Yonasi 2:1-10
2 Ebuna Yonasi sambaka Yehowa Nzambi na yandi na divumu ya mbisi yina,+
2 mpi yandi tubaka nde:
“Na mpasi na mono, mono bingaka Yehowa, mpi yandi ndimaka.+
Na nsi kibeni* ya Maziamu* mono dilaka sambu na kulomba lusadisu.+
Nge waka ndinga na mono.
3 Ntangu nge losaka mono na bisika ya mudindu, na kati-kati ya nzadi-mungwa,Ebuna masa ya ngolo fikaka mono.+
Bitembo na nge ya ngolo mpi bitembo na nge lutaka na zulu na mono.+
4 Mpi mono tubaka nde, ‘Nge me kula mono na meso na nge!
Inki mutindu mono lenda mona diaka tempelo na nge ya santu?’
5 Bamasa fikaka mono mpi tulaka luzingu na mono na kigonsa;*+Masa ya mudindu ziungaka mono.
Matiti ya nzadi-mungwa kangamaka mono na ntu.
6 Mono dindaka tii na nsi ya bangumba.
Bakielo ya ntoto vandaka kukanga mono kimakulu.
Kansi katuka na nsi ya dibu- lu nge tombulaka luzingu na mono, O Yehowa Nza- mbi na mono.+
7 Ntangu mono* vandaka kufwa malembe-malembe, Yehowa kele Muntu yina mono yibukaka.+
Ebuna kisambu na mono kumaka na nge, na tempelo na nge ya santu.+
8 Bantu yina me kudipesaka na biteki ya kukonda mfunu ke yambula nto na bo ya zola ya kwikama.*
9 Kansi mono, mono ta pesa nge kimenga ti ndinga ya kupesa matondo.
Mambu yina mono silaka, mono ta lungisa yo.+
Luguluku ke katukaka na Yehowa.”+
10 Na nima, Yehowa tubaka na mbisi ya masa, mpi yo lukaka Yonasi na mukidi.
Banoti na nsi ya lutiti
^ Na kisina, “Na divumu.”
^ To “Sheole,” disongidila, maziamu ya bantu yonso. Tala Bantendula ya Bangogo.
^ To “Bamasa ziungaka mono tii na moyo.”
^ To “moyo na mono.”
^ To mbala ya nkaka, “kwikama na bo.”
