Kwenda na mambu ke na kati

Kwenda na tansi ya malongi

 KITINI YA 9

Paladisu Ta Kwisa Nki Ntangu?

Paladisu Ta Kwisa Nki Ntangu?

Bampasi yina kele na ntoto ke monisa nde, kubika fioti Kimfumu ya Nzambi ta yidika mambu. Luka 21:10, 11; 2 Timoteo 3:1-5

Biblia tubilaka na ntwala mambu mingi yina ke salama bubu yai. Yo tubaka nde bantu ta vanda bantu ya ke zolaka mbongo, bantu ya ke lemfukaka ve na bibuti, bantu ya nku, mpi bantu ya ke zolaka biese.

Ntoto ta nikana ngolo, bitumba, nzala, mpi maladi ta vanda bisika yonso. Mambu yai ke na kusalama ntangu yai.

Diaka, Yezu tubaka nde bo ta longa nsangu ya mbote ya Kimfumu na ntoto ya mvimba. —Matayo 24:14.

 Kimfumu ya Nzambi ta katula mambi yonso. 2 Piere 3:13

Kubika fioti, Yehowa ta fwa bantu yonso ya mbi.

Satana ti bademo na yandi ta baka ndola.

Bantu yina ke widikila Nzambi ta guluka mpi ta zinga na nsi-ntoto ya mpa ya lunungu, kisika boma ta vanda diaka ve, nsi-ntoto yina bantu ta zolanaka mpi ta tudilanaka ntima.