Bampangi ke bingisa bantu na balukutakanu na Bisanga ya Cook

MUKANDA YA LUKUTAKANU LUZINGU MPI KISALU YA BUKRISTU Septembri 2017

Mbandu ya Bangogo ya Kukotila na Masolo

Mbandu ya bangogo ya kukotila na masolo ya Nzozulu ya Nkengi mpi sambu na kulonga kieleka ya me tala Biblia mpi Siansi. Sadila bangindu yai sambu na kuyidika bangogo na nge mosi ya kukotila na masolo.

BIMVWAMA YA NDINGA YA NZAMBI

Nzambi Me Vutula Lusambu ya Bunkete!

Mbona-meso ya tempelo, yina Ezekiele monaka, pesaka Bayuda ya kwikama kivuvu nde Nzambi ta vutula lusambu ya bunkete.

ZINGA MUTINDU BAKRISTU FWETE ZINGA

Sambu na Nki Nge Ke Bakaka Lusambu ya Bunkete na Mbalu?

Bo me tedimisa lusambu ya bunkete ngolo kibeni. Keti nge ke monisaka nde kuzaba Yehowa Nzambi mpi kusadila yandi kele dibaku ya mbote?

BIMVWAMA YA NDINGA YA NZAMBI

Balusakumunu Yina Bantu ya Izraele Yina Katukaka na Kimpika Bakaka

Mbona-meso ya Tempelo yina Ezekiele monaka vandaka lusilu nde Nzambi ta vutula lusambu ya bunkete, mpi yo ta nata balusakumunu mingi mu mbandu na yina me tala organizasio, kuwakana mpi lutaninu.

BIMVWAMA YA NDINGA YA NZAMBI

Kuvanda ya Kwikama na Yehowa Ke Nataka Balusakumunu

Disolo ya Baebreo tatu lenda kumisa ngolo lukanu na beto ya kubikala ya kwikama na Yehowa.

ZINGA MUTINDU BAKRISTU FWETE ZINGA

Vanda ya Kwikama na Ntwala ya Mpukumuna

Yezu Kristu bikalaka ya kwikama na Nzambi ntangu bo mekaka yandi. Keti bantu ya kukonda kukuka mpi lenda bikala ya kwikama na Nzambi ata bo ke pusa bo na kuyambula kwikama na bo na Nzambi?

ZINGA MUTINDU BAKRISTU FWETE ZINGA

Vanda ya Kwikama Kana Bo Me Basisa Mpangi na Nge na Dibundu

Kana bo me basisa mpangi na beto na dibundu, kwikama na beto na Yehowa ke mekamaka. Inki lenda sadisa beto na kulanda kuvanda ya kwikama?

BIMVWAMA YA NDINGA YA NZAMBI

Keti Nge Ke Landa Kusadila Yehowa?

Daniele landaka kusadila Nzambi. Yandi pesaka ve nzila ata na kima mosi buna sambu yo kanga yandi nzila ya kusala mambu ya kimpeve.

ZINGA MUTINDU BAKRISTU FWETE ZINGA

Pesa Bo Formasio Sambu Bo Landa Kusadila Yehowa

Beno sadisa bansamuni ya mpa banda na luyantiku na kusamuna mbala na mbala mpi na kikesa. Sadisa longoki na kukuma nsamuni ya mbote.