Kwenda na mambu ke na kati

Kwenda na tansi ya malongi

 ZINGA MUTINDU BAKRISTU FWETE ZINGA

Mutindu ya Kuyantika Masolo ti Batrakiti

Mutindu ya Kuyantika Masolo ti Batrakiti

Banda na Yanuari 2018, lutiti ya ntete ya Mukanda ya Lukutakanu Luzingu mpi Kisalu ke vandaka ti mbandu ya masolo ti Muntu. Mpika siamisaka beto na kusolula ti bantu na kisika ya kupesa bo kaka mikanda. Sambu na kusadisa bansamuni na kulonga mbote, bavideo ya mbandu ya disolo ti muntu ke monisaka mutindu ya kusadila kaka Biblia sambu na kuyantika disolo ti muntu. Keti yo ke tendula nde beto fwete sadila ve mikanda ntangu beto ke samuna nzo na nzo? Ata fioti ve. Mu mbandu, batrakiti ke vandaka bisadilu ya mbote sambu na kuyantika disolo ti muntu. Ntangu beto ke sadila trakiti, beto lenda sadila metode yai:

  1. Yula ngiufula yina ke vandaka na ntwala ya trakiti.

  2. Songa mvutu ya Biblia yina kele na zulu ya lutiti ya zole ya trakiti. Kana ntangu kele, tanga mpi tubila mambu ya nkaka yina kele na kati ya trakiti.

  3. Pesa muwi trakiti mpi siamisa yandi na kutanga mambu ya nkaka ya kele na kati na ntangu yina yandi ta zola.

  4. Na ntwala ya kukwenda, songa yandi ngiufula ya kele na kitini “Kudiyula” mpi beno wakana kilumbu mpi ntangu yina beno ta tubila mvutu ya Biblia.

Ntangu nge ke vutukila muwi, beno tubila mvutu na ngiufula yina nge bikilaka yandi mpi bikila yandi ngiufula ya nkaka yina beno ta tadila na mbala ya nima. Nge lenda pona ngiufula mosi na site na beto to ngiufula yina kele na kati ya mukanda yina bo me tula na nima ya trakiti. Na ntangu ya me fwana, pesa yandi kamukanda Nsangu ya Mbote ya Me Katuka na Nzambi! to mukanda ya nkaka ya beto ke longukaka ti bantu ya kele na Bisadilu Sambu na Kulonga.