Yonasi 3:1-10
3 Ebuna ndinga ya Yehowa kwisilaka Yonasi na mbala ya zole nde:+
2 “Telama, kwenda na Ninive+ mbanza ya nene, mpi zabisa yandi nsangu yina mono ke songa nge.”
3 Yo yina Yonasi telamaka mpi kwendaka na Ninive+ sambu na kulemfuka na ndinga ya Yehowa.+ Ninive vandaka mbanza mosi ya nene kibeni*—yo vandaka kubaka bilumbu tatu na kutambula na makulu.
4 Ebuna Yonasi kotaka na mbanza, mpi yandi tambulaka kilumbu ya mvimba, yandi vandaka kusamuna nde: “Na nima ya bilumbu 40 mpamba, Ninive ta fwa.”
5 Ebuna bantu ya Ninive kwikilaka na Nzambi,+ mpi bo songaka bantu na kubuya madia mpi bo lwataka basaki, yantika na muntu ya kukonda mfunu tii na muntu ya mfunu mingi na kati na bo.
6 Ntangu nsangu yai kuminaka ntotila ya Ninive, yandi telamaka na kiti na yandi ya kimfumu, katulaka bilele na yandi ya kimfumu, lwataka saki, mpi vandaka na putulu ya tiya.
7 Diaka, yandi basisaka nsiku na Ninive ya mvimba nde,“Na kulanda nsiku ya ntotila mpi ya bantu na yandi ya lukumu: Muntu mosi ve to mbisi, to ngombe to dimeme, fwete dia ata kima mosi. Bo fwete dia ve, mpi bo fwete nwa ve masa.
8 Bo lwata basaki, muntu ti mbisi; mpi bo binga Nzambi na masonga yonso mpi bo yambula banzila na bo ya mbi ti mubulu ya bo ke salaka.
9 Nani me zaba, mbala ya nkaka Nzambi ya kieleka ta tadila diaka* mambu yina yandi ke kana kusala mpi yandi ta yambula makasi na yandi ya ngolo, mpidina beto ta fwa ve?”
10 Ntangu Nzambi ya kieleka monaka mambu yina bo salaka, mutindu bo yambulaka banzila na bo ya mbi,+ yandi tadilaka diaka* mpasi yina yandi tubaka nde yandi ta natila bo, ebuna yandi nataka yo ve.+
Banoti na nsi ya lutiti
^ Na kisina, “mbanza ya nene na meso ya Nzambi.”
^ To “ta wa mawa sambu na.”
^ To “waka mawa sambu na.”
