Yeremia 22:1-30

  • Bansangu ya ndola sambu na bantotila ya mbi (1-30)

    • Sambu na Shalumi (10-12)

    • Sambu na Yehoyakimi (13-23)

    • Sambu na Konia (24-30)

22  Yehowa ke tuba nde: “Kwenda na nzo ya ntotila ya Yuda, mpi pesa nsangu yai.  Nge fwete tuba nde, ‘Wa mambu yina Yehowa ke tuba, O ntotila ya Yuda yina me vanda na kiti ya kimfumu ya Davidi, nge ti bansadi na nge mpi bantu na nge, yina ke kotaka na bakielo yai.  Yehowa ke tuba nde: “Beno sambisa na lunungu mpi na mutindu ya me fwana. Beno katula muntu yina bo ke yiba na maboko ya muyibi. Beno monisa ve munzenza mpasi, mpi beno sala ve mbi na mwana yina me konda tata* to na mufwidi ya nkento.+ Beno tiamuna ve na kisika yai menga ya muntu yina me sala mbi ve.+  Sambu kana beno zitisa kibeni mambu yai, bantotila yina me vanda na kiti ya kimfumu ya Davidi+ ta kota na bakielo ya nzo yai, bo ta tambula na bapusu-pusu mpi na bampunda, bo ti bansadi na bo mpi bantu na bo.”’+  “‘Kansi kana beno zitisa ve mambu yai, mono ke zenga kieleka na zina na mono mosi,’ Yehowa muntu me tuba, ‘nde nzo yai ta kuma kisika ya bo me bebisaka.’+  “Yai mambu yina Yehowa ke tuba sambu na nzo ya ntotila ya Yuda,‘Nge kele bonso Gileadi na meso na mono,Bonso nsongi ya Libani. Kansi mono ta kumisa nge ntoto-makanga;Bantu ta zinga ve ata na mbanza na nge mosi.+   Mpi mono ta tula* bantu yina ke bebisaka sambu na kunwanisa nge,Konso muntu ti kinwaninu na yandi.+ Bo ta zenga banti na nge ya sedre ya kuluta kitokoMpi bo ta losa yo na tiya.+  “‘Makanda mingi ta luta pene-pene ya mbanza yai mpi ta tuba bo na bo nde: “Sambu na nki Yehowa me sala diambu yai na mbanza yai ya nene?”+  Mpi bo ta vutula nde: “Sambu bo yambulaka kuwakana ya Yehowa Nzambi na bo, bo fukiminaka banzambi ya nkaka, mpi bo sadilaka bo.”’+ 10  Beno dila ve sambu na muntu yina me fwa,Mpi beno kuditula ve na kisika na yandi. Kansi beno dila ngolo sambu na muntu yina ke kwenda,Sambu yandi ta vutuka diaka ve sambu na kumona insi yina yandi butukaka. 11  “Sambu yai mambu yina Yehowa ke tuba sambu na Shalumi*+ mwana ya Yoziasi, ntotila ya Yuda yina ke yala na kisika ya tata na yandi Yoziasi+ mpi yina me katuka na kisika yai: ‘Yandi ta vutuka diaka ve awa. 12  Sambu yandi ta fwa na kisika yina bo me nata yandi na insi ya nkaka, mpi yandi ta mona diaka ve insi yai.’+ 13  Mawa na muntu yina ke tunga nzo na yandi kukonda lununguMpi basuku na yandi ya zulu kukonda lunungu,Yina ke sadisa nkweno na yandi kisalu ya mpunda,Mpi yandi ke buya kupesa lufutu na yandi;+ 14  Muntu yina ke tuba nde, ‘Mono ta tunga nzo ya neneTi basuku ya zulu ya nene. Mono ta tula yo banelaMpi ta tula mabaya ya sedre na balweka na yo mpi ta pakula yo mukubu ya mbwaki.’ 15  Keti nge ta landa kuyala sambu nge me sadila banti ya sedre kuluta bantu ya nkaka? Tata na nge mpi diaka mpi nwaka,Kansi yandi sambisaka na lunungu mpi na mutindu ya me fwana,+Ebuna mambu kwendilaka mbote sambu na yandi. 16  Yandi nwaninaka nswa ya muntu ya ke mona mpasi mpi ya nsukami,Yo yina mambu kwendilaka mbote. ‘Keti mambu yai ke tendula ve kuzaba mono?’ Yehowa muntu me tuba. 17  ‘Kansi nge me tula meso mpi ntima na nge kaka na luta na nge ya nge ke baka na banzila ya luvunu,Na kutiamuna menga ya muntu yina me sala mbi ve,Na kuyiba mpi na kubotula bima.’ 18  “Yo yina, yai mambu yina Yehowa ke tuba sambu na Yehoyakimi+ mwana ya Yoziasi, ntotila ya Yuda,‘Bo ta dila yandi ve nde: “Mawa, mpangi na mono ya bakala! Mawa mpangi na mono ya nkento!” Bo ta dila yandi ve nde: “Mawa, O mfumu! Mawa, bunene na yandi!” 19  Bo ta zika+ yandi mutindu bo ke zikaka mpunda,Bo ta benda yandi mpi bo ta losa yandi,Na nganda ya bakielo ya Yeruzalemi.’+ 20  Tombuka na Libani mpi dila,Tombula ndinga na Bashani,Mpi dila katuka na Abarimi,+Sambu bo me bedisa bantu yonso yina vandaka kuzola nge ti nzala ya ngolo.+ 21  Mono tubilaka nge ntangu nge vandaka kudiwa na lutaninu. Kansi nge tubaka nde, ‘Mono ta lemfuka ve.’+ Yai kikalulu na nge katuka kileke,Sambu nge me lemfukaka ve na ndinga na mono.+ 22  Mupepe ta gungula bangungudi na nge yonso,+Mpi bantu yina ke zolaka nge ti nzala ya ngolo ta kwenda na kimpika. Ebuna bo ta pesa nge nsoni mpi ta kulumusa nge sambu na bampasi na nge yonso. 23  O nge muntu yina ke zingaka na Libani,+Yina me vanda na kati ya banti ya sedre,+Nge ta dila kibeni ntangu mpasi ta bwila nge,Mpasi* bonso mpasi ya nkento yina ke buta!”+ 24  “‘Ya kieleka, mutindu mono kele na luzingu,’ Yehowa muntu me tuba, ‘ata kana Konia*+ mwana ya Yehoyakimi,+ ntotila ya Yuda, vandaka lupetu ya kubudila kashe na diboko na mono ya kitata, mono zolaka kukatula nge kuna! 25  Mono ta pesa nge na maboko ya bantu yina ke sosa kufwa nge,* na maboko ya bantu yina nge ke wa boma, na maboko ya Nebukadenezare* ntotila ya Babilone, mpi na maboko ya bantu ya Kaldea.+ 26  Mpi mono ta losa nge ti mama na nge yina butaka nge na insi ya nkaka yina beno butukaka ve, mpi beno ta fwa kuna. 27  Bo ta vutuka ve ata fioti na insi yina bo ke zolaka mingi.*+ 28  Keti muntu yai Konia kele kaka muntu ya bo ke vwezaka, dibungu ya kupasuka,Dibungu yina muntu mosi ve ke zola? Sambu na nki bo me bwisa yandi ti bana na yandiMpi bo me losa bo na insi yina bo me zaba ve?’+ 29  O ntoto,* ntoto, ntoto, wa mambu yina Yehowa ke tuba. 30  Yehowa ke tuba nde: ‘Beno sonika muntu yai nde yandi kele ve na bana,Nde yandi kele muntu yina ta nunga ve na luzingu* na yandi,Sambu mwana na yandi mosi ve ta nungaNa kuvanda na kiti ya kimfumu ya Davidi mpi na kuyala diaka na Yuda.’”+

Banoti na nsi ya lutiti

To “mwana-nsiona.”
Na kisina, “santisa.”
Zina na yandi ya nkaka Yehoahazi.
Na kisina, “Misongo.”
Zina na yandi ya nkaka Yehoyakini mpi Yekonia.
To “ke sosa moyo na nge.”
Na kisina, “Nebukadrezare,” mutindu ya nkaka ya kusonika yo.
To “insi yina bo tombulaka moyo na bo.”
To “insi.”
Na kisina, “bilumbu.”