Kwenda na mambu ke na kati

Kwenda na tansi ya malongi

 DILONGI 2

Tuba Mutindu Nge Ke Tubaka

Tuba Mutindu Nge Ke Tubaka

2 Bakorinto 2:17

NA BUNKUFI: Tuba mutindu nge ke tubaka sambu na kubasisa mawi na nge sambu na disolo mpi sambu na bawi.

MUTINDU YA KUSALA YO:

  • Samba mpi kudibongisa mbote-mbote. Samba Yehowa sambu yandi sadisa nge na kutula dikebi na malongi kansi ve na kimuntu na nge. Zaba bangindu ya mfunu yina nge ta longa. Tubila bangindu yango na bangogo na nge mosi kansi kuvutukila ve kaka bangogo yina bo me sonika.

  • Tuba mambu ya ke katuka na ntima. Yindula malongi yina bawi na nge kele na mfunu ya kuwa. Tudila bo dikebi. Mpidina, mutindu na nge ya kutelama, bidimbu ya nge ta sala mpi luse na nge ta monisa nde nge kele na kiese mpi nge ke zolaka bo.

  • Tala bawi. Talaka bawi. Kana nge ke sala diskure, bantangu ya nkaka yo ta lomba nde nge tala muntu mosi yina kele na kimvuka, na kisika ya kutala-tala bantu yonso.