Kwenda na mambu ke na kati

Kwenda na tansi ya malongi

 DILONGI YA 15

Sambu na Nki Nge Fwete Landa Kulonguka?

Sambu na Nki Nge Fwete Landa Kulonguka?

1. Inki mutindu kulanda kulonguka Biblia tanatila nge mambote?

Ntembe kele ve nde kutadila malongi ya Biblia na kimvuka mekumisa ngolo zola na nge sambu na Yehowa. Yo kelomba kulanda kusala bikesa sambu zola yai kuvanda kaka ngolo. (1 Piere 2:2) Nge tavanda ti kivuvu ya kuzinga mvula na mvula kaka kana nge landa kukwenda penepene na Nzambi na kulongukaka ndinga na yandi.Tanga Yoane 17:3; Yude 21.

Ntangu nzayilu na nge sambu na Nzambi keyela, lukwikilu na nge takuma ngolo. Lukwikilu tasadisa nge na kupesa Nzambi kyese. (Baebreo 11:1, 6) Yo tapusa nge na kubalula ntima mpi kusala bansoba ya mbote na luzingu na nge.Tanga Bisalu 3:19.

2. Inki mutindu bantu yankaka lenda baka mambote na nzayilu yina nge mebakaka na yina metala Nzambi?

Nge lenda kuma ti bangwisana ya ngolo ti Yehowa

Ntembe kele ve nde nge tazola kuzabisa bantu yankaka mambu ya nge melongukaka—beto yonso kesepelaka kuzabisa bankaka nsangu ya mbote. Ntangu nge kelanda kulonguka Biblia, nge talonguka mutindu ya kusadila yo sambu na kutendula nsangu ya mbote mpi lukwikilu na nge na Yehowa.Tanga Baroma 10:13-15.

Bantu mingi keyantikaka ntete kuzabisa nsangu ya mbote na banduku to na bampangi ya kinsuni. Kansi sala keba. Na kisika ya kuzabisa bo nde dibundu na bo kele ya luvunu, zabisa bo mambu ya ketadila balusilu ya Nzambi. Dyaka, yibuka nde mbala mingi bikalulu na beto kesimbaka ngolo ntima ya bantu kuluta mambu ya beto ketubaka.Tanga 2 Timoteo 2:24, 25.

3. Nge lenda vanda ti bangwisana ya nki mutindu ti Nzambi?

Kulonguka ndinga ya Nzambi tasadisa nge na kuyela na kimpeve. Nsuka-nsuka, nge lenda kuma ti bangwisana ya ngolo ti Yehowa. Nge lenda kuma mpenza muntu ya dibuta na yandi.Tanga 2 Bakorinto 6:18.

 4. Inki mutindu nge lenda landa na kuyela?

Nge lenda yela na kimpeve kana nge kelanda kulonguka Ndinga ya Nzambi. (Baebreo 5:13, 14) Lomba Mbangi ya Yehowa mosi na kulonguka Biblia ti nge na nsadisa ya mukanda Inki Biblia Kelongaka Mpenza? Kana nge kelonguka mingi ndinga ya Nzambi, nge tanunga na luzingu na nge.Tanga Nkunga 1:1-3; 73:27, 28.

Nsangu ya mbote kekatukaka na Yehowa, Nzambi ya kyese. Nge lenda kwenda penepene na yandi kana nge kepusana penepene ya bansadi na yandi. (Baebreo 10:24, 25) Kana nge kelanda na kusala bikesa sambu na kupesa Yehowa kyese, nge tabaka luzingu ya kyeleka—luzingu ya mvula na mvula. Ya kyeleka, kukwenda penepene na Nzambi kele dyambu mosi ya kuluta mfunu yina nge lenda sala.Tanga 1 Timoteo 1:11; 6:19.