Yezaya 58:1-14

  • Mutindu ya mbote mpi ya mbi ya kubuya madia (1-12)

  • Kuwa kiese na kuzitisa Kisabatu (13, 14)

58  “Tuba na ndinga ya ngolo kibeni; kudipimisa ve! Tombula mungungu na nge bonso kibongo. Zabisa bantu na mono kukolama na bo,+Nzo ya Yakobi masumu na bo.   Bo ke sosa mono konso kilumbu,Mpi bo ke tuba nde bo kele na kiese ya kuzaba banzila na mono,Bonso nde bo vandaka dikanda mosi yina salaka mambu ya lununguMpi yina yambulaka ve bansiku ya Nzambi na bo.+ Bo ke lomba mono na kusambisa na lunungu,Mpi kele na kiese ya kukwenda pene-pene ya Nzambi:+   ‘Sambu na nki nge ke mona ve ntangu beto ke buya madia?+ Mpi sambu na nki nge ke tula ve dikebi ntangu beto ke kudimonisa* mpasi?’+ Sambu na kilumbu na beno ya kubuya madia, beno ke landa mambote* na beno mosi,Mpi beno ke niokula bantu yina ke sadilaka beno kisalu ya ngolo.+   Nsungi na beno ya kubuya madia ke suka ti kuswana mpi bitumba,Mpi beno ke bula makofi na nku yonso. Beno lenda buya ve madia mutindu beno ke sala yo bubu yai mpi kuyindula nde ndinga na beno ta wakana na zulu.   Keti kubuya madia yina mono ke sola fwete vanda mutindu yina,Bonso kilumbu yina muntu fwete kudimonisa* mpasi,Kuniekisa ntu na yandi bonso matiti ya nda,Mpi kuyidika mbeto na yandi na zulu ya saki mpi ya putulu ya tiya? Keti yai diambu ya nge ke binga kubuya madia mpi kilumbu yina ke sepedisaka Yehowa?   Ve, kubuya madia yina mono ke sola yo yai: Kukatula miniololo ya nku,Kukangula bansinga ya nti ya vangu,+Kubika muntu yina bo ke niokula yandi kwenda,+Mpi kubuka konso nti ya vangu na bitini zole;   Yo kele kukabisa dimpa na nge ti muntu yina kele na nzala,+Kunata bansukami mpi bantu ya me konda banzo na nzo na nge,Kulwatisa muntu yina kele kinkonga bilele ntangu nge ke mona yandi,+Mpi kupesa ve bampangi na nge mosi mukongo.   Ebuna nsemo na nge ta sema bonso suka,+Mpi kubeluka na nge ta basika nswalu. Lunungu na nge ta kwenda na ntwala na nge,Mpi nkembo ya Yehowa ta vanda soda na nge yina ke kengilaka na nima.+   Ebuna nge ta binga, mpi Yehowa ta ndima;Nge ta dila sambu na kulomba lusadisu, mpi yandi ta tuba nde, ‘Mono yandi yai!’ Kana nge katula nti ya vangu na kati na benoMpi nge yambula kusongisa musapi na nge mpi kutuba na mutindu ya mbi,+ 10  Kana nge pesa muntu yina kele na nzala kima yina nge* kele na nzala na yo+Mpi nge sepedisa bantu* yina ke mona mpasi,Nsemo na nge ta sema ata na kati ya mpimpa,Mpi mpimpa na nge ya ngolo ta kuma bonso midi.+ 11  Yehowa ta twadisaka nge ntangu yonsoMpi ta sepedisaka nge* ata na ntoto ya kuyuma;+Yandi ta kumisa diaka mikwa na nge ngolo,Mpi nge ta kuma bonso masamba yina ke butaka bima mbote,+Bonso nto ya masa yina masa na yo ke yumaka ve ata fioti. 12  Bo ta tungila nge diaka bisika yina bebaka ntama,+Mpi nge ta vutula diaka bafondasio ya bansungi yina me lutaka.+ Bo ta binga nge muntu ya ke yidikaka bibaka ya me bukanaka,*+Muntu ya ke vutulaka banzila ya nene sambu na kuzinga na balweka. 13  Kana sambu na Kisabatu nge buya* kulanda mambote na nge mosi* na kilumbu na mono ya santu+Nge binga Kisabatu nde kiese mingi kibeni, kilumbu ya santu ya Yehowa, kilumbu ya kupesa nkembo,+Mpi nge pesa yo nkembo na kisika ya kulanda mambote na nge mosi mpi ya kutuba mambu ya kukonda mfunu, 14  Nge ta wa kiese mingi kibeni na Yehowa,Mpi mono ta sala nde nge tambula na bisika ya kunanguka ya ntoto.+ Mono ta sala nde nge dia* bima ya dikabu ya Yakobi nkaka na nge,+Sambu munoko ya Yehowa me tuba.”

Banoti na nsi ya lutiti

To “ke monisa moyo na beto.”
To “kiese.”
To “fwete monisa moyo na yandi.”
To “yina moyo na nge mosi.”
To “mioyo.”
To “moyo na nge.”
Na kisina, “mabulu yina kele na bibaka.”
Na kisina, “nge vutula dikulu na nge na nima sambu na.”
To “kiese na nge mosi.”
To “nge sepela na.”