Kwenda na mambu ke na kati

Kwenda na tansi ya malongi

 LUPANGU YA MVUTUKILU 16B

Kudila, Kubokuta, Kutula Kidimbu mpi Kubuka​—Inki Ntangu mpi Nki Mutindu?

Kudila, Kubokuta, Kutula Kidimbu mpi Kubuka​—Inki Ntangu mpi Nki Mutindu?

Mbona-meso yina kele na Ezekiele kapu 9 ke lungana bubu yai. Sambu beto me bakisa mutindu mambu ta salama, yo ke sadisa beto na kukanga ntima ti kikesa yonso na nsuka ya nsi-ntoto yai

‘Kudila mpi kubokuta’

INKI NTANGU: Na bilumbu ya nsuka, na ntwala nde mpasi ya nene kuyantika

INKI MUTINDU: Bantu ya ntima-masonga ke monisaka na mambu ya bo ke tubaka mpi ke salaka nde bo ke mengaka mambu ya mbi ya nsi-ntoto yai. Bantu ya mutindu yai ke salaka na kiese yonso kisalu ya kulonga, ke landaka kulwata kimuntu ya Kristu, ke bakaka mbotika sambu na kumonisa nde bo me kudipesaka na Yehowa mpi bo ke pesaka bampangi ya Kristu maboko na kwikama yonso

 ‘Kutula kidimbu’

INKI NTANGU: Na nsungi ya mpasi ya nene

INKI MUTINDU: Bakala yina vandaka ti kima yina sekretere ke tudilaka tinta kele Yezu Kristu ntangu yandi ta kwisa kusambisa makanda yonso. Yandi ta sambisa na mutindu ya mbote bantu ya kimvuka ya nene mpi ta tula bo kidimbu ya mameme; kidimbu yai ta sala nde bo guluka na Armagedoni

‘Kubuka’

INKI NTANGU: Na Armagedoni

INKI MUTINDU: Yezu Kristu mpi basoda na yandi ya zulu, disongidila bawanzio mpi bantu 144 000 yina ta yala ti yandi ta fwa kibeni nsi-ntoto yai ya mbi mpi ta sadisa bansadi ya Nzambi na kukota na nsi-ntoto ya mpa