Kwenda na mambu ke na kati

Kwenda na tansi ya malongi

 KITINI YA 11

Keti Yehowa Ke Widikilaka Beto?

Keti Yehowa Ke Widikilaka Beto?

Nzambi ke waka bisambu na beto. 1 Piere 3:12

Yehowa kele “Muntu ya ke waka kisambu.” (Nkunga 65:2) Yandi ke zolaka nde beto tubila yandi na masonga yonso.

Samba Yehowa kansi muntu ya nkaka ve.

 Beto lenda samba sambu na mambu mingi. 1 Yoane 5:14

Samba sambu luzolo ya Nzambi kusalama na zulu mpi na ntoto.

Samba na zina ya Yezu sambu na kumonisa nde, nge ke baka na mbalu mambu yina yandi salaka sambu na nge.

Lomba Yehowa na kusadisa nge na kusala mambu ya mbote. Nge lenda samba mpi sambu na madia, kisalu, nzo, bilele, mpi mavimpi.