Yezaya 38:1-22

  • Ezekiasi me bela mpi me beluka (1-22)

    • Nkunga ya kumonisa ntonda (10-20)

38  Na bilumbu yina, Ezekiasi belaka mpi yandi zolaka kufwa.+ Mbikudi Yezaya+ mwana ya Amozi kwisaka mpi tubilaka yandi nde, “Yehowa me tuba nde: ‘Pesa bantu ya nzo na nge bantuma, sambu nge ta fwa; nge ta beluka ve.’”+  Ebuna Ezekiasi balulaka luse na yandi na kibaka mpi yandi yantikaka kusamba Yehowa nde:  “O Yehowa, mono ke bondila nge, pardo, yibuka+ mutindu mono tambulaka na ntwala na nge na kwikama mpi ti ntima ya mvimba,+ mpi mono salaka mambu ya mbote na meso na nge.” Ebuna Ezekiasi yantikaka kudila mingi kibeni.  Ebuna ndinga ya Yehowa kwisilaka Yezaya nde:  “Vutuka mpi tubila Ezekiasi+ nde, ‘Yehowa Nzambi ya nkaka na nge Davidi me tuba nde: “Mono me wa kisambu na nge.+ Mono me mona mansanga na nge.+ Tala, mono ke yika bamvula 15 na luzingu* na nge,+  mpi mono ta gulusa nge ti mbanza yai na maboko ya ntotila ya Asiria, mpi mono ta nwanina mbanza yai.+  Yai kidimbu ya me katuka na Yehowa sambu na kumonisa nge nde Yehowa ta lungisa diambu yina yandi me tuba:+  Mono ta sala nde kivudi ya ntangu kuvutuka bitambi kumi na nima na kimatilu* ya Ahazi.”’”+ Ebuna ntangu vutukaka bitambi kumi na nima na kimatilu ata yo vandaka me kulumuka dezia.  Mukanda* ya ntotila Ezekiasi ya Yuda ntangu yandi belaka mpi belukaka na maladi na yandi. 10  Mono tubaka nde: “Na kati-kati ya luzingu na monoMono fwete kota na bakielo ya Maziamu.* Bo ta pimisa mono bamvula na mono ya me bikala.” 11  Mono tubaka nde: “Mono ta mona ve Yah,* Yah na insi ya bantu ya moyo.+ Mono ta tala diaka ve bantuNtangu mono ta vanda ti bantu ya kisika yina ata kima mosi ve ke zingaka diaka. 12  Bo me bwisa nzo na mono mpi bo me nata yo+Bonso tenta ya ngungudi. Mono me dimba luzingu na mono bonso muntu ya ke tungaka bilele;Yandi ke zenga mono bonso bansinga ya lele yina bo me tunga. Yantika na mwini tii na mpimpa, nge ke landa kunata mono tii na nsuka.+ 13  Mono me vanda pima tii na suka. Bonso ntambu, yandi ke landa kubuka mikwa na mono yonso;Yantika na mwini tii na mpimpa, nge ke landa kunata mono tii na nsuka.+ 14  Mono ke landa kuyimba-yimba+ bonso ndeke ya bo ke bingaka martine to nzwanzu;*Mono ke landa kudila bonso pizio.+ Meso na mono ke tala na zulu+ ti kulemba yonso: ‘O Yehowa, mono kele na mpasi ya nene;Vanda lusadisu* na mono!’+ 15  Inki mono lenda tuba? Yandi me tubila mono mpi me sala mambu. Mono ta tambula na kudikulumusa yonso* bamvula na mono yonsoSambu na mpasi na mono ya ngolo.* 16  ‘O Yehowa, konso muntu ke zingaka na nzila ya mambu yai,*Mpi luzingu ya mpeve na mono kele na kati na yo. Nge ta pesa mono diaka mavimpi ya mbote mpi ta bikisa mono na luzingu.+ 17  Tala! Na kisika ya ngemba, mono vandaka na mpasi ya ngolo;Kansi na zola na nge sambu na mono,*Nge me tanina mono na dibulu ya lufwa.+ Nge me losa masumu na mono yonso na nima ya mukongo na nge.*+ 18  Sambu Maziamu* lenda pesa nge ve nkembo,+Lufwa lenda kumisa nge ve.+ Bantu yina ke kulumuka na dibulu yina lenda tula ve kivuvu na kwikama na nge.+ 19  Muntu ya ke zinga, muntu ya ke zinga lenda kumisa nge,Kaka mutindu mono lenda kumisa nge bubu yai. Tata lenda pesa bana na yandi nzayilu ya me tala kwikama na nge.+ 20  O Yehowa, gulusa mono,Ebuna beto ta bula miziki na mono na bima ya kubudila miziki ya kele ti bansinga,+Bilumbu yonso ya luzingu na beto na nzo ya Yehowa.’”+ 21  Ebuna Yezaya tubaka nde: “Bo nata gato ya bafige ya kuyuma ya bo me bweta mpi beno pakula yo na kivimbu yina, sambu yandi beluka.”+ 22  Ezekiasi yulaka nde: “Inki kidimbu ke monisa nde mono ta tombuka na nzo ya Yehowa?”+

Banoti na nsi ya lutiti

Na kisina, “bilumbu.”
Ziku bo vandaka kusadila bimatilu yai sambu na kutanga ngunga, bonso na kisadilu ya bo ke sadilaka sambu na kuzabisa ngunga na nsadisa ya ntangu.
To “Bisono.”
To “Sheole,” disongidila, maziamu ya bantu yonso. Tala Bantendula ya Bangogo.
“Yah” kele zina ya Yehowa na bunkufi.
To mbala ya nkaka, “ndeke ya bangombe.”
Na kisina, “Vanda lutaninu na mono.”
To “na masonga yonso.”
To “bululu ya moyo na mono.”
Disongidila, mambu yina Nzambi ke tuba mpi bisalu na yandi.
To “moyo na mono.”
To “me katula masumu na mono yonso na meso na nge.”
To “Sheole,” disongidila, maziamu ya bantu yonso. Tala Bantendula ya Bangogo.