Kwenda na mambu ke na kati

Kwenda na tansi ya malongi

 DILONGI 68

Elizabeti Me Buta

Elizabeti Me Buta

Bamvula kuluta 400 na nima ya kuyidika bibaka ya Yeruzalemi, nganga-nzambi mosi zina na yandi Zekaria ti nkento na yandi, Elizabeti, vandaka kuzinga pene-pene ya mbanza yina. Bo kwelanaka banda bamvula mingi kansi bo vandaka ve ti mwana. Kilumbu mosi ntangu Zekaria vandaka kupesa ndumbu na kisika ya santu ya tempelo, wanzio Gabriele basikilaka yandi. Zekaria waka boma, kansi Gabriele tubaka nde: ‘Kuwa boma ve. Mono me natila nge nsangu ya mbote ya me katuka na Yehowa. Nkento na nge Elizabeti ta buta mwana-bakala mpi nge ta pesa yandi zina Yakobi. Yehowa me pona Yoane sambu na kisalu mosi ya mfunu.’ Zekaria yulaka nde: ‘Inki mutindu mu lenda ndima? Nkento na mono me luta mvula ya kubuta.’ Gabriele tubaka nde: ‘Nzambi muntu me tinda mu sambu na kupesa nge nsangu yai. Kansi sambu nge me buya kundima mono, nge ta vanda baba tii ntangu mwana ta butuka.’

Zekaria salaka ntangu mingi kibeni na kisika ya santu. Ebuna nsuka-nsuka ntangu yandi basikaka, bantu vandaka kuvingila na nganda sambu na kuzaba mambu yina bwaka. Zekaria vandaka kukuka ve kutuba. Yandi vandaka kusala kaka bidimbu na maboko. Ebuna bantu bakisaka nde yandi bakaka nsangu ya me katuka na Nzambi.

Na nima, Elizabeti bakaka divumu mpi butaka mwana, mutindu wanzio tubaka. Banduku ti bampangi na yandi kwisaka kutala mwana. Bo vandaka na kiese sambu na Elizabeti. Yandi tubaka nde: ‘Zina na yandi Yoane.’ Bo tubaka nde: ‘Ata muntu mosi ve na dibuta na beno kele ti zina ya Yoane. Pesa yandi zina ya Papa na yandi, Zekaria. Kansi Zekaria sonikaka bangogo yai: ‘Zina na yandi Yoane.’ Na ntangu yina, Zekaria kumaka diaka kutuba! Nsangu ya bebe yina panzanaka na Yudea ya mvimba, mpi bantu vandaka kudiyula: ‘Mwana yai ta vanda nani?’

 Na nima Zekaria fulukaka ti mpeve santu. Yandi bikulaka nde: ‘Bika Yehowa kubaka lukumu. Yandi silaka na Abrahami nde yandi ta tinda ngulusi, Mesia, sambu na kugulusa beto. Yoane ta vanda profete, mpi yandi ta yidika nzila sambu na Mesia.’

Diambu mosi ya mfunu salamaka na Maria, mpangi ya Elizabeti. Beto ta tubila diambu yango na kapu yina ke landa.

“Bantu lenda sala yo ve, kansi Nzambi lenda sala mambu yonso.”—Matayo 19:26