Yezaya 30:1-33

  • Lusadisu ya Ezipte kele na mfunu ve kibeni (1-7)

  • Bantu me buya nsangu ya mbikudulu (8-14)

  • Bo ta vanda ngolo kana bo tula ntima (15-17)

  • Yehowa ke monisilaka bantu na yandi ntima ya mbote (18-26)

    • Yehowa, Longi ya Nene (20)

    • “Nzila yo yai” (21)

  • Yehowa fwete pesa Asiria ndola (27-33)

30  Yehowa ke tuba nde: “Mawa na bana ya ntu-ngolo,+Bayina ke lungisa balukanu yina kele ve ya mono,+Bayina ke sala bangwakana,* kansi ve na nsadisa ya mpeve na mono,Sambu na kuyika disumu na zulu ya disumu.   Bo ke kulumuka na Ezipte+ kukonda kuyula mono,*+Sambu na kubumbana na nsi ya lutaninu ya Farao*Mpi kutina na kivudi ya Ezipte!   Kansi lutaninu ya Farao ta kuma sambu na beno kikuma ya kuwa nsoni,Mpi kutina na kivudi ya Ezipte ta kuma kikuma ya kubaka nsoni.+   Sambu bamfumu na yandi kele na Soani,+Mpi mimonisi na yandi me kuma na Anesi.   Bo ta pesa bo yonso nsoniNa bantu yina lenda natila bo ve mambote ata fioti,Bayina ke sadisa bo ve mpi ke natila bo ve mambote ata fioti,Kaka nsoni kibeni.”+  Nsangu sambu na bambisi ya sudi: Na insi ya mawa mpi ya mpasi,Ya ntambu, ntambu yina ke ngana,Ya kiwuta mpi ya nioka ya ke pumbukaka mpi ke basisaka tiya,*Bo ke nata bimvwama na bo na zulu ya bampundaMpi bima na bo na zulu ya bankuki ya bashamo. Kansi bima yai ta natila ve bantu mambote.   Sambu lusadisu ya Ezipte kele ata na mfunu mosi ve.+ Yo yina mono bingaka muntu yai nde: “Rahabi,+ yina kele ya kuvanda mpi ke sala kima ve.”   “Ntangu yai kwenda, sonika yo na zulu ya kitini mosi ya dibaya na meso na bo,Mpi sonika yo na mukanda mosi,+Sambu na kilumbu mosi ya ke kwisa yo vandaBonso mbangi+ ya ntangu yonso.   Sambu bo kele bantu+ ya ke kolamaka, bana ya luvunu,+Bana yina ke zolaka ve kuwa nsiku* ya Yehowa.+ 10  Bo ke tuba na bantu yina ke monaka mambu nde, ‘Beno mona ve,’ Mpi na bantu yina ke monaka bambona-meso nde, ‘Beno songa beto ve bambona-meso ya kieleka.+ Beno songa beto mambu yina ke lebaka;* beno mona bambona-meso ya luvunu.+ 11  Beno bikisa nzila; beno katuka na nzila. Beno bika kutula Santu ya Izraele+ na ntwala na beto.’” 12  Yo yina, Santu ya Izraele me tuba nde: “Sambu beno ke buya ndinga yai+Mpi beno ke tula ntima na kuyiba mpi na kukusaMpi beno ke tula ntima na mambu yai,+ 13  Kifu yai ta vanda sambu na beno bonso kibaka mosi ya kubukana, Bonso kibaka mosi ya nda ya me sala banzila mpi ya ke zola kubwa. Yo ta bwa na kintulumukina, na mbala mosi. 14  Yo ta pasuka bonso dibungu mosi ya nene ya ntoto,Yo ta pasuka kibeni na mpila nde ata kipesi mosi ve na kati ya bipesi na yo ta bikalaSambu na kubaka tiya na kisika tiya keleTo kubaka masa na ka-dizanga ya masa.”* 15  Sambu Yehowa Mfumu ya Kuluta Nene, Santu ya Izraele, me tuba nde: “Kana beno vutukila mono mpi beno pema, beno ta guluka;Beno ta vanda ngolo kana beno bikala pima mpi beno tula ntima.”+ Kansi beno zolaka ve.+ 16  Beno tubaka nde: “Ve, beto ta tina na zulu ya bampunda!” Yo yina beno ta tina mpenza. “Beto ta tambula na zulu ya bampunda ya ke kwendaka ntinu!”+ Yo yina, bantu yina ke landa beno ta vanda ntinu.+ 17  Bantu funda ta tekita sambu na mbangika ya muntu mosi;+Sambu na mbangika ya bantu tanu, beno ta tinaTii kuna yina ta bikala na kati na beno ta vanda bonso dikunzi mosi ya nda na nsongi ya ngumba,Bonso nti mosi ya kidimbu na zulu ya ngumba ya fioti.+ 18  Kansi Yehowa ke vingila ti kukanga-ntima yonso* sambu na kumonisila beno ntima ya mbote,+Mpi yandi ta telama sambu na kuwila beno mawa.+ Sambu Yehowa kele Nzambi ya lunungu.+ Kiese na bantu yonso yina ke landa kuvingila yandi.*+ 19  Ntangu bantu ta zinga na Sioni, na Yeruzalemi,+ nge ta dila ve ata fioti.+ Ya kieleka yandi ta monisila nge ntima ya mbote ntangu nge ta dila sambu na kulomba lusadisu; yandi ta pesa nge mvutu kaka na ntangu yandi ta wa yo.+ 20  Ata Yehowa ta pesa beno dimpa bonso mawa mpi masa bonso kuniokwama,+ Longi na nge ya Nene ta kudibumba diaka ve, mpi nge ta mona Longi+ na nge ya Nene na meso na nge mosi. 21  Mpi makutu na nge ta wa ndinga mosi na nima na nge ke tuba nde, “Nzila yo yai.+ Beno landa yo,” kana beno fwete kwenda na diboko ya kitata to kana beno fwete kwenda na diboko ya kimama.+ 22  Beno ta bebisa arza yina bo me pakulaka biteki na beno mpi wolo yina bo me pakulaka biteki na beno ya kibende.*+ Beno ta losa yo ntama bonso lele ya me beba na menga ya nkento yina me mona menga mpi beno ta tubila yo nde: “Katuka!”*+ 23  Yandi ta pesa mvula sambu na nkeni yina nge ta kuna na ntoto,+ mpi mampa yina ntoto ta basisa ta vanda mingi mpi ya mbote.*+ Na kilumbu yina, bitwisi na nge ta dia na banseke ya nene.+ 24  Bangombe ti bampunda yina ke bundulaka ntoto ta dia madia ya bo me vukisa ti ngayi-ngayi, yina bo sadilaka pawu mpi nsomo ya nene sambu na kukabula bampusu na yo ti bambuma. 25  Kilumbu bo ta fwa bantu mingi ntangu banzo-zulu ta bwa, bamasa mpi banzila ya masa+ ta vanda na zulu ya konso ngumba ya nda mpi ya konso ngumba ya fioti. 26  Ebuna nsemo ya ngonda yina kele ya mvimba ta kuma bonso nsemo ya ntangu; mpi nsemo ya ntangu ta kuma ngolo+ mbala nsambwadi, bonso nsemo ya bilumbu nsambwadi, na kilumbu yina Yehowa ta kangisa kubukana ya bantu na yandi+ mpi ta belula mputa ya nene yina yandi lwadisaka bo.+ 27  Tala! Zina ya Yehowa ke katuka ntama,Yo ke pela ti makasi na yandi mpi ti matuti ya nene. Munoko na yandi me fuluka ti nganzi,Mpi ludimi na yandi kele bonso tiya ya ke yokaka.+ 28  Mpeve* na yandi kele bonso masa ya ke dindisaka ya me kuma tii na nkingu,Sambu na kunikisa makanda na muyungulu ya lufwa;*Ebuna bantu ta vanda ti nsinga ya bo ke tulaka na munoko ya mpunda na bambwanga+ yina ke vidisa bo nzila. 29  Kansi nkunga na beno ta vanda bonso nkunga yina bo ke yimbaka na mpimpaNtangu beno ke yilamaka* sambu na nkinsi,+Mpi ntima na beno ta wa kiese bonso muntuYina ke tambula ti* musembuNtangu yandi ke kwenda na ngumba ya Yehowa, na Ditadi ya Izraele.+ 30  Yehowa ta sala nde ndinga na yandi ya lukumu+ kuwakanaMpi ta monisa diboko+ na yandi ntangu yo ke kulumuka na makasi yonso,+Ti ludimi ya tiya ya ke yokaka,+Mvula ya ngolo ya kintulumukina,+ mvula ya mupepe ya ngolo, mpi mvula ya matadi.+ 31  Sambu na ndinga ya Yehowa, Asiria ta tekita na boma;+Yandi ta bula yo nti.+ 32  Mpi konso mbala yina fimbu na yandi ya ndola ta bulaYina Yehowa ta bula AsiriaYo ta kwenda nzila mosi ti bangoma ya fioti mpi bakidare+Na ntangu yandi ke nikisa diboko na yandi sambu na kukebisa bo na bitumba.+ 33  Sambu bo yidikaka dezia Tofeti*+ na yandi;Bo me yidika yo mpi sambu na ntotila.+ Yandi me kumisa kisika ya kuyokila nda mpi nene,Ti tiya mingi mpi bankuni mingi. Mpema ya Yehowa, bonso muwanda ya sufre,Ta tula yo tiya.

Banoti na nsi ya lutiti

Na kisina, “ke tiamuna malafu,” yo ke monana bonso nde yo ke tubila kusala kuwakana.
To “kukonda kuyula munoko na mono.”
Na kisina, “na kisika ya ngolo ya lutaninu ya Farao.”
To “nioka yina kele ti ndikila mpi ya ke tambulaka ntinu.”
To “malongi.”
Na kisina, “yina ke lembikaka.”
To mbala ya nkaka, “dibulu ya masa.”
To “ke landa kuvingila.”
To “ke vingila yandi ti mpusa ya ngolo.”
To “biteki ya bibende ya bo me lamba na tiya.”
To mbala ya nkaka, “mpi beno binga yo kima ya mvindu.”
Na kisina, “mafuta-mafuta mpi ya bo me tula mafuta mbote.”
To “Mpema.”
Na kisina, “muyungulu ya kukonda mfunu.”
To “ke kudisantisaka.”
To “na makelele ya.”
Awa bo me sadila “Tofeti” bonso kisika mosi ya kifwani ya bo ke yokaka bima, ya ke monisa lufwa.