Yeremia 10:1-25

  • Banzambi ya makanda me swaswana ti Nzambi ya moyo (1-16)

  • Lufwa yina me finama mpi kimpika (17, 18)

  • Yeremia me wa mawa (19-22)

  • Kisambu ya mbikudi (23-25)

    • Muntu lenda twadisa ve kitambi na yandi mosi (23)

10  O nzo ya Izraele, beno wa mambu yina Yehowa me tubila beno.  Yehowa ke tuba nde: “Beno longuka ve nzila ya makanda,+Mpi beno tekita ve na boma sambu na bidimbu ya zuluSambu makanda ke tekita na boma sambu na yo.+   Sambu binkulu ya bantu kele luvunu.* Yo kele kaka nti ya mfinda yina bo me zenga,Yina muntu ya ke salaka kisalu ya maboko me yidika na maboko na yandi ti kisadilu* na yandi.+   Bo ke kumisa yo kitoko ti arza mpi wolo+Na nima bo ke kangisa yo na marto mpi minsonso sambu yo bwa ve.+   Bonso kima ya bo ke tulaka na bilanga ya konkombre sambu na kutinisa bandeke, yo ke tubaka ve;+Bo fwete nata yo, sambu yo ke tambulaka ve.+ Beno wa yo boma ve, sambu yo lenda sala beno mbi ve,Yo lenda sala beno mpi ve ata kima mosi ya mbote.”+   Muntu mosi ve kele bonso nge, O Yehowa.+ Nge kele nene, zina na nge kele nene mpi ngolo.   Nani ta wa nge boma ve, O Ntotila ya makanda,+ sambu yo me fwana;Sambu, na kati ya bantu yonso ya mayele ya makanda mpi na kati ya bimfumu na bo yonso,Kele ve ata ti muntu mosi yina kele bonso nge.+   Bo yonso me konda mayele mpi bo kele bazoba.+ Malongi yina me katuka na nti kele luvunu ya nene.*+   Bo ke nata manzanza ya arza katuka na Tarsisi+ mpi wolo katuka na Ufazi,Kisalu ya muntu yina ke salaka bisalu ya maboko mpi kisalu ya maboko ya muntu yina ke salaka bima ya bibende. Bilele na yo kele nsinga ya ble mpi lene ya mbwaki-ble. Bantu yina me zaba kisalu mbote bantu me salaka yo yonso. 10  Kansi Yehowa kele kibeni Nzambi. Yandi kele Nzambi ya moyo+ mpi Ntotila ya kukonda nsuka.+ Ntoto ta nikana+ sambu na makasi na yandi,Mpi dikanda mosi ve ta kanga ntima na makasi na yandi. 11  * Nge fwete tubila bo nde: “Banzambi yina salaka ve zulu ti ntotoTa fwa na ntoto mpi na nsi ya zulu yai.”+ 12  Yandi Muntu salaka ntoto na ngolo na yandi,Muntu yina na mayele na yandi+ tulaka ngolo ntoto ya ke butakaMpi yina tandulaka zulu na mayele na yandi ya kubakisa mambu.+ 13  Ntangu yandi ke salaka nde ndinga na yandi kuwakana,Bamasa yina kele na zulu ke kumaka kisaka-saka,+Mpi yandi ke salaka nde matuti* kutombuka katuka na nsuka ya ntoto.+ Yandi ke basisaka nzasi* sambu na mvula,Mpi yandi ke basisaka mupepe na banzo na yandi ya kubumbila bima.+ 14  Konso muntu ke sala mambu na buzoba mpi kukonda nzayilu. Konso muntu ya ke salaka bima ya bibende ta wa nsoni sambu na kiteki;+Sambu kiteki na yandi ya kibende* kele luvunu,Mpi yo kele na mpema* ve na kati na yo.+ 15  Yo kele luvunu,* kisalu ya bo fwete seka.+ Ntangu kilumbu ya kupesa yo ndola ta lunga, yo ta fwa. 16  Dikabu ya Yakobi kele ve bonso bima yina,Sambu yandi Muntu salaka bima yonso,Mpi Izraele kele nti ya dikabu na yandi.+ Zina na yandi Yehowa ya makesa.+ 17  Lokuta bita na nge na ntoto,O nkento yina ke zinga na kisika ya bo me ziunga. 18  Sambu Yehowa ke tuba nde: “Tala, ntangu yai+ mono ke losa bantu na nganda ya insi yai,Mpi mono ta monisa bo mpasi.” 19  Mawa na mono sambu na kubukana na mono!+ Mputa na mono lenda beluka ve. Mpi mono tubaka nde: “Ya kieleka, yai maladi na mono, mpi mono fwete kangila yo ntima. 20  Tenta na mono me fwaka, mpi bansinga ya tenta na mono me zengana-zenganaka.+ Bana na mono me bikisaka mono mpi bo kele diaka ve.+ Muntu ve me bikala sambu na kutandula tenta na mono mpi kutedimisa bilele ya tenta na mono. 21  Sambu bangungudi me sala mambu na buzoba,+Mpi bo me yula ve Yehowa.+ Yo yina bo me sala ve mambu ti mayele ya kubakisa mambu mbote-mbote,Mpi bitwisi na bo yonso me panzanaka.”+ 22  Beno wa! Nsangu! Yo ke kwisa! Makelele ya kututa ya ngolo yina ke katuka na insi ya nordi,+Sambu na kubikisa bambanza ya Yuda mpamba, kisika yina bambwa ya nseke ke lalaka.+ 23  O Yehowa, mono me zaba mbote nde nzila ya muntu kele ve ya yandi. Muntu yina ke tambula kele ve ti kiyeka ya kutwadisa kitambi na yandi mosi.+ 24  O Yehowa, sungika mono mutindu nge ke mona nde yo me fwana,Kansi na makasi na nge ve,+ sambu nge fwa mono ve.+ 25  Monisa makasi na nge na makanda yina me zaba nge ve+Mpi na mabuta yina ke bingaka ve zina na nge. Sambu bo me dia Yakobi,+Ee, bo me dia yandi tii kuna bo me manisa yandi,+Mpi bo me bikisa insi na yandi mpamba.+

Banoti na nsi ya lutiti

To “mpamba.”
To “mbele.”
To “kele mpamba kibeni.”
Verse 11, bo sonikaka yo ntete-ntete na Kiarami.
To “lubungi.”
To mbala ya nkaka, “ke salaka bakielo.”
To “kiteki na yandi ya kibende ya bo me lamba na tiya.”
Na kisina, “mpeve.”
To “mpamba.”