Mika 7:1-20

  • Bikalulu ya mbi ya Izraele (1-6)

    • Bambeni ya muntu ta vanda bantu ya nzo na yandi mosi (6)

  • “Mono ta monisa kikalulu ya kuvingila” (7)

  • Bantu ya Nzambi me nunga (8-13)

  • Kisambu ya Mika mpi yandi me kumisa Nzambi (14-20)

    • Mvutu ya Yehowa (15-17)

    • ‘Nani kele Nzambi bonso Yehowa?’ (18)

7  Mawa na mono! Mono kele bonso muntu yina,Na nima ya kuvukisa bambuma ya nsungi ya mvulaMpi ya kulokuta bambuma yina bikalaka na nima ya kukatula bambuma ya vinu,Yandi me mona ve kisuka ya bambuma ya vinu sambu na kudia,Mpi fige ya ntete yina mono* waka nzala ya ngolo sambu na yo.   Muntu ya kwikama me vila* na ntoto;Muntu mosi ve kele muntu ya mbote na kati ya bantu.+ Bo yonso ke bumbana sambu na kutiamuna menga.+ Konso muntu ke zomba mpangi na yandi ti bukondi.   Maboko na bo me yikanaka na kusala mambu ya mbi;+Mfumu ke lomba kima,Zuzi ke lomba matabisi,+Muntu ya lukumu ke zabisa banzala* na yandi,+Mpi bo ke lungisa* yo kumosi.   Muntu na bo ya kuluta mbote kele bonso bansende,Muntu na bo ya kuluta masonga kele mbi kuluta lupangu ya bansende. Kilumbu ya bankengidi na nge mpi ya kupesa nge ndola ta kwisa.+ Ntangu yai bo ta kuma kisaka-saka.+   Kutudila ve nduku na nge ntimaMpi kutula ve ntima na nduku ya ngolo.+ Keba na mambu yina nge ke tubila muntu yina me lala na ntulu na nge.   Sambu mwana-bakala ke vweza tata na yandi,Mwana-nkento kele na kimbeni ti mama na yandi,+Nkento ya makwela kele na kimbeni ti bokilo na yandi ya nkento;+Bambeni ya muntu kele bantu ya nzo na yandi.+   Kansi mono, mono ta landa kutala Yehowa.+ Mono ta monisa kikalulu ya kuvingila* Nzambi ya luguluku na mono.+ Nzambi na mono ta wa mono.+   Kuwa ve kiese sambu na mpasi na mono, O mbeni na mono. Ata mono me bwa, mono ta telama;Ata mono ke zinga na mpimpa, Yehowa ta vanda nsemo na mono.   Mono ta kanga ntima sambu na makasi ya Yehowa—Sambu mono me sala disu- mu na ntwala na yandi+Tii kuna yandi ta nwanina diambu na mono mpi ta zenga mambu na lunungu sambu na mono. Yandi ta basisa mono na nsemo;Mono ta tala lunungu na yandi. 10  Mbeni na mono mpi ta mona,Ebuna nsoni ta simba nkento yina tubilaka mono nde: “Yehowa Nzambi na nge kele na wapi?”+ Meso na mono ta tala nkento yina. Ntangu yai bo ta niata yandi bonso poto-poto na babala-bala. 11  Yo ta vanda kilumbu ya kutunga bibaka na nge ya matadi;Na kilumbu yina bo ta kumisa ndilu nene.* 12  Na kilumbu yina bo ta kwisa na ngeKatuka na Asiria mpi na bambanza ya Ezipte,Katuka na Ezipte tii na Nzadi;*Katuka na nzadi-mungwa tii na nzadi-mungwa mpi katuka na ngumba tii na ngumba.+ 13  Mpi insi ta bikala mpamba sambu na bantu na yo,Sambu na mambu yina bo salaka.* 14  Gungula bantu na nge ti muhangu na nge, bitwisi ya dikabu na nge,+Muntu yina vandaka kuzinga yandi mosi na mfinda—na kati-kati ya kisika ya bo me kunaka banti yina ke butaka bambuma. Bika bo dia na Bashani mpi na Gileadi+ bonso na bilumbu ya ntama. 15  “Bonso na bilumbu yina nge basikaka na insi ya Ezipte,Mono ta songa yandi mambu ya kuyituka.+ 16  Makanda ta mona mpi ta wa nsoni ata bo kele ngolo mingi.+ Bo ta tula maboko na minoko;Makutu na bo ta fwa. 17  Bo ta lekita mfututu bonso banioka;+Bo ta basika na bisika na bo ya ngolo ya lutaninu ti matekita bonso bambisi yina ke tambulaka divumu na ntoto. Bo ta kwisa na Yehowa Nzambi na beto ti boma ya ngolo,Mpi bo ta wa nge boma.”+ 18  Nani kele Nzambi bonso nge,Yina ke lolulaka kifu mpi mbi+ ya bantu ya dikabu na yandi yina me bikala?+ Yandi ta bumba ve makasi na yandi kimakulu,Sambu yandi ke waka kiese na zola ya kwikama.+ 19  Yandi ta wila beto diaka mawa;+ yandi ta nunga* bifu na beto. Nge ta losa masumu na bo yonso na bisika ya mudindu ya nzadi-mungwa.+ 20  Nge ta monisila Yakobi kwikama,Mpi nge ta monisila Abrahami zola ya kwikama,Mutindu nge zengilaka ba-nkaka na beto kieleka na bilumbu ya ntama.+

Banoti na nsi ya lutiti

To “moyo na mono.”
To “me waluka.”
To “nzala ya ngolo ya moyo.”
Na kisina, “ke tunga.”
To “Mono ta vingila ti kukanga-ntima yonso.”
To mbala ya nkaka, “nsiku ta vanda ntama.”
Disongidila, Efrate.
Na kisina, “Sambu na mbuma ya bisalu na bo.”
To “ta niata; ta bedisa.”