Kwenda na mambu ke na kati

Kwenda na tansi ya malongi

 LUPANGU YA MVUTUKILU 21A

“Dikabu Yina Beno Ta Tula na Kingenga”

“Dikabu Yina Beno Ta Tula na Kingenga”

EZEKIELE 48:8

Beto landa Ezekiele ntangu yandi ke tala mbote-mbote kitini ya ntoto yina Yehowa tulaka na kingenga. Yo vandaka ti bitini tanu. Nki kele bitini yango? Mpi nki vandaka mfunu na yo?

A. “Dikabu”

Yo kele sambu na kusala bisalu ya luyalu mpi bo ke bingaka yo “kisika ya kusala kisalu.”

EZEK. 48:8

B. “Dikabu ya Mvimba”

Bo me tula yo na lweka sambu na banganga-nzambi, Balevi, mpi mbanza. Diaka, bantu ya makanda yonso 12 ke kota na kitini yai ya ntoto sambu na kusambila Yehowa mpi kupesa maboko na bisalu yina ke salama kuna.

EZEK. 48:20

C. “Teritware ya Mfumu”

“Kitini yina ya ntoto ta kuma dikabu na yandi na Izraele.” “Yo ta vanda sambu na mfumu.”

EZEK. 45:7, 8; 48:21, 22

D. “Dikabu ya Santu”

Kitini yina kele na zulu kele “sambu na Balevi.” Yo kele “kima mosi ya santu.” Kitini yina kele na kati-kati kele “dikabu ya santu sambu na banganga-nzambi.” Yo kele “kisika sambu na banzo na bo mpi kisika mosi ya santu sambu na tempelo.”

EZEK. 45:1-5; 48:9-14

E. “Kisika Yina Ta Bikala”

“Yo ta vanda sambu na nzo ya mvimba ya Izraele” mpi yo “ta vanda sambu na bantu yonso ya mbanza, sambu na banzo mpi sambu na nseke ya kudisa bitwisi.”

EZEK. 45:6; 48:15-19