Mika 1:1-16
1 Ndinga ya Yehowa yina kwisilaka Mika*+ muntu ya bwala Moresheti, na bilumbu ya Yotami,+ ya Ahazi,+ mpi ya Ezekiasi,+ bantotila ya Yuda,+ mpi yina yandi monaka na mbona-meso sambu na Samaria mpi Yeruzalemi:
2 Beno wa, beno bantu yonso!
Tula dikebi, O ntoto ti bima yina me fulusa nge,Mpi bika nde Yehowa Mfumu ya Kuluta Nene kuvanda mbangi sambu na kube- disa beno+—Yehowa tuka tempelo na yandi ya santu.
3 Sambu tala! Yehowa ke basika na kisika na yandi;Yandi ta kwisa kukulumuka mpi ta tambula na bisika ya kunanguka ya ntoto.
4 Bangumba ta kuma masa-masa na nsi na yandi,+Mpi miwanda* ta kabwanaBonso mafuta na ntwala ya tiya,Bonso masa yina bo me tiamuna na ngu- mba.
5 Mambu yai yonso kele sambu na kukolama ya Yakobi,Sambu na masumu ya nzo ya Izraele.+
Kukolama ya Yakobi kele inki?
Keti yo kele ve Samaria?+
Mpi bisika ya kunanguka ya Yuda kele inki?+
Keti yo kele ve Yeruzalemi?
6 Mono ta kumisa Samaria mayumbu yina kele na nseke,Kisika ya kukuna bilanga ya vinu;Mono ta losa* matadi na yandi na muwanda,Mpi mono ta bika bafondasio na yandi na mpenza.
7 Bo ta zenga biteki na yandi yonso bitini-bitini,+Mpi bo ta yoka na tiya lufutu yonso ya kindumba na yandi.*
Mono ta bebisa biteki na yandi yonso.+
Sambu yandi bakaka yo na lufutu ya kindumba,Mpi yo ta kuma diaka lufutu ya bandumba.”
8 Sambu na yo mono ta dila mpi ta boka;+Mono ta tambula makulu-ngulu mpi kinkonga.+
Bidilu na mono ta vanda bonso ya bambwa ya nseke,Mpi kudila na mono ta vanda bonso ya ba-otrishi.
9 Sambu mputa na yandi lenda beluka ve;+Yo me kuma tii na Yuda.+
Mputa me kuma tii na kielo ya bantu na mono, tii na Yeruzalemi.+
10 “Beno zabisa yo ve na Gati;Beno fwete dila ve ata fioti.
Beno baluka na mfututu na Bete-afra.*
11 Beno sabuka kinkonga mpi na nsoni, O beno bantu ya* Shafire.
Bantu ya* Saanani me basika ve.
Bidilu ta vanda na Bete-ezele, mpi yo ta yambula kusadisa beno.
12 Sambu bantu ya* Maroti vandaka kuvingila mambu ya mbote,Kansi mambu ya mbi me katuka na Yehowa mpi yo me kwisa kubwa na kielo ya Yeruzalemi.
13 Beno kangisa pusu-pusu na kimvuka ya bampunda, O bantu ya* Lakishi.+
Beno vandaka luyantiku ya disumu sambu na mwana-nkento ya Sioni,Sambu bo monaka kukolama ya Izraele na kati na nge.+
14 Yo yina nge ta pesa Moresheti-gati bakado sambu na kukabwana.*
Banzo ya Akzibi+ vandaka kima yina ke kusaka sambu na bantotila ya Izraele.
15 Mono ta natila beno diaka muntu ya ke bedisaka,*+ O beno bantu ya* Maresha.+
Nkembo ya Izraele ta kuma tii na Adulami.+
16 Beno kudikumisa mabandi mpi beno zenga nsuki na beno sambu na bana na beno yina beno ke zolaka mingi.
Beno kudikumisa mabandi bonso ngo-zulu,Sambu bo me katula bo na maboko na beno mpi bo me nata bo na insi ya nkaka.”+
Banoti na nsi ya lutiti
^ Zina ya Mikaele to Mikaya na bunkufi, yo ke tendula “Nani Kele Bonso Yehowa?”
^ To “bantoto ya kukonda ngumba.”
^ Na kisina, “ta tiamuna.”
^ Na kisina, “bakado yonso ya yandi bakaka ntangu yandi vandaka kudidefisa.”
^ To “na nzo ya Afra.”
^ Na kisina, “nkento ya ke zingaka na.”
^ Na kisina, “Nkento ya ke zingaka na.”
^ a kisina, “nkento ya ke zingaka na.”
^ Na kisina, “nkento ya ke zingaka na.”
^ To “sambu na kupesana mbote ya nsuka.”
^ To “muntu ya ke botulaka bantu bima.”
^ Na kisina, “nkento ya ke zingaka na.”
