Yezaya 59:1-21

  • Masumu ya Izraele me kabula yandi ti Nzambi (1-8)

  • Kufunguna masumu (9-15a)

  • Yehowa me sala mambu sambu na bantu yina me balula ntima (15b-21)

59  Tala! Diboko ya Yehowa kele ve nkufi mingi sambu na kugulusa,+Dikutu na yandi mpi kele ve ya kukangama* kibeni sambu na kuwa.+   Ve, kansi bifu na beno mosi me kabulaka beno ti Nzambi na beno.+ Masumu na beno me sala nde yandi bumba luse na yandi sambu beno mona yandi ve,Mpi yandi ke buya kuwa beno.+   Sambu maboko na beno kele ya kufuluka ti menga+Mpi misapi na beno kele ya kufuluka ti kifu. Munoko na beno ke tuba mambu ya luvunu,+ mpi ludimi na beno ke nguna-nguna mambu ya kukonda lunungu.   Ata muntu mosi ve ke binga lunungu+ na ndinga ya ngolo,Mpi ata muntu mosi ve ke kwenda na tribinale na kieleka yonso. Bo ke tula ntima na mambu ya luvunu*+ mpi ke tuba mambu ya kukonda mfunu. Bo ke baka divumu ya mpa- si mpi ke buta mambu ya mbi.+   Bo ke pasula maki ya nioka ya ndikila,Mpi bo ke tunga nzo ya yuyu.+ Konso muntu yina ke dia maki na yo ta fwa,Mpi diaki yina bo me pasula ke basisa kiwuta.   Nzo na bo ya yuyu ta vanda ve lele,Bo ta kudifika mpi ve bima yina bo ke sala.+ Bisalu na bo kele ya mbi,Mpi mambu ya nku ya bo ke sala kele na maboko na bo.+   Makulu na bo ke baka ntinu sambu na kusala mambu ya mbi,Mpi bo ke kwenda nswalu sambu na kutiamuna menga ya bantu yina me sala mbi ve.+ Bangindu na bo kele bangindu ya mbi;Bo ke pesaka bantu mpasi mingi ntangu yonso mpi ke niokulaka bo.+   Bo me zaba ve nzila ya ngemba,Mpi lunungu kele ve na banzila na bo.+ Bo ke kumisa banzila na bo nioka-nioka;Ata muntu mosi ve ya ke tambula na banzila yina ta zaba ngemba.+   Yo yina lunungu kele ntama kibeni ti beto,Mpi kusungama ke kumina beto ve. Beto ke landa kuvingila nsemo, kansi tala! beto kele na mpimpa;Beto ke landa kuvingila mwini, kansi beto ke landa kutambula na mpimpa.+ 10  Beto ke simba-simba kibaka bonso bifwa-meso;Beto ke landa kusimba-simba bonso bantu ya me konda meso.+ Beto ke bula sakuba na kati-kati ya ntangu bonso nde na nkokila;Na kati ya bantu ya ngolo, beto kele bonso bafwa. 11  Beto yonso ke landa kungana bonso ba-urseMpi kudila na mawa yonso bonso bapizio. Beto ke tula kivuvu na lunungu, kansi yo kele ve;Na luguluku, kansi yo kele ntama ti beto. 12  Kukolama na beto kele mingi na ntwala na nge;+Konso disumu na beto ke funda beto.+ Sambu kukolama na beto kele ti beto;Beto me zaba mbote bifu na beto.+ 13  Beto me fwa nsiku mpi me buya Yehowa;Beto me pesa Nzambi na beto mukongo. Beto me tubila kuniokwama ti kukolama;+Beto me baka divumu ya mambu ya luvunu mpi me nguna-nguna mambu ya luvunu na ntima.+ 14  Lunungu me vutuka nima,+Mpi kusungama me telama ntama;+Sambu kieleka* me bula sakuba na bala-bala ya nene,Mpi mambu yina kele ya kusungama lenda kota ve. 15  Kieleka* me vila,+Mpi konso muntu yina ke buya mambu ya mbi, bo me botula yandi bima. Yehowa monaka yo mpi sepelaka ve,*Sambu lunungu vandaka ve.+ 16  Yandi monaka nde ata muntu mosi vandaka ve,Mpi yandi yitukaka na kumona nde ata muntu mosi ve bondilaka,Yo yina diboko na yandi mosi gulusaka,*Mpi lunungu na yandi mosi sadisaka yandi. 17  Ebuna yandi lwataka lunungu bonso kinkutu ya kibendeMpi mpu ya luguluku* na ntu na yandi.+ Yandi lwataka bilele ya kuvutula mbi bonso lele na yandi+Mpi kudifikaka kikesa bonso kazaka.* 18  Yandi ta pesa bo matabisi sambu na mambu yina bo me sala:+ Makasi na bambeni na yandi, ndola na bambeni na yandi.+ Mpi na bisanga, yandi ta vutudila bo yina me fwana na bo. 19  Katuka na ndambu yina ntangu ke dindaka, bo ta wa zina ya Yehowa bomaMpi katuka na ndambu yina ntangu ke basikaka nkembo na yandi,Sambu yandi ta kwisa bonso nzadi ya ke kulumukaka ntinu,Yina mpeve ya Yehowa ke pusa. 20  “Muntu ya ke sumba diaka ta kwisa+ na Sioni,+Na bantu yina kele na kati ya Yakobi ya ke buya mambi,”+ Yehowa muntu me tuba. 21  “Sambu na mono, yai kele kuwakana ya mono ke sala ti bo.”+ Yehowa muntu me tuba. “Mpeve na mono yina kele na zulu na nge mpi bangogo na mono ya mono me tula na munoko na nge—bo ta katula yo ve na munoko na nge, na munoko ya bana* na nge, to na munoko ya bantekolo* na nge, yantika bubu yai mpi kimakulu,” Yehowa muntu me tuba.

Banoti na nsi ya lutiti

Na kisina, “kele ve kilo.”
To “mambu ya mpamba-mpamba.”
To “masonga.”
To “Masonga.”
Na kisina, “mpi yo vandaka mbi na meso na yandi.”
To “nungisaka sambu na yandi.”
To “ya kununga.”
To “kazaka ya kukonda maboko.”
Na kisina, “nkuna.”
Na kisina, “ya nkuna ya nkuna na nge.”