Kwenda na mambu ke na kati

Kwenda na tansi ya malongi

 ZINGA MUTINDU BAKRISTU FWETE ZINGA

Lufutumuku Ta Salama na Nsadisa ya Nkudulu

Lufutumuku Ta Salama na Nsadisa ya Nkudulu

Lusungiminu ke pesaka beto dibaku ya mbote ya kuyindula balusakumunu yina beto ta baka na nsadisa ya nkudulu, mu mbandu lufutumuku. Yehowa gangaka ve bantu sambu bo fwa. Yo yina, kana muntu yina beto vandaka kuzola me fwa, yo ke pesaka beto mpasi mingi. (1Bk 15:26) Yezu waka mpasi mingi ntangu yandi monaka balongoki na yandi ke dila Lazare. (Yoa 11:33-35) Sambu Yezu landaka mbandu ya Tata na yandi na mutindu ya kukuka, beto lenda ndima nde Yehowa ke waka mpasi mingi ntangu yandi ke monaka beto ke dila bampangi na beto yina me fwaka. (Yoa 14:7) Yehowa ke vingila ti mpusa ya ngolo ntangu yina yandi ta futumuna bansadi na yandi yina me fwaka, beto mpi fwete vingila yo ti mpusa ya ngolo.—Yob 14:14, 15.

Sambu Yehowa kele Nzambi ya ndonga, beto lenda ndima nde lufutumuku ta salama na ndonga. (1Bk 14:33, 40) Na kisika ya kuzika bamvumbi, bantu ta yilama sambu na kuyamba bantu yina ta futumuka. Keti nge ke yindululaka mutindu lufutumuku ta vanda, mingi-mingi sambu na bantu yina me katuka kufwila? (2Bk 4:17, 18) Keti nge ke pesaka Yehowa matondo mutindu yandi me pesaka beto nkudulu, mpi mutindu yandi me zabisaka beto na Biblia nde bantu yina me fwaka ta zinga diaka?—Kol 3:15.

  • Inki banduku to bantu ya dibuta na beno yina me fwaka nge ke vingila kumona diaka?

  • Inki bantu yina Biblia ke tubilaka nge ke zola kukutana ti bo mpi kusolula ti bo?