Kwenda na mambu ke na kati

Kwenda na tansi ya malongi

 ZINGA MUTINDU BAKRISTU FWETE ZINGA

Yamba Bo na Kiese Yonso

Yamba Bo na Kiese Yonso

Banani beto fwete yamba na kiese yonso? Konso muntu yina me kwisa na balukutakanu—yo vanda bantu ya mpa to bampangi yina vandaka banduku na beto ya ntama. (Bar 15:7; Ebr 13:2) Yo lenda vanda mpangi mosi ya me katuka na insi ya nkaka to mpangi mosi ya me lembaka na kimpeve ya me kwisa na balukutakanu sambu na mbala ya ntete na nima ya bamvula mingi. Kana nge, nge ta kudiwa nki mutindu? Keti nge ta zola ve nde bampangi kupesa nge mbote na kiese yonso? (Mat 7:12) Yo yina, sala bikesa sambu na kutambula na Nzo ya Kimfumu mpi kupesa bampangi mbote yo vanda na ntwala to na nima ya lukutakanu. Bampangi yonso ta vanda na kiese mpi bo ta monisa zola, ebuna Yehowa ta baka lukumu. (Mat 5:16) Ya kieleka, yo ta vanda mpasi na kusolula ti bantu yonso ya me kwisa. Kansi, kana beto yonso kusala yina beto lenda sala, konso muntu ta kudiwa nde bo me yamba yandi mbote. *

Beto fwete monisa kikalulu ya kuyamba banzenza na mabaku yonso kansi ve kaka na Lusungiminu. Kana bantu ya mpa kumona nde beto ke zolanaka, bo lenda kumisa Nzambi mpi kuvukana ti beto na lusambu ya kieleka.—Yoa 13:35.

^ par. 3 Minsiku ya Biblia ke tubila mambu yina beto fwete sala sambu na bantu yina bo me basisaka na dibundu to bayina me kudikatulaka na dibundu kana bo me kwisa na balukutakanu.—1Bk 5:11; 2Yn 10.