Kwenda na mambu ke na kati

Inki Mutindu Nge Ke Monaka Biblia?

Inki Mutindu Nge Ke Monaka Biblia?

Nge ta tuba nde yo kele . . .

  • mukanda ya kele ti mayele ya bantu?

  • mukanda ya malongi ya luvunu mpi ya masapu?

  • Ndinga ya Nzambi?

 MAMBU YINA BIBLIA KE TUBAKA

“Masonuku yonso kele ya kupemama na Nzambi.”2 Timoteo 3:16, Mbalula ya Nsi-Ntoto ya Mpa.

YO LENDA TENDULA INKI SAMBU NA NGE

Yo ke pesa nge bamvutu ya mbote na bangiufula ya mfunu ya luzingu.Bingana 2:1-5.

Yo ke pesa nge lutwadisu ya kieleka na luzingu ya konso kilumbu.Nkunga 119:105.

Yo ke pesa nge kivuvu ya kieleka sambu na bilumbu ke kwisa.Baroma 15:4.

 KETI BETO LENDA KWIKILA KIBENI MAMBU YINA BIBLIA KE TUBAKA?

Ee, sambu na bikuma kiteso ya tatu:

  • Kuwakana ya ke yitukisa. Bo sonikaka Biblia na nsungi ya bamvula kuluta 1 600 na bantu kiteso ya 40. Mingi na kati na bo kutanaka ve. Kansi, mambu yina ke na Biblia ya mvimba ke wakanaka, yo kele ti ntu-diambu mosi ya mfunu!

  • Yo ke tubaka mambu yina me lutaka na masonga yonso. Mbala mingi, bantu ya ke longukaka mambu ya me lutaka ke sonikaka ve kubela ya bantu na bo. Kansi, bansoniki ya Biblia sonikaka na masonga yonso bifu na bo mosi mpi bifu ya dikanda na bo.—2 Bansangu 36:15, 16; Nkunga 51:1-4.

  • Bambikudulu na yo ke lunganaka ntangu yonso. Biblia bikulaka bamvula kiteso ya 200 na ntwala nde mbanza ya ntama ya Babilone ta fwa. (Yezaya 13:17-22) Yo tubaka kaka ve mutindu Babilone zolaka kubwa kansi mpi zina ya muntu yina zolaka kubotula yo!—Yezaya 45:1-3.

    Bambikudulu mingi ya nkaka ya Biblia lunganaka mpi, ata nkutu mambu ya fioti-fioti yina yo tubaka. Keti nge ke yindula ve nde yo fwete vanda mutindu yina sambu na Ndinga ya Nzambi?—2 Piere 1:21.

 KUDIYULA

Inki mutindu Ndinga ya Nzambi lenda tomisa luzingu na nge?

Biblia ke pesa mvutu na ngiufula yai na YEZAYA 48:17, 18 mpi 2 TIMOTEO 3:16, 17.