Yezaya 44:1-28

  • Balusakumunu sambu na bantu yina Nzambi me solaka (1-5)

  • Nzambi ya nkaka kele ve, kaka Yehowa (6-8)

  • Buzoba ya biteki yina bantu me salaka (9-20)

  • Yehowa, Muntu ya ke sumba diaka Izraele (21-23)

  • Kuvutulama na nzila ya Sirusi (24-28)

44  “Ntangu yai wa, O Yakobi nsadi na mono,Mpi nge, O Izraele, yina mono solaka.+   Yai kele mambu yina Yehowa me tuba,Muntu yina salaka nge mpi Muntu yina yidikaka nge,+Yina sadisaka nge katuka na divumu:* ‘Kuwa boma ve, nsadi na mono Yakobi,+Mpi nge, Yeshuruni,*+ yina mono solaka.   Sambu mono ta tiamuna masa na yina ya kele ti nzala ya masa*+Mpi bamasa ya ke kulumukaka na ntoto ya kuyuma. Mono ta tiamuna mpeve na mono na zulu ya bana*+ na ngeMpi lusakumunu na mono na zulu ya bantekolo na nge.   Bo ta mena bonso na kati ya matiti ya mubisu,+Bonso banti ya pepliye pene-pene ya bamasa.   Muntu mosi ta tuba nde: “Mono kele muntu ya Yehowa.”+ Muntu ya nkaka ta kudipesa zina ya Yakobi,Ya nkaka diaka ta sonika na diboko na yandi nde: “Ya Yehowa.” Ebuna yandi ta baka zina ya Izraele.’   Yai mambu yina Yehowa me tuba,Ntotila ya Izraele+ mpi Muntu ya ke sumba yandi diaka,+ Yehowa ya makesa: ‘Mono kele muntu ya ntete mpi mono kele muntu ya nsuka.+ Nzambi ya nkaka kele ve, kaka mono.+   Nani kele bonso mono?+ Bika nde yandi tuba na ndinga ya ngolo, yandi songa yo mpi yandi monisa mono yo!+ Tuka ntangu yina mono tulaka bantu ya ntama,Bika nde bo tubila mambu yina ke kwisaMpi mambu yina ta salama diaka.   Beno wa boma ve,Mpi beno kangama na boma ve.+ Keti mono songaka yo ve na konso muntu na kati na beno na ntwala mpi zabisaka yo ve? Beno kele bambangi+ na mono. Keti kele ti Nzambi ya nkaka katula mono? Ve, Ditadi+ ya nkaka kele ve; mono me zaba ve ata mosi.’”   Bantu yonso yina ke salaka biteki kele bantu ya mpamba,Mpi bima na bo ya bo ke zolaka mingi ta vanda na mfunu ve.+ Bonso bambangi na yo, yo* ke mona ata kima ve mpi ke zaba ata kima ve,+Yo yina bo ta pesa bantu yina salaka yo nsoni.+ 10  Nani ta sala nzambi to kiteki ya kibende*Yina lenda nata ata mambote mosi ve?+ 11  Tala! Bo ta pesa banduku na yandi yonso nsoni!+ Bantu yina ke salaka bisalu ya maboko kele kaka bantu. Bika bo vukana bo yonso mpi bo yilama. Bo ta tekita mpi bo ta pesa bo nsoni kumosi. 12  Muntu ya ke salaka bima ya bibende ke yidika kibende na zulu ya makala ya tiya ti kisadilu* na yandi. Yandi ke sala yo ti bamarto,+Mpi ke yidika yo ti diboko na yandi ya ngolo. Ebuna yandi me wa nzala mpi ngolo na yandi me mana;Yandi me nwa ve masa mpi me lemba. 13  Muntu ya ke salaka bima ya mabaya ke tandula nsinga ya kutesila, ke tenda nzila ti mpemba ya mbwaki. Yandi ke yidika yo ti rabo mpi ke tenda yo ti kompa. Yandi ke sala yo bonso muntu,+Ti kitoko ya muntu,Sambu na kuvanda na nzo.*+ 14  Kele ti muntu mosi yina kisalu na yandi kele ya kuzenga banti ya sedre. Yandi ke sola nti ya mutindu mosi buna, nti ya bo ke bingaka shene,Mpi yandi ke bika nde yo kuma ngolo na kati-kati ya banti ya mfinda.+ Yandi ke kuna nti ya loriye, ebuna mvula ke yedisa yo. 15  Ebuna yo ke kuma kima ya kupedisila tiya sambu muntu kupedisa tiya ti yo. Yandi ke baka kitini na yo sambu na kuyotila;Yandi ke pedisa tiya mpi ke yoka mampa. Kansi yandi ke sala mpi nzambi ebuna yandi ke sambila yo. Yandi ke kumisa yo kiteki, mpi yandi ke fukama na ntwala na yo.+ 16  Yandi ke yoka ndambu na yo na tiya;Ti ndambu yina yandi ke yoka musuni yina yandi ke dia, mpi yandi me fuluka. Yandi ke yotila mpi, ebuna yandi ke tuba nde: “A! Mono me wa tiya mutindu mono ke tala tiya yai.” 17  Kansi ndambu na yo yina me bikala, yandi ke sala nzambi ti yo, kiteki na yandi. Yandi ke fukama na ntwala na yo mpi ke sambila yo. Yandi ke samba yo mpi ke tuba nde: “Gulusa mono, sambu nge kele nzambi na mono.”+ 18  Bo ke zaba kima ve, bo ke bakisa kima ve,+Sambu meso na bo kele ya kukanga ti kidimbu mpi bo lenda mona ve,Mpi ntima na bo me konda mayele ya kubakisa mambu mbote-mbote. 19  Muntu mosi ve ke yindula na ntima na yandiTo kele ti nzayilu to mayele ya kubakisa mambu, mpi ke tuba nde: “Mono yokaka ndambu na yo na tiya,Mpi mono yokaka na makala na yo dimpa mpi musuni sambu na kudia. Ebuna, keti mono fwete sala kima ya nzanzi+ ti ndambu na yo ya me bikala? Keti mono fwete sambila kitini ya dibaya* ya nti?” 20  Yandi ke dia putulu ya tiya. Ntima na yandi yina me kudikusa me vidisa yandi nzila. Yandi lenda kudigulusa ve,* yandi ke tuba mpi ve nde: “Keti luvunu kele ve na diboko na mono ya kitata?” 21  “Yibuka mambu yai, O Yako- bi, mpi nge, O Izraele,Sambu nge kele nsadi na mono. Mono salaka nge, mpi nge kele nsadi na mono.+ O Izraele, mono ta vila nge ve.+ 22  Mono ta dipa mambu na nge ya mbi bonso ti dituti+Mpi masumu na nge bonso ti dituti ya nene. Kwisa kuvutuka na mono, sambu mono ta sumba nge diaka.+ 23  Zulu, beno tula milolo ya kiese,Sambu Yehowa me sala mambu! Nsi ya ntoto, beno tula milolo ya kununga! Beno bangumba,+ beno tula milolo ya kiese,Nge mfinda, mpi banti na nge yonso! Sambu Yehowa me sumba diaka Yakobi,Mpi yandi ke monisa kitoko na yandi+ na zulu ya Izraele.” 24  Yehowa, Muntu ya ke sumba nge diaka,+Muntu yina salaka nge tuka nge vandaka na divumu, me tuba nde: “Mono kele Yehowa, muntu yina salaka bima yonso. Mono tandulaka zulu mono mosi,+Mpi mono tandulaka ntoto.+ Nani vandaka ti mono? 25  Mono ke bebisa bidimbu ya bantu yina ke tubaka mambu ya mpamba- mpamba,*Mpi mono Muntu ke sala nde banganga-ngombo kusala mambu bonso bazoba;+Muntu yina ke vwalangasa mabanza ya bantu ya mayeleMpi ke kumisa nzayilu na bo buzoba;+ 26  Muntu yina ke sala nde ndinga ya nsadi na yandi kulungana,Mpi yina ke lungisa kibeni mambu yina binati-nsangu+ na yandi tubaka na ntwala; Muntu yina ke tuba sambu na Yeruzalemi nde, ‘Bantu ta zinga na kati na yandi,’+Mpi sambu na bambanza ya Yuda nde, ‘Bo ta tunga yo diaka,+Mpi mono ta yidika bisika na yandi yina bebaka’;+ 27  Muntu yina ke tuba na bamasa ya mudindu nde, ‘Yuma,Ebuna mono ta yumisa banzadi na nge yonso’;+ 28  Muntu yina ke tuba sambu na Sirusi+ nde, ‘Yandi kele ngungudi na mono,Mpi yandi ta lungisa kibeni luzolo na mono yonso’;+Muntu yina ke tuba sambu na Yeruzalemi nde, ‘Bo ta tunga yandi diaka,’ Mpi sambu na tempelo nde, ‘Bo ta tula fondasio na nge.’”+

Banoti na nsi ya lutiti

To “katuka lubutuku.”
Yo ke tendula “Muntu ya Masonga,” titre mosi ya lukumu sambu na Izraele.
To “ntoto ya kele ti nzala ya masa.”
Na kisina, “nkuna.”
Disongidila, biteki.
To “kiteki ya kibende ya bo me lamba na tiya.”
To “mbele.”
To “ka-tempelo.”
To “kitini ya dibaya ya kuyuma.”
To “lenda gulusa ve moyo na yandi.”
To “bambikudi ya luvunu.”