Kwenda na mambu ke na kati

Kwenda na tansi ya malongi

 ZINGA MUTINDU BAKRISTU FWETE ZINGA

Inki Kele Mabanza ya Yehowa?

Inki Kele Mabanza ya Yehowa?

Na ntwala ya kubaka balukanu, yo vanda ya nene to ya fioti, beto fwete kudiyula nde, ‘nki kele dibanza ya Yehowa?’ Ata beto me zaba ve mambu mingi na yina me tala mabanza ya Yehowa, yandi me monisaka beto mambu ya nkaka na Biblia sambu beto vanda ya kukuka “sambu na konso kisalu ya mbote.” (2Tm 3:16, 17; Bar 11:33, 34) Yezu bakisaka mbote-mbote luzolo ya Yehowa mpi tulaka yo na kisika ya ntete na luzingu na yandi. (Yoa 4:34) Kana beto ke landa mbandu ya Yezu, beto ta baka balukanu ya mbote yina ta sepedisa Yehowa.—Yoa 8:28, 29; Efe 5:15-17.

SONGA VIDEO LANDA KUBAKISA LUZOLO YA YEHOWA (LEV 19:18) NA NIMA BENO PESA MVUTU NA BANGIUFULA YAI:

  • Sambu na nki beto fwete sadila minsiku ya Biblia na luzingu na beto?

  • Inki minsiku ya Biblia lenda sadisa beto na yina me tala kupona miziki?

  • Inki minsiku ya Biblia lenda sadisa beto na yina me tala kulwata mpi kuyidika nitu?

  • Na nki mambu ya nkaka beto lenda sadila minsiku ya Biblia?

  • Inki mutindu beto lenda yedisa makuki na beto ya kubakisa luzolo ya Yehowa?

Balukanu yina mono ke bakaka, ke monisaka nki na yina me tala kinduku na mono ti Yehowa?