Kwenda na mambu ke na kati

Kwenda na tansi ya malongi

 NKENDA YA 69

Kubeluka ya Naaman

Kubeluka ya Naaman

BENO zaba mambu mwana ya nkento yai ketuba? Yandi ketubila nkento yina nde yandi zaba mambu ya mbikudi Eliza mpi ya bidimbu ya nkumbwa yina Jéhovah mepesila yandi nswa na kusala. Bonso nkento yina vandaka muntu ya Israele ve, yandi kezaba ve nani yai Jéhovah. Kansi nki mpila mwana ya nkento yina kele na nzo ya nkento yai?

Nkento vandaka muntu ya Syria. Bakala na yandi vandaka mfumu ya basoda ya Syria. Kilumbu mosi basoda ya Syria kangaka mwana ya nkento yai mpi pesaka yandi na nkento ya Naaman.

Naaman vandaka na maladi ya wazi. Yau vandaka maladi ya ngolo yina kotaka tii na misuni na yandi. Tala mambu ya mwana ya nkento ketuba na nkento ya Naaman: ‘Ah! Kana mfumu na mono kwenda na Israele sambu na kumona mbikudi ya Jéhovah. Yandi tabelula yandi na kimbefo ya wazi.’ Na nima, Naaman waka mambu yina.

Naaman vandaka kusosa na kubeluka. Na yau, yandi bakaka lukanu ya kukwenda na Israele. Ntangu yandi kumaka na nzo ya Eliza, Eliza tindilaka yandi nsadi na yandi sambu na kutubila yandi na kukota na masa Yurdani mbala nsambwadi. Naaman waka makasi mpi tubaka nde: ‘Banzadi ya nsi na mono kuluta ve banzadi ya Israele?’

Kansi mosi na kati ya bansadi na yandi kutubilaka yandi nde: ‘Kana mbikudi tumaka nge mambu ya mpasi, keti nge zolaka kusala yau ve? Ebuna sambu na nki nge kezola ve kuyobila bonso yandi metuba?’ Naaman kuwilaka nsadi yina mpi kwendaka kukota na Yurdani mbala nsambwadi. Yandi belukaka mvimba!

Naaman vutukaka na kiese yonso mpi na matondo na ntwala ya mbikudi mpi tubilaka yandi nde: ‘Ntangu yai mono mezaba nde na ntoto ya mvimba, kele na Nzambi yankaka ve kaka ya Israele. Mono kebondila nge, ndima makabu na mono.’ Kansi Eliza buyaka. Mbikudi zabaka nde yau vandaka mbi na kundima dikabu, sambu Jéhovah muntu kubelulaka Naaman. Kansi Gehazi, kuzolaka bima yina Naaman nataka.

Gehazi landaka Naaman mpi kutaka yandi na nzila. Yandi tubilaka yandi nde: ‘Eliza metinda mono na kutubila nge nde tinda yandi mwa makabu sambu na banduku yina mekumina yandi.’ Yau vandaka luvunu ya ngolo kibeni, kansi Naaman kuzabaka ve. Naaman pesaka makabu mingi na Gehazi.

Kansi, Eliza kuzabaka mambu yonso yina Gehazi salaka. Jéhovah kuzabisaka yandi. Ntangu yandi vutukaka, mbikudi tubilaka yandi nde: ‘Wazi ya Naaman kesambukila nge.’ Kaka na ntangu yina, Gehazi bakaka maladi ya wazi!

Nkenda yai ya Bible kelonga beto inki? Bima tatu. Ntete, beto fwete sala bonso mwana ya nkento yina kuwaka boma ve na kutuba sambu na Jéhovah. Na nima, beto fwete vanda ve lulendo bonso Naaman salaka na mbala ya ntete, kansi beto fwete lemfukila bansadi ya Nzambi. Na nsuka, beto keba sambu beto ta luvunu ve bonso Gehazi.