Yeremia 20:1-18

  • Pashure me bula Yeremia (1-6)

  • Yeremia lenda yambula ve kusamuna (7-13)

    • Nsangu ya Nzambi bonso tiya ya ke pela (9)

    • Yehowa bonso soda ya ke pesa boma (11)

  • Yeremia ke bokuta (14-18)

20  Ntangu yai Pashure mwana ya Imere, nganga-nzambi, yina vandaka mpi mfumu ya mimonisi ya nzo ya Yehowa, vandaka kuwa ntangu Yeremia vandaka kubikula mambu yina.  Ebuna Pashure bulaka mbikudi Yeremia mpi tulaka yandi na mabaya+ ya vandaka na Kielo ya Zulu ya Benyamini, yina vandaka na nzo ya Yehowa.  Kansi na kilumbu yina landaka ntangu Pashure katulaka Yeremia na mabaya yina, Yeremia tubilaka yandi nde: “Yehowa me pesa nge ve zina Pashure, kansi Boma ya Ngolo Bisika Yonso.+  Sambu Yehowa ke tuba nde, ‘Mono ta kumisa nge kima ya ke pesa boma sambu na nge mosi mpi sambu na banduku na nge yonso, mpi bo ta bwa na mbele ya bitumba ya bambeni na bo ntangu meso na nge ke tala;+ mono ta pesa Yuda ya mvimba na maboko ya ntotila ya Babilone, ebuna yandi ta nata bo na Babilone mpi ta fwa bo na mbele ya bitumba.+  Ebuna bimvwama yonso ya mbanza yai, bima na yo yonso, bima na yo yonso ya ntalu, mpi bimvwama yonso ya bantotila ya Yuda, mono ta pesa yo na maboko ya bambeni na bo.+ Bo ta yiba yo, bo ta botula yo, mpi bo ta nata yo na Babilone.+  Kansi nge Pashure, ti bantu yonso yina ke zinga na nzo na nge, beno ta kwenda na kimpika. Nge ta kwenda na Babilone mpi nge ta fwa kuna, mpi bo ta zika nge kuna ti banduku na nge yonso, sambu nge me bikula mambu ya luvunu sambu na bo.’”+   Nge kusaka mono, O Yehowa, mpi mono kusamaka. Nge kudimonisaka ngolo mingi kuluta mono, mpi nge nungaka.+ Bantu me kuma kuseka-seka mono kilumbu ya mvimba;Konso muntu ke vweza mono.+   Sambu konso ntangu ya mono ke tuba, mono fwete boka mpi kutuba nde,“Mubulu mpi lufwa!” Sambu na mono, ndinga ya Yehowa me kuma kikuma yina bantu ke finga mpi ke seka mono kilumbu ya mvimba.+   Yo yina mono tubaka nde: “Mono ta tuba ve mambu ya me tala yandi,Mono ta tuba diaka ve na zina na yandi.”+ Kansi na ntima na mono yo kumaka bonso tiya ya ke pela, yina bo me kanga na mikwa na mono,Mpi mono lembaka na kubumba yo;Mono kukaka diaka ve kukangila yo ntima.+  10  Sambu mono waka bansangu mingi ya mbi;Boma ya ngolo ziungaka mono.+ “Beno tungulula yandi; bika beto tungulula yandi!” Konso muntu yina ke zodila mono ngemba vandaka kukengila sambu na kutala kana mono ta bwa:+ “Mbala ya nkaka yandi ta sala kifu ya buzoba,Ebuna beto lenda nunga yandi mpi kuvutudila yandi mbi.”  11  Kansi Yehowa vandaka ti mono bonso soda ya ke pesa boma.+ Yo yina bantu yina ke monisa mono mpasi ta bula sakuba mpi ta nunga ve.+ Bo ta pesa bo nsoni ya nene, sambu bo ta nunga ve. Bantu ta vila ve nsoni na bo ya mvula na mvula.+  12  Kansi nge, O Yehowa ya makesa, nge ke talaka muntu ya lunungu;Nge ke monaka bangindu ya kati kibeni* mpi ntima.+ Bika mono mona mutindu nge ke vutudila bo mbi,+Sambu mono me pesa diambu na mono na maboko na nge.+  13  Beno yimbila Yehowa! Beno pesa Yehowa lukumu! Sambu yandi me katula nsukami* na maboko ya bantu ya ke salaka mambi.  14  Bika bo singa kilumbu yina mono butukaka! Bika bo sakumuna ve kilumbu yina mama na mono butaka mono!+  15  Bika bo singa muntu yina natilaka tata na mono nsangu ya mbote nde: “Bo me butila nge mwana, mwana-bakala!” Yina salaka nde yandi wa kiese mingi.  16  Bika muntu yina kukuma bonso bambanza yina Yehowa bwisaka kukonda mawa. Bika yandi wa bidilu na suka mpi makelele ya bitumba na midi.  17  Sambu na nki yandi fwaka mono ve na divumu,Sambu mama na mono kukuma maziamu na monoMpi kubikala ntangu yonso ti divumu?+  18  Sambu na nki yo lombaka nde mono basika na divumuSambu mono mona mpasi mpi mawa,Sambu bilumbu na mono kusuka na nsoni?+

Banoti na nsi ya lutiti

To “mawi ya kati kibeni.” Na kisina, “bapiku.”
To “moyo ya nsukami.”