Kwenda na mambu ke na kati

Keti ya Kieleka Bafwa Lenda Zinga Diaka?

Keti ya Kieleka Bafwa Lenda Zinga Diaka?

Nge ta tuba nde . . .

  • ee?

  • ve?

  • mbala ya nkaka?

 MAMBU YINA BIBLIA KE TUBAKA

“Bantu . . . ta futumuka.”Bisalu 24:15, Mbalula ya Nsi-Ntoto ya Mpa.

YO LENDA TENDULA INKI SAMBU NA NGE

Yo ta lembika nge kana muntu ya nge ke zolaka me fwa.2 Bakorinto 1:3, 4.

Yo ta katula nge na kimpika ya boma ya bafwa.Baebreo 2:15.

Yo ta pesa nge kivuvu ya kieleka ya kukutana diaka ti bantu ya nge ke zolaka yina me fwaka.Yoane 5:28, 29.

 KETI BETO LENDA KWIKILA KIBENI MAMBU YINA BIBLIA KE TUBAKA?

Ee, sambu na bikuma kiteso ya tatu:

  • Nzambi kele Ngangi ya luzingu. Biblia ke bingaka Yehowa Nzambi “nto ya luzingu.” (Nkunga 36:9; Bisalu 17:24, 25) Muntu yina pesaka luzingu na bigangwa yonso yina ke zingaka lenda vutudila kibeni muntu yina me fwaka luzingu.

  • Nzambi futumunaka bantu na ntangu ya ntama. Biblia ke tubila bambandu ya bantu nana—baleke, bambuta, babakala, mpi bankento—yina bo futumunaka na ntoto. Bo futumunaka bankaka ntangu fioti na nima ya kufwa, kansi muntu mosi salaka bilumbu iya na maziamu!—Yoane 11:39-44.

  • Nzambi kele ti mpusa ya ngolo ya kusala yo diaka. Yehowa ke mengaka lufwa; yo kele mbeni na meso na yandi. (1 Bakorinto 15:26) Yandi kele na nzala ya ngolo ya kununga mbeni yai mpi ya kukatula lufwa na nsadisa ya lufutumuku. Yandi kele na mpusa ya ngolo ya kufutumuna bantu yina kele na mabanza na yandi mpi ya kumona bo diaka na luzingu na ntoto.—Yobi 14:14, 15.

 KUDIYULA

Sambu na nki beto ke nunaka mpi ke fwaka?

Biblia ke pesa mvutu na ngiufula yai na KUYANTIKA 3:17-19 mpi BAROMA 5:12.