yandi vandaka kisika mosi ti dibuta na beto, beto sadisaka yandi na kulanda malongi na mikanda na beto. Na nima, yandi songaka mono nde yandi yitukaka mingi na bamvutu yina bampangi vandaka kupesa. Yandi tubaka mpi nde na Eglize na bo bo ke longukaka ve mutindu beto ke longukaka.”

Keti nge zabaka yo? Bantu ke kotaka ya ofele na Nzo ya Kimfumu mpi beto ke kongolaka ve mbongo.

Balukutakanu ta pesa nge kikesa. Biblia ke monisa mosi ya bikuma yina beto fwete kwenda na balukutakanu, yo ke tuba nde beto fwete vukana sambu beto “pesana kikesa.” (Baebreo 10:24, 25) Kuvukana ti bampangi yina ke tulaka Nzambi mpi bantu ya nkaka na ntwala ya mambote na bo mosi ke pesaka kikesa, sambu bantu mingi na nsi-ntoto ke tulaka dikebi kaka na mambote na bo mosi.

Elisa ke tuba nde, “Bilumbu ya nkaka, mono ke lembaka mingi, kansi konso kilumbu na Nzo ya Kimfumu, bampangi ke sadisaka mono na kudiwa mbote. Ntangu mono ke vutukaka na nzo na nima ya lukutakanu, mono ke kudiwaka mbote mpi ke vandaka ti ngolo ya kuyantika kilumbu yina ke landa.

Keti nge zabaka yo? Na ntoto ya mvimba, mabundu ya Bambangi ya Yehowa kele kuluta 120,000, bo ke vukanaka na bisika kuluta 60,000. Konso mvula, beto ke tungaka Banzo ya Kimfumu kiteso ya 1,500 sambu bantu kulanda mbote balukutakanu. *

^ par. 27 Sambu na kuzaba kisika yina Nzo ya Kimfumu kele kota na “Balukutakanu ya Bambangi ya Yehowa” bweta na “Sosa Kisika Mosi ya Pene-Pene.”