Yeremia 15:1-21

  • Yehowa ta soba ve lusambisu na yandi (1-9)

  • Yeremia ke bokuta (10)

  • Mvutu ya Yehowa (11-14)

  • Kisambu ya Yeremia (15-18)

    • Kiese na kudia mambu y Nzambi ke tubaka (16)

  • Yehowa me pesa Yeremia kikesa (19-21)

15  Ebuna Yehowa tubilaka mono nde: “Ata kana Moize ti Samuele telamaka na ntwala na mono,+ mono zolaka ve kumonisila bantu yai ntima ya mbote.* Kula bo na meso na mono. Bika bo kwenda.  Mpi kana bo tubila nge nde, ‘Beto ta kwenda na wapi?’ nge fwete tubila bo nde, ‘Yehowa ke tuba nde: “Muntu yina kele sambu na maladi ya ke fwaka, na maladi ya ke fwaka! Muntu yina kele sambu na mbele ya bitumba, na mbele ya bitumba!+ Muntu yina kele sambu na nzala, na nzala! Mpi muntu yina kele sambu na kimpika, na kimpika!”’+  “‘Mono ta tudila bo bampasi iya,’*+ Yehowa muntu me tuba, ‘mbele ya bitumba sambu na kufwa, bambwa sambu na kubenda, mpi bandeke ya zulu ti bambisi ya ntoto sambu na kudia mpi kufwa.+  Ebuna mono ta kumisa bo kima ya ke pesa boma na bimfumu yonso ya nsi-ntoto+ sambu na Manase mwana ya Ezekiasi, ntotila ya Yuda, sambu na mambu yina yandi salaka na Yeruzalemi.+   Nani ta wila nge mawa, O Yeruzalemi,Nani ta kuditula na kisika na nge,Mpi nani ta telama sambu na kuyula kana nge kele mbote?’   ‘Nge me yambulaka mono,’ Yehowa+ muntu me tuba. ‘Nge ke landa kupesa mono mukongo.*+ Yo yina mono ta tandula diboko na mono sambu na kupesa nge ndola mpi mono ta fwa nge.+ Mono me lemba kuwila nge mawa.*   Mpi mono ta katula bo bampusu ti nsomo na bakielo ya insi yai. Mono ta bikisa bo kukonda bana.+ Mono ta fwa bantu na mono,Sambu bo ke buya kuyambula banzila na bo.+   Bankento na bo ya mifwidi ta kuma mingi na ntwala na mono kuluta zelo ya banzadi-mungwa. Na midi mono ta natila bo muntu ya ke bebisaka bantu sambu na kufwa bamama mpi baleke ya babakala. Mono ta natila bo susi mpi boma ya ngolo na kintulumukina.   Nkento yina butaka bana nsambwadi me lemba;Yandi* ke pema na mpasi. Ntangu na yandi me dinda ntangu mwini kele ntete,Yo me pesa yandi nsoni mpi me kulumusa yandi.’* ‘Mpi bantu fioti yina ta bikalaka na kati na bo,Mono ta pesa bo na maboko ya bambeni na bo,’ Yehowa muntu me tuba.”+ 10  Mawa na mono, O mama na mono, sambu nge butaka mono,+Muntu ya ke swanaka mpi ya ke tulaka ntembe ti bantu ya insi ya mvimba. Mono defisaka ve mpi mono defaka ve;Kansi bo yonso ke singa mono. 11  Yehowa tubaka nde: “Ya kieleka mono ta sadila nge mambu ya mbote;Mono ta bondila kibeni sambu na nge na ntangu ya mpasi,Na ntangu ya mawa na ntwala ya mbeni. 12  Keti muntu lenda buka kibende bitini-bitini,Kibende ya me katuka na nordi, mpi kwivre? 13  Mono ta pesa bima na nge mpi bimvwama na nge sambu bo botula yo,+Sambu na mbongo ve, kansi sambu na masumu na nge yonso na bateritware na nge yonso. 14  Mono ta pesa yo na bambeni na ngeSambu bo nata yo na insi yina nge me zaba ve.+ Sambu makasi na mono me pedisa tiya,Mpi yo ke pela sambu na kuyoka beno.”+ 15  Nge me zaba, O Yehowa,Yibuka mono mpi tudila mono dikebi. Vutula mbi na bantu yina ke monisa mono mpasi.+ Kubika ve nde mono fwa* sambu nge ke waka ve makasi nswalu. Zaba nde mono ke wa nsoni yai sambu na nge.+ 16  Mono monaka mambu ya nge ke tubaka, ebuna mono diaka yo;+Mpi ndinga na nge kumaka kiese na mono mpi kuyangalala ya ntima na mono,Sambu bo ke binga mono na zina na nge, O Yehowa Nzambi ya makesa. 17  Mono ke vandaka ve kisika mosi ti bantu ya ke zolaka bankinsi mpi kuwa kiese.+ Sambu diboko na nge kele na zulu na mono, mono me vanda mono mosi,Sambu nge me fulusa mono ti makasi.*+ 18  Sambu na nki mpasi na mono ke manaka ve mpi mputa na mono ke belukaka ve? Yo ke buya kubeluka. Keti nge ta kuma sambu na mono bonso nto ya masa ya luvunuYina bo lenda tudila ve ntima? 19  Yo yina, Yehowa ke tuba nde: “Kana nge vutuka, mono ta vutula nge,Mpi nge ta telama na ntwala na mono. Kana nge kabula kima ya ntalu ti kima ya kukonda mfunu,Nge ta kuma bonso munoko na mono.* Yo ta lomba nde yandi vutuka na nge,Kansi nge ta vutukila bo ve.” 20  “Mono ke kumisa nge kibaka ya ngolo ya kwivre sambu na bantu yai.+ Bo ta nwanisa nge kibeni,Kansi bo ta nunga nge ve,*+Sambu mono kele ti nge, sambu na kugulusa nge mpi sambu na kusadisa nge,” Yehowa muntu me tuba. 21  “Mono ta gulusa nge na maboko ya bantu ya mbiMpi mono ta sumba nge diaka na maboko ya bantu ya nku.”

Banoti na nsi ya lutiti

To “moyo na mono zolaka kuvanda ve ti bantu yai.”
To mbala ya nkaka, “bandola iya.” Na kisina, “mabuta iya.”
To mbala ya nkaka, “ke landa kutambula kinima-nima.”
To “kuwa mawa.”
To “Moyo na yandi.”
To mbala ya nkaka, “Yo me wa nsoni mpi me kuma kisaka-saka.”
Na kisina, “Kukatula mono ve.”
To “ti nsangu ya ndola.”
To “ta kuma kinati-nsangu na mono.”
To “ta bedisa nge ve.”