Yeremia 21:1-14

  • Yehowa me buya mambu yina Sidikiya me lomba (1-7)

  • Bantu fwete sola luzingu to lufwa (8-14)

21  Ndinga ya Yehowa kwisilaka Yeremia ntangu ntotila Sidikiya+ tindilaka yandi Pashure+ mwana ya Malkiya mpi Sefania+ mwana ya Maaseya, nganga-nzambi, na kulomba nde:  “Pardo yula Yehowa sambu na beto, sambu Nebukadenezare* ntotila ya Babilone ke nwanisa beto.+ Mbala ya nkaka Yehowa ta sala diambu mosi ya kuyituka sambu na beto, sambu yandi katuka na insi na beto.”+  Yeremia tubilaka bo nde: “Beno fwete tubila Sidikiya nde,  ‘Yehowa Nzambi ya Izraele ke tuba nde: “Tala, mono ke baludila beno binwaninu ya bitumba yina kele na maboko na beno mosi, yina beno ke sadila sambu na kunwana ti ntotila ya Babilone+ mpi bantu ya Kaldea yina me ziunga beno na nganda ya kibaka. Mpi mono ta vukisa bima yina* na kati-kati ya mbanza yai.  Mono mosi ta nwanisa beno+ ti diboko ya kutandula mpi diboko ya ngolo, ti makasi, nganzi, mpi makasi ya ngolo.+  Mono ta bula bantu ya mbanza yai, muntu mpi mbisi. Bo ta fwa+ na kipupa* ya ngolo.”’  “‘“Mpi na nima,” Yehowa muntu me tuba, “Mono ta pesa Sidikiya ntotila ya Yuda, bansadi na yandi, mpi bantu ya mbanza yai—bantu yina ta fwa ve na kipupa, na mbele ya bitumba, mpi na nzala—na maboko ya Nebukadenezare* ntotila ya Babilone, na maboko ya bambeni na bo, mpi na maboko ya bantu yina ke sosa kufwa bo.*+ Yandi ta fwa bo na mbele ya bitumba. Yandi ta fwila bo ve nkenda, ta wila bo ve mawa, mpi ta vanda ve na ntantu ata fioti.”’+  “Mpi nge fwete tubila bantu yai nde, ‘Yehowa ke tuba nde: “Mono ke tula na ntwala na beno nzila ya luzingu mpi nzila ya lufwa.  Bantu yina ta bikala na mbanza yai ta fwa na mbele ya bitumba, na nzala, mpi na kipupa. Kansi konso muntu yina ta basika mpi ta kudipesa na bantu ya Kaldea yina me ziunga beno, yandi ta bikala na luzingu, mpi yandi ta baka luzingu* na yandi bonso kima ya yandi me baka na bitumba.”’*+ 10  “‘“Mono me buya mbanza yai sambu na mpasi kansi sambu na mambu ya mbote ve,”+ Yehowa muntu me tuba. “Bo ta pesa yo na maboko ya ntotila ya Babilone,+ mpi yandi ta yoka yo tiya.”+ 11  “‘Beno bantu ya nzo ya ntotila ya Yuda: Beno wa mambu yina Yehowa ke tuba. 12  O nzo ya Davidi, Yehowa ke tuba nde: “Beno sambisa na lunungu konso suka,Mpi beno katula muntu yina bo ke yiba na maboko ya muyibi,+Sambu makasi na mono kupela ve bonso tiya+Mpi yo pela ebuna muntu mosi ve kufwa yoSambu na bisalu na beno ya mbi.”’+ 13  ‘Mono ke nwanisa nge, O muntu ya ke zingaka na muwanda,*O ditadi ya ntoto ya kukonda ngumba,’ Yehowa muntu me tuba. ‘Sambu na beno bantu yina ke tuba nde: “Nani ta kwisa kukulumuka sambu na kunwanisa beto? Mpi nani ta kota na ngolo na bisika ya beto ke zingaka?” 14  Mono ta lomba beno na kuvutula munokoMutindu yo me fwana na bisalu na beno,’+ Yehowa muntu me tuba. ‘Mpi mono ta tula mfinda na yo tiya,Mpi yo ta yoka bima yonso ya kele na nziunga na yo.’”+

Banoti na nsi ya lutiti

Na kisina, “Nebukadrezare,” mutindu ya nkaka ya kusonika yo.
To “bantu yina.”
To “maladi.”
Na kisina, “Nebukadrezare,” mutindu ya nkaka ya kusonika yo.
To “ke sosa moyo na bo.”
To “moyo.”
To “ta guluka ti luzingu na yandi.”
To “ntoto ya kukonda ngumba.”