Kwenda na mambu ke na kati

Kwenda na tansi ya malongi

 ZINGA MUTINDU BAKRISTU FWETE ZINGA

Keti Lukwikilu na Nge na Balusilu ya Yehowa Kele Kibeni Ngolo?

Keti Lukwikilu na Nge na Balusilu ya Yehowa Kele Kibeni Ngolo?

Yozue ti Salomo monisaka nde balusilu yonso ya Yehowa lunganaka. (Yoz 23:14; 1Bn 8:56) Mambu yina bambangi yai zole tubaka ke kumisa diaka lukwikilu na beto ngolo.—2Bk 13:1; Tit 1:2.

Inki mutindu Yehowa lungisaka balusilu na yandi na bilumbu ya Yozue? Kumosi ti dibuta na nge, tala video ‘Ata Diambu Mosi Ve Kondaka Kulungana.’ Na nima, beno pesa mvutu na bangiufula yai: (1) Inki mutindu nge lenda landa mbandu ya lukwikilu ya Rahabi? (Ebr 11:31; Yak 2:24-26) (2) Inki mutindu mbandu ya Akani ke monisa nde kubuya kulemfukila Yehowa na luzolo yonso ke nataka mpasi? (3) Ata bantu ya Gibeoni zabaka kunwana bitumba, sambu na nki bo kusaka Yozue mpi salaka kuwakana ti Izraele? (4) Inki mutindu ndinga ya Yehowa lunganaka ntangu bantotila tanu ya bantu ya Amore nwanisaka Izraele? (Yoz 10:5-14) (5) Inki balusakumunu ya Yehowa nge me bakaka sambu nge ke tulaka Kimfumu mpi lunungu na yandi na kisika ya ntete?—Mat 6:33.

Kana beto ke yindulula mambu yonso yina Yehowa me salaka, ke sala mpi ta sala, lukwikilu na beto na balusilu na yandi ta kuma ngolo.—Bar 8:31, 32.

Keti lukwikilu na nge kele bonso ya Yozue?