Kwenda na mambu ke na kati

Kwenda na tansi ya malongi

 ZINGA MUTINDU BAKRISTU FWETE ZINGA

Batoko—Keti Nduku na Beno ya Kuluta Mbote Kele Yehowa?

Batoko—Keti Nduku na Beno ya Kuluta Mbote Kele Yehowa?

Inki bikalulu nge ke zolaka nde nduku na nge kuvanda ti yo? Mbala ya nkaka kwikama, ntima-mbote mpi kukaba. Yehowa kele ti bikalulu yina yonso. (Kub 34:6; Bis 14:17) Yandi ke waka ntangu nge ke sambaka yandi. Yandi ke sadisaka nge konso ntangu yina nge ke vandaka ti mfunu ya lusadisu. (Nk 18:19, 35) Yandi ke lolulaka bifu na nge. (1Yn 1:9) Yehowa kele kibeni nduku ya mbote!

Inki mutindu nge lenda kuma nduku ya Yehowa? Longuka na kuzaba yandi na nzila ya lutangu ya Ndinga na yandi. Tudila yandi ntima. (Nk 62:8; 142:2) Monisa nde nge ke bakaka na valere mambu yina kele mfunu na meso ya Yehowa. Mu mbandu, Mwana na yandi, Kimfumu na yandi mpi balusilu na yandi sambu na bilumbu ya ke kwisa. Songa bantu ya nkaka mambu ya me tala yandi. (Kul 32:3) Kana nge kuma nduku ya ngolo ya Yehowa, yandi ta vanda nduku na nge mvula na mvula.—Nk 73:25, 26, 28.

SONGA VIDEO BATOKO—‘BENO MEKA MPI BENO MONA NDE YEHOWA KELE MBOTE MPI NA NIMA BENO PESA BAMVUTU NA BANGIUFULA YAI:

  • Inki mutindu nge lenda yilama sambu na kupesa luzingu na nge na Yehowa mpi kubaka mbotika?

  • Inki mutindu bampangi ya nkaka na dibundu lenda sadisa nge na kusadila Yehowa?

  • Inki mutindu kisalu ya kusamuna ke kumisaka kinduku na nge ti Yehowa ngolo?

  • Nge lenda vanda nduku ya Yehowa mvula na mvula

    Inki bisalu nge lenda sala na kisalu ya Yehowa?

  • Inki nge ke zolaka na Yehowa?