Yeremia 9:1-26

  • Mawa ya ngolo ya Yeremia (1-3a)

  • Yehowa ke sambisa Yuda (3b-16)

  • Bo ke dila sambu na Yuda (17-22)

  • Muntu kudikumisa sambu yandi me zaba Yehowa (23-26)

9  A kana ntu na mono vandaka masa,Mpi meso na mono nto ya mansanga!+ Mono zolaka kudila mpimpa ti mwiniSambu na bantu na mono yina bo me fwa.   A kana mono vandaka ti kisika ya kulala sambu na muntu ya ke sala nzietelo na ntoto-makanga! Mono zolaka kubikisa bantu na mono mpi kukwenda,Sambu bo yonso kele bantu ya bizumba,+Kimvuka ya bayekudi.   Bo ke konika baludimi na bo bonso munduki ya tolo-tolo;Kima ke monana mingi na insi+ kele luvunu, kansi kwikama ve. “Bo ke landa kaka kusala mambu ya mbi,Mpi bo ke tudila mono ve dikebi,”+ Yehowa muntu me tuba.   “Konso muntu, sala keba na nkweno na nge,Mpi kutula ve ntima ata na mpangi na nge. Sambu konso mpangi kele muyekudi,+Mpi konso nkweno kele muntu yina ke kusilaka bantu makambu.+   Konso muntu ke kusa nkweno na yandi,Mpi muntu mosi ve ke tuba kieleka. Bo me longaka baludimi na bo na kutuba luvunu.+ Bo ke kudilembisa na kusala mambu ya mbi.   Nge ke zinga na kati ya luvunu. Na luvunu na bo, bo me buya kuzaba mono,” Yehowa muntu me tuba.   Yo yina, Yehowa ya makesa me tuba nde: “Mono ta kumisa bo masa-masa mpi ta meka bo,+Sambu, inki mono lenda sala diaka mwana-nkento ya bantu na mono?   Ludimi na bo kele tolo-tolo ya ke fwaka bantu yina ke tubaka luvunu. Ti munoko na yandi, muntu ke tubila nkweno na yandi bangogo ya ngemba,Kansi na kati, yandi ke tula mutambu.”   “Keti mono fwete sambisa bo ve sambu na mambu yai?” Yehowa muntu me tuba. “Keti mono* fwete vutula ve mbi na dikanda ya mutindu yai?+ 10  Mono ta dila mpi ta vanda na mawa na zulu ya ba- ngumbaMpi mono ta yimba nkunga ya mawa* na banseke ya kele na ntoto-makanga,Sambu bo me yoka yo tiya na mpila nde muntu mosi ve lenda luta kuna,Mpi makelele ya bitwisi ke wakana ve. Bandeke ya zulu mpi bambisi me tina; bo me kwenda.+ 11  Mono ta kumisa Yeruzalemi kita ya matadi,+ kisika bambwa ya nseke ke lalaka,+Mpi mono ta sala nde bambanza ya Yuda kubikala mpamba, kukonda bantu.+ 12  Nani kele mayele kibeni sambu na kubakisa diambu yai? Munoko ya Yehowa me tubila nani, sambu yandi tuba yo? Sambu na nki insi me fwa? Sambu na nki yo me pia bonso ntoto-makanga,Na mpila nde muntu mosi ve ke luta kuna?” 13  Yehowa vutulaka nde: “Sambu bo me buya nsiku* na mono yina mono tulaka na ntwala na bo, mpi sambu bo me landa yo ve mpi bo me zitisa ve ndinga na mono. 14  Kansi, bo landaka bantima na bo+ na ntu-ngolo yonso, mpi bo landaka biteki ya Baale, mutindu batata na bo longaka bo.+ 15  Yo yina, Yehowa ya makesa, Nzambi ya Izraele, ke tuba nde, ‘Tala, mono ke disa bantu yai nti ya bululu, mpi mono ta nwisa bo masa ya ndikila.+ 16  Mono ta panza bo na kati ya makanda yina bo ti batata na bo me zaba ve,+ mpi mono ta tinda mbele ya bitumba na nima na bo tii kuna mono ta manisa bo.’+ 17  Yehowa ya makesa ke tuba nde,‘Beno sala mambu ti mayele ya kubakisa. Beno binga bankento yina ke yimbaka bankunga ya mawa,*+Mpi beno tinda bantu bo binga bankento yina me zaba yo mbote, 18  Sambu bo sala nswalu mpi bo dila sambu na beto,Sambu mansanga kukulumuka na meso na betoMpi masa kukulumuka na bikobo ya meso na beto.+ 19  Sambu bidilu ke wakana katuka na Sioni:+ “Beto me fwa kibeni! Nsoni na beto kele mingi kibeni! Sambu beto me bika insi, mpi bo me bwisa banzo na beto.”+ 20  Beno bankento, beno wa ndinga ya Yehowa. Bika makutu na beno kuwa ndinga ya munoko na yandi. Beno longa bana na beno ya bankento mutindu yai ya kudila,Mpi konso nkento kulonga nkento ya nkaka nkunga yai ya mawa.*+ 21  Sambu lufwa me kwisa na banela na beto;Yo me kota na banzo-zulu na beto ya kele ti bibaka ya ngoloSambu na kubaka bana na babala-balaMpi baleke ya babakala na babala-bala ya nene.’+ 22  Tuba, ‘Yehowa me tuba nde: “Bamvumbi ya bantu ta lala bonso nsasa na zulu ya kilanga,Bonso ndonga ya bambuma ya bo me katuka kukatula yina kele na nima ya muntu ya ke katulaka bima na bilanga,Mpi muntu ya kuvukisa yo kele ve.”’”+ 23  Yehowa ke tuba nde: “Bika muntu ya mayele kudikumisa ve sambu na mayele na yandi;+Bika muntu ya ngolo kudikumisa ve sambu na ngolo na yandi;Mpi bika mvwama kudikumisa ve sambu na bimvwama na yandi.”+ 24  “Kansi bika muntu yina ke kudikumisa, kudikumisa sambu na diambu yai: Nde yandi kele ti mayele ya kubakisa mambu mbote-mbote mpi yandi me zaba mono,+Nde mono kele Yehowa, Muntu yina ke monisaka zola ya kwikama, mpi lunungu na ntoto,+Sambu mono ke waka kiese na mambu yai,”+ Yehowa muntu me tuba. 25  “Tala! Bilumbu ke kwisa,” Yehowa muntu me tuba, “mpi mono ta lomba bantu yonso ya bo me yotisaka kansi ya kele kaka ya kukonda kuyotisa+ na kuvutula munoko, 26  Ezipte,+ Yuda,+ Edomi,+ bantu ya Amoni,+ Moabi,+ mpi bantu yonso yina bo me zengaka nsuki na bo yina kele na lweka ya ntu, pene-pene ya dikutu mpi yina ke zingaka na ntoto-makanga;+ sambu bo me yotisaka ve makanda yonso, mpi nzo ya Izraele ya mvimba bo me yotisaka yo ve na ntima.”+

Banoti na nsi ya lutiti

To “moyo na mono.”
To “nkunga ya mafwa.”
To “malongi.”
To “bankunga ya mafwa.”
To “nkunga yai ya mafwa.”