Kwenda na mambu ke na kati

Inki Kele Kinsweki Sambu na Kuvanda na Kiese na Dibuta?

Inki Kele Kinsweki Sambu na Kuvanda na Kiese na Dibuta?

Nge ke yindula nde yo kele . . .

  • zola?

  • mbongo?

  • kima ya nkaka?

 MAMBU YINA BIBLIA KE TUBAKA

“Kiese na bantu yina ke waka ndinga ya Nzambi mpi ke landaka yo!”—Luka 11:28, Mbalula ya Nsi-Ntoto ya Mpa.

YO LENDA TENDULA INKI SAMBU NA NGE

Nge ta zwa zola ya kieleka.—Baefezo 5:28, 29.

Nge ta vanda ti luzitu ya masonga.—Baefezo 5:33.

Nge ta vanda na lutaninu ya kieleka.—Marko 10:6-9.

 KETI BETO LENDA KWIKILA KIBENI MAMBU YINA BIBLIA KE TUBAKA?

Ee, sambu na bikuma kiteso ya zole:

  • Nzambi kele na Kisina ya dibuta. Biblia ke tubaka nde “konso dibuta . . . me bakaka zina na yo” na Yehowa Nzambi. (Baefezo 3:14, 15) Na bangogo ya nkaka, dibuta kele sambu Yehowa salaka yo. Yo ke tendula inki?

    Mu mbandu: Kana nge me dia madia mosi ya ntomo mpi nge ke zola kuzaba bima yina bo tulaka na kati, nge ta yula nani? Nge ta yula muntu yina lambaka yo.

    Mutindu mosi, sambu na kuzaba mambu yina ke salaka nde dibuta kuvanda na kiese, beto fwete lomba lusadisu ya Yehowa, Muntu yina kele na kisina ya dibuta.—Kuyantika 2:18-24.

  • Nzambi ke kudibanzaka sambu na nge. Mabuta fwete sosa bandongisila ya Yehowa, yina yandi ke pesaka na nsadisa ya Ndinga na yandi. Sambu na nki? “Sambu yandi ke kudibanzaka sambu na beno.” (1 Piere 5:6, 7) Yehowa ke kudibanzaka sambu na mambote na nge—mpi bandongisila na yandi ke butaka mbuma ya mbote ntangu yonso!—Bingana 3:5, 6; Yezaya 48:17, 18.

 KUDIYULA

Inki mutindu nge lenda vanda bakala, nkento, to kibuti ya mbote?

Biblia ke pesa mvutu na ngiufula yai na BAEFEZO 5:1, 2 mpi na BAKOLOSAI 3:18-21.