Kwenda na mambu ke na kati

Kwenda na tansi ya malongi

 ZINGA MUTINDU BAKRISTU FWETE ZINGA

Kumisa Yehowa: Kuma Mupasudi-Nzila

Kumisa Yehowa: Kuma Mupasudi-Nzila

Bantu ya Izraele vandaka ti bikuma mingi ya mbote ya kukumisa Yehowa. Yandi basisaka bo na Ezipte mpi yandi gulusaka bo na maboko ya basoda ya Farao. (Kub 15:1, 2) Yehowa ke landa kusadila bansadi na yandi mambu ya mbote. Inki mutindu beto lenda monisa ntonda?—Nk 116:12.

Mutindu mosi ya kusala yo kele ya kukuma mupasudi-nzila nsadisi to mupasudi-nzila ya ntangu yonso. Nge lenda lomba Yehowa na kupesa nge mpusa mpi ngolo ya kukuma mupasudi-nzila. (Fil 2:13) Bampangi mingi ke yantikaka na kukuma ntete bapasudi-nzila nsadisi. Nge lenda pona na kupesa bangunga 30 to 50 yina bo ke lombaka na ngonda ya Marsi mpi ya Aprili to na ngonda yina beno kele ti visiti ya nkengi ya nziunga. Na nima ya kukuma mupasudi-nzila nsadisi, nge lenda sala bikesa sambu na kukuma mupasudi-nzila ya ntangu yonso. Yo vanda bampangi yina ke salaka kisalu ya kinsuni ya ntangu yonso to bayina ke belaka ke kumaka mpi bapasudi-nzila ya ntangu yonso. (mwb16.07 8) Ntembe kele ve nde Yehowa ke sepelaka ti bikesa yina beto ke salaka sambu na kukumisa yandi. —1 Bs 16:25.

SONGA VIDEO BAMPANGI-BANKENTO TATU NA MONGOLIE MPI NA NIMA BENO PESA BAMVUTU NA BANGIUFULA YAI:

  • Inki bampasi bampangi-bankento yai tatu kutanaka ti yo na ntwala nde bo kuma bapasudi-nzila?

  • Inki mambote bo bakaka?

  • Kukuma bapasudi-nzila ya ntangu yonso pesaka bo nki mabaku ya nkaka?

  • Mbandu na bo pusaka bampangi ya nkaka na kusala nki?