Yeremia 6:1-30

  • Kubika fioti bambeni ta ziunga Yeruzalemi (1-9)

  • Yehowa me wila Yeruzalemi makasi (10-21)

    • Bo ke tuba nde “Ngemba!” kansi ngemba kele ve (14)

  • Bambeni ta katuka na ndambu ya nordi mpi ta kota na ngolo na nku (22-26)

  • Yeremia ta vanda bonso kima ya kumekila kibende (27-30)

6  O bana ya Benyamini, beno sosa lutaninu, beno tina Yeruzalemi. Beno bula kibongo+ na Tekoa;+Beno tula kidimbu ya tiya na Bete-akeremi! Sambu mpasi ke katuka na ndambu ya nordi, mpasi ya ngolo.+   Mwana-nkento ya Sioni me fwanana ti nkento ya kitoko mpi ya mawete.+   Bangungudi mpi bimvuka na bo ya bitwisi ta kwisa. Bo ta tedimisa batenta na bo na nziunga na yo,+Konso muntu ke disa bitwisi yina yandi ke keba.+   “Beno yilama sambu na kunwana* bitumba ti yo! Beno telama, mpi beto nwanisa yo na midi!” “Mawa na beto, sambu ntangu ke dinda,Sambu bivudi ya nkokila ke kuma nda!”   “Beno telama, mpi beto nwanisa yo na mpimpaMpi beto fwa banzo-zulu na yo ya kele ti bibaka ya ngolo.”+   Sambu Yehowa ya makesa ke tuba nde: “Beno zenga banti mpi beno sala mwa ngumba ya ntoto sambu na kunwanisa Yeruzalemi.+ Yo kele mbanza yina bo fwete sambisa;Kima ya nkaka kele ve na kati na yo kaka kuniokwama.+   Mutindu dibulu ya masa ke taninaka masa sambu yo vanda madidi,Yo ke tanina mambu na yo ya mbi sambu yo vanda madidi. Mubulu mpi lufwa ke wakana na kati na yo;+Maladi mpi mpasi kele ntangu yonso na ntwala na mono.   Keba, O Yeruzalemi, kana ve mono* ta tina nge na nzanzi;+Mono ta bikisa nge mpamba, insi yina me konda bantu.”+   Yehowa ya makesa ke tuba nde: “Bantu ya Izraele yina me bikala, bo ta lokuta bo kibeni mutindu bo ke lokutaka bambuma ya vinu ya nsuka na nti ya vinu. Lutisa diaka diboko na nge bonso muntu yina ke katula bambuma na nti ya vinu.” 10  “Nani mono ta tubila mpi ta kebisa? Nani ta wa? Tala! Makutu na bo kele ya kukangama,* yo yina bo lenda tula ve dikebi.+ Tala! Ndinga ya Yehowa me kuma kima yina bo ke vweza;+Yo ke pesa bo ve kiese. 11  Yo yina makasi ya Yehowa ke wila bo ke pela na kati na mono,Mpi mono me lemba na kukanga yo.”+ “Monisa yo na mwana yina kele na bala-bala,+Na bimvuka ya batoko ya babakala yina me vukana kisika mosi. Bo ta kanga bo yonso, bakala ti nkento na yandi,Bambuta mpi minunu.*+ 12  Bo ta pesa banzo na bo na bantu ya nkaka,Ti bilanga na bo mpi bankento na bo.+ Sambu mono ta tandula diboko na mono sambu na kunwanisa bantu ya insi yai,” Yehowa muntu me tuba. 13  “Sambu yantika na muntu ya kukonda mfunu tii na muntu ya mfunu mingi, konso muntu ke baka luta na banzila ya luvunu;+Yantika na mbikudi tii na nganga-nzambi, konso muntu ke sadila luvunu.+ 14  Mpi bo ke meka kubelula na zulu-zulu kubukana ya bantu na mono, bo ke tuba nde,‘Ngemba kele! Ngemba kele!’ Kansi ngemba kele ve.+ 15  Keti bo ke wa nsoni sambu na mambu ya nzanzi ya bo me sala? Bo ke wa ve nsoni ata fioti! Bo me zaba nkutu ve mutindu bo ke waka nsoni!+ Yo yina bo ta bwa na kati ya bantu yina me bwaka. Ntangu mono ta pesa bo ndola, bo ta bula sakuba,” Yehowa muntu me tuba. 16  Yehowa ke tuba nde: “Beno telama na bampambu ya banzila mpi beno tala. Beno yula banzila ya ntama,Beno yula nzila ya mbote kele na wapi, mpi beno tambula na kati na yo,+Mpi beno baka ngemba sambu na beno mosi.”* Kansi bo ke tuba nde: “Beto ta tambula ve na kati na yo.”+ 17  “Mpi mono tulaka bankengidi+ yina tubaka nde,‘Beno tula dikebi na makelele ya kibongo!’”+ Kansi bo tubaka nde: “Beto ta tula ve dikebi.”+ 18  “Yo yina, beno wa, O ma- kanda! Mpi beno zaba, O kimvuka ya bantu,Mambu yina ta bwila bo. 19  Wa, O ntoto! Mono ke natila bantu yai+ mpasiBonso mbuma ya balukanu na bo mosi,Sambu bo tulaka ve dikebi na bangogo na monoMpi bo buyaka nsiku* na mono.” 20  “Inki mfunu kana beno ke natila mono ndumbu ya mpembe katuka na ShebaMpi mukuku ya sukadi* katuka na insi ya ntama? Mono ke ndima ve makabu na beno ya mvimba ya kuyoka,Mpi bimenga na beno ke pesa mono ve kiese.”+ 21  Yo yina, Yehowa ke tuba nde: “Mono ke tudila bantu yai bima ya ke budisaka sakuba,Mpi bo ta bula sakuba na zulu na yo,Batata ti bana,Nkweno ti nduku na yandi,Mpi bo yonso ta fwa.”+ 22  Yehowa ke tuba nde: “Beno tala! Bantu ke kwisa katuka na insi ya nordi,Mpi dikanda mosi ya nene ta sikama katuka na bisika ya kuluta ntama ya ntoto.+ 23  Bo ta simba munduki ya tolo-tolo mpi dikonga. Bo kele nku mpi bo ta wila ve bantu mawa. Mingungu na bo ta tula makelele bonso nzadi-mungwa,Mpi bo ke tambula na bampunda.+ Bo me yilama na ndonga ya bitumba bonso muntu ya bitumba sambu na kunwanisa nge, O mwana-nkento ya Sioni.” 24  Beto me wa nsangu na yo. Maboko na beto me lemba;+Mawa me simba beto,Mpasi* bonso mpasi ya nkento yina ke buta.+ 25  Beno kwenda ve na bilanga,Mpi beno tambula ve na nzila,Sambu mbeni kele ti mbele ya bitumba;Boma ya ngolo kele bisika yonso. 26  O mwana-nkento ya bantu na mono,Lwata saki+ mpi baluka na putulu ya tiya. Dila mutindu bo ke dilaka mwana mosi kaka ya bakala, ti kudila ya mpasi,+Sambu muntu ya ke bebisaka ta kwisila beto+ na kintulumukina. 27  “Mono me kumisa nge* kima ya kumekila kibende na kati ya bantu na mono,Muntu yina ke sosa mbote-mbote;Nge fwete tula dikebi mpi kutala nzila na bo. 28  Bo yonso kele bantu ya ntu-ngolo kuluta,+Bo ke tambula-tambula sambu na kukusila bantu makambu.+ Bo kele bonso kwivre mpi kibende;Bo yonso kele ya kubeba. 29  Bima ya kupedisila tiya me zika. Plomb ke basika na tiya na bo. Muntu mosi ke landa kusala ngolo na kukatula bo mvindu kansi mpamba,+Mpi bayina ya mbi, bo me tula bo ve na kingenga.+ 30  Bantu ta binga bo kibeni arza yina bo me losaka,Sambu Yehowa me losaka bo.”+

Banoti na nsi ya lutiti

Na kisina, “Beno santisa.”
To “moyo na mono.”
Na kisina, “Dikutu na bo kele ya kukonda kuyotisa.”
Na kisina, “bayina me fulukaka ti bilumbu.”
To “mioyo na beno.”
To “malongi.”
Lukengi mosi ya nsudi ya kitoko.
Na kisina, “Misongo.”
Disongidila, Yeremia.