Yezaya 24:1-23

  • Yehowa ta katula bantu yonso na insi na bo (1-23)

    • Yehowa Ntotila na Sioni (23)

24  Tala! Yehowa ke katula bantu yonso na insi* mpi ke sala nde yo bikala mpamba.+ Yandi ke balula yo, zulu na yo kukuma na nsi*+ mpi ke panza bantu+ na yo.   Yo ta vanda kiteso mosi sambu na konso muntu: Bantu ti nganga-nzambi,Nsadi ya bakala ti mfumu na yandi ya bakala,Nsadi ya nkento ti mfumu na yandi ya nkento,Muntu ya ke sumba ti muntu ya ke teka,Muntu ya ke pesa mfuka ti muntu ya ke baka mfuka,Muntu ya ke defisa ti muntu ya ke defa.+   Bo ta katula bantu yonso kibeni na insi;Bo ta botula+ bima na yo yonso,Sambu Yehowa muntu me tuba mambu yai.   Insi ke dila;*+ yo kele na kubeba. Insi yina ke butaka me yuma; yo kele na kuvila. Bantu ya lukumu ya insi me lemba.   Insi me beba na bantu na yo,+Sambu bo me landa ve bansiku,+Bo me soba nsiku,+Mpi bo me fwa kuwakana ya mvula na mvula.*+   Yo yina kusinga ke bebisa insi,+Mpi bo me zenga nde bantu yina ke zingaka kuna me sala mbi. Yo yina, bantu ya insi me mana,Mpi bantu fioti kibeni me bikala.+   Vinu ya mpa ke dila,* nti ya vinu ke yuma,+Mpi bantu yonso yina vandaka na kiese na ntima me kuma kudila.+   Kiese ya bangoma ya fioti me mana;Makelele ya bantu ya biese me mana;Milolo ya kiese ya kidare me mana.+   Bo ke nwa vinu kukonda nkunga,Mpi bantu ya ke nwa malafu yina ke lawusaka ke wa yo ndudi. 10  Bwala yina me bikala mpamba me bwa;+Konso nzo kele ya kukanga mpidina ata muntu mosi ve lenda kota. 11  Bo ke boka na babala-bala sambu na vinu. Kuyangalala yonso me mana;Kiese ya insi me mana.+ 12  Mbanza me bikala mayumbu;Bo me buka kielo mpi me kumisa yo kita ya mvindu.+ 13  Yo ta vanda mutindu yai na insi, na kati ya bantu: Bonso ntangu bo ke bulaka+ nti ya olive,Bonso bima ya ke bikalaka na bilanga ntangu nsungi ya kukatula bambuma ya vinu ke kumaka na nsuka.+ 14  Bo ta tombula ndinga na bo,Bo ta tula milolo ya kiese. Bo ta samuna bunene ya Yehowa+ tuka na nzadi-mungwa.* 15  Yo yina, bo ta pesa Yehowa nkembo na ntoto ya nsemo;*+Na bisanga ya nzadi-mungwa, bo ta pesa zina ya Yehowa Nzambi ya Izraele+ nkembo. 16  Tuka na nsuka ya ntoto, beto ke wa bankunga: “Nkembo* na Muntu ya Lunungu!”+ Kansi mono ke tuba nde: “Mono me lemba, Mono me lemba! Mawa na mono! Muyekudi me sala mambu ti kuyekula yonso;Ti kuyekula, muyekudi me sala mambu ti kuyekula yonso.”+ 17  Boma ya ngolo, mabulu, mpi mitambu ke vingila nge, nge muntu ya ke zingaka na insi.+ 18  Konso muntu yina ke tina makelele ya ke pesa boma ya ngolo ta bwa na dibulu,Mpi konso muntu yina ke basika na dibulu ta kangama na mutambu.+ Sambu bakielo ya masa yina kele na zulu ta kanguka,Mpi bafondasio ya insi ta nikana. 19  Insi me pasuka bitini-bitini;Bo me nikisa insi;Insi me nikana ngolo kibeni.+ 20  Insi ke tambula na lunziungu bonso muntu yina me lawuka malafu,Mupepe ke nata yo na ntwala mpi na nima bonso sombolo. Mbi na yo kele kizitu mingi na zulu na yo,+Yo ta bwa mpi yo ta telama diaka ve. 21  Na kilumbu yina, Yehowa ta tula dikebi na yandi na makesa ya zuluMpi na bantotila ya ntoto yina kele na zulu ya ntoto. 22  Ebuna bo ta vukisa bo kisika mosiBonso bantu ya boloko ya bo me vukisa na dibulu mosi,Mpi bo ta kanga bo na boloko ya nsi ya ntoto;Na nima ya bilumbu mingi bo ta tudila bo dikebi. 23  Ngonda yina kele ya mvimba ta wa nsoni,Mpi ntangu ya ke semaka ta wa nsoni,+Sambu Yehowa ya makesa me kuma Ntotila+ na Ngumba ya Sioni+ mpi na Yeruzalemi,Yandi me kuma na nkembo na ntwala ya bankuluntu ya bantu na yandi.*+

Banoti na nsi ya lutiti

To “ntoto.”
To “Yandi ke balusa luse na yo.”
To mbala ya nkaka, “ke yuma.”
To “ya ntama.”
To mbala ya nkaka, “ke yuma.”
To “na westi.”
To “na ndambu ya esti.”
To “Kitoko.”
Na kisina, “na ntwala ya bankuluntu na yandi.”