Kwenda na mambu ke na kati

Kwenda na tansi ya malongi

 ZINGA MUTINDU BAKRISTU FWETE ZINGA

Beto Yamba Bantu Yina Beto Bingaka

Beto Yamba Bantu Yina Beto Bingaka

Na Marsi 23, kiteso ya bantu bamilio 12 to bantu mingi yina beto bingaka ta kwisa na Lusungiminu. Yo ta vanda kibeni kimbangi ya mbote yina bo ta wa ntangu mutubi ta tubila dikabu ya nkudulu yina Yehowa me pesaka, mpi mambote yina yo ta natila bantu na bilumbu ke kwisa! (Yez 11:6-9; 35:5, 6; 65:21-23; Yoa 3:16) Kansi, mutubi mpamba ve muntu ta vanda ti dibaku ya kuta kimbangi na lukutakanu yai ya sipesiali. Beto yonso lenda ta kimbangi kana beto yamba na kiese yonso bantu yina beto bingaka. (Bar 15:7) Tala mwa bangindu ya bo me pesa.

  • Na kisika ya kuvanda mpi kuvingila ntangu manaka ta yantika, yamba bantu yina beto bingaka, bampangi yina ke samunaka diaka ve to ya ke kwisaka diaka ve na balukutakanu mpi pesa bo mbote na kiese yonso

  • Ntangu nge ke tula dikebi na banduku yina nge bingaka, tula mpi dikebi na bayina me kwisa sambu bo bakaka emvitasio na kampanye. Lomba bantu ya mpa na kuvanda kisika mosi ti nge. Beno sadila Biblia ti mukanda na nge ya bankunga

  • Na nima ya Lusungiminu, pesa bawi bamvutu na bangiufula na bo. Kana ntangu kele fioti sambu beno fwete bika kisika na dibundu ya nkaka, baka bangidika sambu na kukwenda kutala bantu yina na nima ya bilumbu fioti. Kana nge ke zaba ve zina ya muwi, nge lenda yula yandi nde: “Mu ke zola kuzaba dibanza na nge na diskure ya nge me landa. Inki mutindu beto lenda kutana?”