Yezaya 42:1-25

  • Nsadi ya Nzambi mpi kisalu na yandi (1-9)

    • ‘Zina na mono kele Yehowa’ (8)

  • Nkunga ya mpa sambu na kupesa Yehowa lukumu (10-17)

  • Izraele kele kifwa-meso mpi kifwa-makutu (18-25)

42  Tala! Nsadi na mono,+ yina mono ke sadisa! Muntu ya mono me solaka,+ yina mono me* ndima!+ Mono me tula mpeve na mono na kati na yandi;+Yandi ta tula lunungu na makanda.+   Yandi ta boka ve mpi ta tombula ve ndinga na yandi,Mpi yandi ta sala ve nde ndinga na yandi kuwakana na bala-bala.+   Yandi ta zenga ve lukengi ya bo me konika,Mpi yandi ta fwa ve+ tiya ya nsinga ya mwinda yina ke pela mbote ve. Yandi ta tula lunungu+ na kwikama yonso.   Yandi ta lemba ve mpi bo ta bedisa yandi ve tii kuna yandi ta tula lunungu na ntoto;+Mpi bisanga ke landa kuvingila nsiku* na yandi.   Yai kele mambu yina Nzambi ya kieleka, Yehowa, me tuba,Ngangi ya zulu mpi Muntu ya Nene yina tandulaka yo,+Muntu yina tandulaka ntoto ti bima na yo,+Muntu yina ke pesaka mpema na bantu yina ke zingaka na zulu na yo+Mpi yina ke pesaka mpeve na bantu yina ke tambulaka na zulu na yo:+   “Mono Yehowa, mono me binga nge na lunungu;Mono me simba diboko na nge. Mono ta tanina nge mpi ta pesa nge bonso kuwakana sambu na bantu+Mpi bonso nsemo ya ma- kanda,+   Sambu nge kangula meso ya bifwa-meso,+Nge basisa muntu ya boloko na boloko ya nsi ya ntotoMpi nge basisa na boloko+ bantu yina me vanda na mpimpa.   Mono kele Yehowa. Yo yina zina na mono;Mono ke pesaka ve nkembo na mono na muntu ya nkaka,*Mono ke pesaka mpi ve lukumu na mono na biteki.+   Tala, mambu ya ntete me luta;Ntangu yai mono ke zabisa mambu ya mpa. Na ntwala nde yo yantika, mono ke songa beno yo.”+ 10  Beno yimbila Yehowa nkunga+ ya mpa,Lukumu na yandi katuka na nsuka ya ntoto,+Beno bantu yina ke kulumuka na nzadi-mungwa mpi bima yonso yina ke fulusa yo,Beno bisanga mpi bantu na yo.+ 11  Bika nde ntoto-makanga mpi bambanza na yo kutombula ndinga na bo,+Babwala yina Kedare+ ke zingaka. Bika nde bantu yina ke zingaka na ditadi kutula milolo ya kiese;Bika nde bo boka tuka na nsongi ya bangumba. 12  Bika nde bo pesa nkembo na YehowaMpi bo zabisa lukumu na yandi na bisanga.+ 13  Yehowa ta basika bonso muntu ya ngolo.+ Yandi ta tedimisa kikesa na yandi bonso soda.+ Yandi ta boka, ee, yandi ta tula mulolo ya bitumba;Yandi ta kudimonisa muntu ya ngolo kuluta bambeni+ na yandi. 14  “Mono kangaka munoko ntangu mingi. Mono bikalaka pima mpi kudiyalaka. Bonso nkento mosi ya ke buta,Mono ta dila, ta pema ntinu-ntinu, mpi ta yituka na mbala mosi. 15  Mono ta bebisa bangumba ya nene ti bangumba ya fiotiMpi ta yumisa matiti na yo yonso. Mono ta kumisa banzadi bisanga*Mpi ta yumisa mazanga ya masa+ ya me fuluka ti balukengi. 16  Mono ta nata bifwa-meso na nzila yina bo me zaba ve+Mpi ta sala nde bo tambula na banzila+ yina bo me yikanaka ti yo ve. Mono ta kumisa mpimpa ya kele na ntwala na bo nsemo+Mpi ta kumisa ntoto ya mabulu-mabulu ntoto ya kukonda ngumba.+ Yai mambu ya mono ta sala sambu na bo, mpi mono ta yambula bo ve.” 17  Bantu yina ke tulaka ntima na biteki,Bantu yina ke tubaka na biteki ya bibende* nde: “Beno kele banzambi+ na beto,”Bo ta vutula bo nima mpi ta pesa bo nsoni kibeni, 18  Beno wa, beno bantu yina kele bifwa-makutu;Beno tala mpi beno mona, beno bantu yina kele bifwa-meso.+ 19  Nani kele kifwa-meso katula nsadi na mono,Nani kele kibeni kifwa- makutu bonso kinati- nsangu ya mono ke tinda? Nani kele kibeni kifwa-meso bonso muntu ya mono me pesaka matabisi,Nani kele kibeni kifwa-meso bonso nsadi ya Yehowa?+ 20  Nge ke mona mambu mingi, kansi nge ke landa ve kukengila. Nge ke kangula makutu na nge, kansi nge ke wa ve.+ 21  Sambu na lunungu na yandi,Yehowa me wa kiese na kutombula nsiku* mpi kukumisa yo ya nkembo. 22  Kansi bantu yai kele bantu ya bo me botula bima mpi ya bo me baka bima na kingolo-ngolo;+Bo yonso me kangama na mutambu na mabulu mpi me bumbana na baboloko.+ Bo me botula bo bima kukonda muntu ya kusadisa bo,+Mpi bo me baka bo bima na kingolo-ngolo kukonda muntu ya kutuba nde: “Beno vutula yo!” 23  Nani na kati na beno ta wa diambu yai? Nani ta tula dikebi mpi ta wa sambu na ntangu ya ke kwisa? 24  Nani me pesaka Yakobi sambu bo baka yandi bima na kingolo-ngoloMpi Izraele na bantu ya ke botulaka bima? Keti yo kele ve Yehowa, Muntu yina beto salaka disumu na ntwala na yandi? Bo buyaka kutambula na banzila na yandi,Mpi bo vandaka ve kulemfu- kila+ nsiku* na yandi. 25  Yo yina yandi landaka kumonisila yandi nganzi,Makasi na yandi mpi makasi ya bitumba.+ Yo yokaka bima yonso yina vandaka na nziunga na yandi, kansi yandi tulaka ve dikebi.+ Yo bwilaka yandi, kansi yandi vandaka kutula yo ve na ntima.+

Banoti na nsi ya lutiti

To “moyo na mono me.”
To “malongi.”
To “Mono ke kabisaka ve nkembo na mono ti muntu ya nkaka.”
To “bansi yina ke vandaka na lweka ya nzadi-mungwa.”
To “biteki ya bibende ya bo me lamba na tiya.”
To “malongi.”
To “malongi.”