Yeremia 23:1-40

  • Bangungudi ya mbote mpi ya mbi (1-4)

  • Lutaninu na nsi ya “lutangu ya lunungu” (5-8)

  • Nzambi me pesa bambikudi ya luvunu ndola (9-32)

  • “Kizitu” ya Yehowa (33-40)

23  “Mawa na bangungudi yina ke fwa mpi ke panza mameme ya nseke na mono!” Yehowa muntu me tuba.+  Yo yina, Yehowa Nzambi ya Izraele ke tubila bangungudi yina ke gungula bantu na mono nde: “Beno me panza mameme na mono; beno landaka kupanza bo, mpi beno me tudila bo ve dikebi.”+ “Yo yina mono ta tudila beno dikebi sambu na bisalu na beno ya mbi,” Yehowa muntu me tuba.  “Na nima mono ta vukisa mameme na mono yina me bikala katuka na bansi yonso yina mono panzaka bo,+ mpi mono ta vutula bo na nseke na bo,+ ebuna bo ta buta mpi ta kuma mingi.+  Mpi mono ta basisila bo bangungudi yina ta gungula bo kibeni.+ Bo ta vanda diaka ve na boma mpi bo ta tekita ve, mpi ata mosi ve ta vila,” Yehowa muntu me tuba.  “Tala! Bilumbu ke kwisa,” Yehowa muntu me tuba, “ntangu mono ta basisila Davidi lutangu* ya lunungu.+ Ntotila ta yala,+ yandi ta monisa mayele ya kubakisa mambu mbote-mbote; yandi ta sambisa na lunungu mpi na mutindu ya me fwana na insi yai.+  Na bilumbu na yandi Yuda ta guluka,+ mpi Izraele ta zinga na lutaninu.+ Mpi bo ta binga yandi na zina yai: Yehowa Kele Lunungu na Beto.”+  “Kansi, bilumbu ke kwisa,” Yehowa muntu me tuba, “ntangu bo ta tuba diaka ve nde, ‘Ya kieleka mutindu Yehowa kele na luzingu, yandi muntu yina basisaka bantu ya Izraele na insi ya Ezipte!’+  kansi bo ta tuba nde, ‘Ya kieleka mutindu Yehowa kele na luzingu, yandi muntu yina basisaka mpi vutulaka bana ya nzo ya Izraele katuka na insi ya nordi mpi na bansi yonso yina mono me panzaka bo!’ mpi bo ta zinga na insi na bo mosi.”+  Sambu na bambikudi: Ntima na mono me pasuka. Mikwa na mono yonso ke nikana. Mono kele bonso muntu yina me lawukaMpi bonso muntu yina malafu me simba yandi,Sambu na Yehowa mpi sambu na bangogo na yandi ya santu. 10  Sambu insi yai me fuluka ti bantu ya ke salaka bizumba;+Insi me kuma kudila+ sambu bo me singa yoMpi banseke ya kele na ntoto-makanga me yuma.+ Nzila na bo kele ya mbi, mpi bo ke sadila kiyeka na mutindu ya mbi. 11  “Mbikudi ti nganga-nzambi me kuma mvindu.*+ Mono me mona mbi+ na bo ata na kati ya nzo na mono,” Yehowa muntu me tuba. 12  “Yo yina nzila na bo ta kuma butesi mpi mpimpa;+Bo ta pusa bo mpi bo ta bwa. Sambu mono ta natila bo mpasiNa mvula ya kupesa ndola,” Yehowa muntu me tuba. 13  “Mono me mona mambu ya nzanzi na bambikudi ya Samaria.+ Bambikudulu na bo ke katuka na Baale,Mpi bo ke vidisa bantu na mono Izraele nzila. 14  Mono me mona mambu yina ke pesa boma na bambikudi ya Yeruzalemi. Bo ke sala bizumba+ mpi ke tambula na luvunu;+Bo ke siamisa* bantu ya ke salaka mambi,Mpi bo ke yambula ve mambu na bo ya mbi. Na meso na mono bo yonso kele bonso Sodome,+Mpi bantu ya ke zingaka kuna kele bonso Gomore.”+ 15  Yo yina, Yehowa ya makesa ke tubila bambikudi yina nde: “Tala mono ke disa bo nti ya bululuMpi mono ke nwisa bo masa ya ndikila.+ Sambu kukolama me katuka na bambikudi ya Yeruzalemi mpi me panzana na insi ya mvimba.” 16  Yehowa ya makesa ke tuba nde: “Beno wa ve bangogo ya bambikudi yina ke bikudila beno.+ Bo ke kusa beno.* Mbona-meso ya bo ke tuba ke katuka na ntima na bo mosi,+Kansi yo ke katuka ve na munoko ya Yehowa.+ 17  Bo ke tuba mbala na mbala na bantu yina ke zitisa mono ve nde,‘Yehowa me tuba nde: “Beno ta vanda na ngemba.”’+ Mpi bo ke tuba na bantu yonso yina ke landa ntima na bo ya ntu-ngolo nde,‘Mpasi mosi ve ta bwila beno.’+ 18  Sambu nani me telamaka na kati ya banduku ya ngolo ya YehowaSambu na kumona mpi kuwa ndinga na yandi? Nani me tulaka dikebi na ndinga na yandi sambu na kuwa yo? 19  Tala! Mupepe ya ngolo ya Yehowa ta bula na makasi;Bonso mupepe ya ngolo ya ke baluka-balukaka, yo ta baluka-baluka na zulu ya ntu ya bantu ya mbi.+ 20  Makasi ya Yehowa ta mana veTii kuna yandi ta lungisa bangindu ya ntima na yandi. Na kitini ya nsuka ya bilumbu, beno ta bakisa diambu yai pwelele. 21  Mono tindaka ve bambikudi, ata mpidina bo bakaka ntinu. Mono tubilaka bo ve, ata mpidina bo bikulaka.+ 22  Kansi kana bo telamaka na kati ya banduku na mono ya ngolo,Bo zolaka kusala nde bantu na mono kuwa mambu ya mono tubakaMpi bo zolaka kunata bo na kuyambula nzila na bo ya mbi mpi bisalu na bo ya mbi.”+ 23  “Keti mono kele Nzambi kaka na pene-pene,” Yehowa muntu me tuba, “mpi keti mono kele mpi ve Nzambi na ntama?” 24  “Keti muntu lenda bumbana na kisika ya kubumbana yina mono lenda mona yandi ve?”+ Yehowa muntu me tuba. “Keti mono ke fulusaka ve zulu ti ntoto?”+ Yehowa muntu me tuba. 25  “Mono me wa bambikudi yina ke bikula mambu ya luvunu na zina na mono bo ke tuba nde, ‘Mono me lala ndosi! Mono me lala ndosi!’+ 26  Tii nki ntangu diambu yai ta vanda na ntima ya bambikudi, sambu na kubikula mambu ya luvunu? Bo kele bambikudi ya mambu ya luvunu ya ntima na bo mosi.+ 27  Bo kele ti lukanu ya kupusa bantu na mono na kuvila zina na mono na bandosi yina konso muntu ke songa muntu ya nkaka, kaka mutindu batata na bo vilaka zina na mono sambu na Baale.+ 28  Bika nde mbikudi yina kele ti ndosi kuzabisa ndosi yina, kansi muntu yina kele ti ndinga na mono fwete tuba yo na masonga yonso.” “Inki kima dititi ti mbuma kele ti yo na bumosi?” Yehowa muntu me tuba. 29  “Keti ndinga na mono kele ve bonso tiya,”+ Yehowa muntu me tuba, “mpi bonso marto yina ke pasulaka ditadi?”+ 30  “Yo yina, mono ke nwanisa bambikudi,” Yehowa muntu me tuba, “bayina ke yiba bangogo na mono bo na bo.”+ 31  “Mono ke nwanisa bambikudi,” Yehowa muntu me tuba, “bayina ke sadila ludimi na bo sambu na kutuba, ‘Yandi me tuba nde!’”+ 32  “Mono ke nwanisa bambikudi ya bandosi ya luvunu,” Yehowa muntu me tuba, “yina ke zabisa yo mpi ke vidisa bantu na mono nzila sambu na mambu na bo ya luvunu mpi sambu na kudikumisa na bo.”+ “Kansi mono tindaka bo ve mpi mono tubilaka bo ve. Yo yina bo ta natila ve bantu yai mambote ata fioti,”+ Yehowa muntu me tuba. 33  “Mpi kana bantu yai to mbikudi to nganga-nzambi kuyula nge nde, ‘Kizitu* ya Yehowa kele inki?’ nge fwete vutudila bo nde, ‘“Beno bantu kele kizitu yina! Mpi mono ta losa beno,”+ Yehowa muntu me tuba.’ 34  Sambu na mbikudi to nganga-nzambi to bantu yina ke tuba nde, ‘Yai kizitu* ya Yehowa!’ Mono ta tudila muntu yina mpi bantu ya nzo na yandi dikebi. 35  Konso muntu ke tubila nkweno na yandi mpi mpangi na yandi nde, ‘Inki mvutu Yehowa me pesa? Mpi Yehowa me tuba inki?’ 36  Kansi beno fwete tubila diaka ve kizitu* ya Yehowa, sambu kizitu* yina kele mambu yina konso muntu ke tuba, mpi beno me soba bangogo ya Nzambi ya moyo, Yehowa ya makesa, Nzambi na beto. 37  “Nge ta tubila mbikudi nde, ‘Inki mvutu Yehowa me pesa nge? Mpi Yehowa me tuba inki? 38  Ebuna kana beno landa kutuba nde, “Kizitu* ya Yehowa!” Yehowa ke tuba nde: “Sambu beno ke tuba nde, ‘Diambu yai kele kizitu* ya Yehowa,’ ntangu mono songaka beno nde, ‘Beno fwete tuba ve nde: “Kizitu* ya Yehowa!”’ 39  tala! Mono ta tombula beno mpi ta losa beno ntama ti mono, beno ti mbanza yina mono pesaka beno mpi ba-nkaka na beno. 40  Mpi mono ta natila beno nsoni ya mvula na mvula mpi kuvweza ya mvula na mvula, yina bantu ta vilaka ve.”’”+

Banoti na nsi ya lutiti

To “muntu yina ta baka dikabu.”
To “bankolami.”
Na kisina, “ke kumisa ngolo maboko ya.”
To “Bo ke fulusa beno ti bivuvu ya mpamba.”
To “Nsangu ya kizitu.” Ngogo yai ya Kiebreo kele ti bantendula zole: “ndola ya ngolo ya me katuka na Nzambi” to “kima ya kizitu.”
To “nsangu ya kizitu.”
To “nsangu ya kizitu.”
To “nsangu ya kizitu.”
To “Nsangu ya kizitu.”
To “nsangu ya kizitu.”
To “Nsangu ya kizitu.”