Kwenda na mambu ke na kati

Kwenda na tansi ya malongi

 KITINI YA 1

Inki Mutindu Beto Ke Widikilaka Nzambi?

Inki Mutindu Beto Ke Widikilaka Nzambi?

Nzambi ke tubilaka beto na nzila ya Biblia. 2 Timoteo 3:16

Nzambi ya kieleka twadisaka bantu sambu na kusonika mabanza na yandi na mukanda mosi ya santu. Mukanda yango kele Biblia. Yo kele ti bansangu ya mfunu yina Nzambi ke zola nde nge zaba.

Nzambi me zaba mambu yina kele mbote sambu na beto, mpi yandi kele Nto ya mayele yonso. Kana nge ke widikila yandi, nge ta kuma kibeni mayele.—Bingana 1:5.

Nzambi ke zola nde bantu yonso ya kele na ntoto kutanga Biblia. Yo kele bubu yai na bandinga mingi.

Kana nge ke zola kuwidikila Nzambi, nge fwete tanga Biblia mpi kubakisa yo.

 Bantu ya bisika yonso ke na kuwidikila. Matayo 28:19

Bambangi ya Yehowa lenda sadisa nge na kubakisa Biblia.

Na ntoto ya mvimba, bo ke longaka kieleka ya me tala Nzambi.

Nge kele ve ti mfunu ya kufuta mbongo sambu na malongi yai. Nge lenda longuka mpi mambu ya me tala Nzambi na Nzo ya Kimfumu ya Bambangi ya Yehowa ya bwala na beno..