Kwenda na mambu ke na kati

Kwenda na tansi ya malongi

 BIMVWAMA YA NDINGA YA NZAMBI | KUYANTIKA 9–11

“Ntoto ya Mvimba Vandaka Kutuba Kaka Ndinga Mosi”

“Ntoto ya Mvimba Vandaka Kutuba Kaka Ndinga Mosi”

11:1-4, 6-9

Yehowa panzaka bantu ya Babele ntangu yandi kumisaka ndinga na bo kisaka-saka sambu bo lemfukilaka yandi ve. Bubu yai, Yehowa ke vukisa kimvuka ya nene ya me katuka na makanda yonso, na bandinga yonso mpi yandi ke pesa bo “ndinga ya bunkete” mpidina ‘bo ta binga zina ya Yehowa, sambu bo sadila yandi dipeka na dipeka.’ (Sef 3:9; Kus 7:9) ‘Ndinga yai ya bunkete’ kele kieleka ya me tala Yehowa mpi balukanu na yandi yina kele na kati ya Masonuku.

Kulonguka ndinga ya mpa ke lombaka mambu mingi katula kukanga kaka bangogo ya mpa na ntu. Yo ke lombaka kulonguka mutindu ya mpa ya kuyindula. Mutindu mosi, ntangu beto ke longukaka kieleka ya ndinga ya bunkete, mabanza na beto ke sobaka. (Bar 12:2) Bansadi ya Nzambi ke landaka kusala mambu yai sambu na kuvanda na bumosi.—1Bk 1:10.