Kwenda na mambu ke na kati

Kwenda na tansi ya malongi

 ZINGA MUTINDU BAKRISTU FWETE ZINGA

Beto Yedisa Mayele na Beto na Kisalu ya Kusamuna—Sadila Site JW.ORG

Beto Yedisa Mayele na Beto na Kisalu ya Kusamuna—Sadila Site JW.ORG

MFUNU NA YO: Mikanda yonso yina ke sadisaka beto na kulonga bantu kele ti kidimbu yina ke sadisaka bantu na kukota na site jw.org. Kikuma ya ntete ya beto ke sadilaka karti ya viziti ya JW.ORG mpi trakiti Inki Kisika Beto Lenda Baka Bamvutu na Bangiufula ya Mfunu ya Luzingu? kele sambu na kutinda bantu na site Internet na beto. Nge lenda sadila jw.org sambu na kukabula Mikanda Yina Ke Sadisaka Beto na Kulonga Bantu na nzila ya message to kusonga muntu kisika yina yandi lenda zwa yo, yo lenda vanda mfunu mingi-mingi ntangu beto ke ta kimbangi na bantu yina ke tubaka ndinga ya nkaka. Diaka, bantu lenda yula beto bangiufula yina bamvutu na yo kele ve na Mikanda Yina Ke Sadisaka Beto na Kulonga Bantu. Yo yina, kana beto ke sadila site Internet na beto, yo ta sadisa beto mingi na kisalu ya kusamuna.

MUTINDU YA KUSALA YO:

SONGA VIDEO SADILA SITE JW.ORG, MPI NA NIMA BENO TALA NKI KISIKA BENO LENDA KOTA SAMBU NA KUSADISA:

  • muntu yina ke ndimaka ve nde Nzambi kele

  • muntu yina me kutana ti mambu ya mpasi

  • nsamuni yina ke samunaka diaka ve

  • muntu yina nge me vutukila mpi ke sosa kuzaba kisika mbongo yina beto ke sadilaka kisalu na beto ke katukaka

  • muntu ya insi ya nkaka yina ke zola kukwenda na balukutakanu na beto kisika yina yandi ke zingaka