Bangogo ya Luyantiku ya Kitini 9
Kitini yai ke longa beto mambu ya me tala baleke, baprofete, mpi bantotila yina monisaka lukwikilu ya ngolo na Yehowa. Na Siria, mwana-nkento mosi ya fioti ya Izraele vandaka ti lukwikilu nde profete ya Yehowa ta belula Namani. Profete Elisha vandaka kutula ntima ya mvimba nde Yehowa ta tanina yandi na basoda ya bambeni. Nganga-Nzambi ya Nene Yehoyada tulaka luzingu na yandi na kigonsa sambu na kutanina Yehoashi, yina vandaka leke, sambu nkaka na yandi Atalia, kusala yandi ve mbi. Ntotila Ezekiasi tulaka ntima nde Yehowa ta gulusa Yeruzalemi, mpi yandi waka ve bantu ya Asiria boma. Ntotila Yoziasi katulaka biteki na insi na bo, yidikaka tempelo, mpi vutulaka dikanda na lusambu ya kieleka.
NA KITINI YAI
Soda mpi Mwana-Nkento ya Fioti
Mwana-nkento mosi ya Izraele ke songa mfumu na yandi mambu ya me tala ngolo ya nene ya Yehowa; ngolo yina lenda belula.
Basoda ya Ngolo ya Yehowa
Inki mutindu nsadi ya Elisha monaka nde “bantu yina kele ti beto kele mingi kuluta bantu yina kele ti bo.”
Kikesa ya Yehoyada
Nganga-nzambi mosi ya kwikama me telamina ntotila ya nkento ya mbi.
Yehowa Monisilaka Yonasi Ntima-Nda
Sambu na nki mbisi mosi ya nene ya masa minaka profete mosi ya Nzambi? Inki mutindu yandi basikaka? Mpi nki mambu Yehowa longaka yandi?
Wanzio ya Yehowa Taninaka Ezekiasi
Bambeni ya Yuda tubaka nde Yehowa ta tanina ve bantu na yandi, kansi bo kusaka!
Yoziasi Vandaka Kuzola Nsiku ya Nzambi
Yoziasi kumaka ntotila ntangu yandi vandaka ti bamvula nana, mpi yandi sadisaka bantu na yandi na kusambila Yehowa.
