Kulonga 33:1-29
33 Yai kele lusakumunu yina Moize muntu ya Nzambi ya kieleka pesaka bantu ya Izraele na ntwala ya lufwa na yandi.+
2 Yandi tubaka nde:
“Yehowa—yandi katukaka na Sinai mpi kwisaka,+Mpi yandi pesaka bo nsemo katuka na Seire.
Yandi pesaka nsemo na nkembo yonso katuka na ntoto ya bangumba ya Parani,+Bamiriade ya santu* vandaka ti yandi,+Mpi basoda na yandi+ na diboko na yandi ya kitata.
3 Yandi vandaka kuzola bantu na yandi;+Basantu na bo yonso kele na diboko na nge.+
Bo vandaka ya kuvanda na makulu na nge;+Bo yantikaka kuwa mambu ya nge vandaka kutuba.+
4 (Moize pesaka beto ntuma, nsiku mosi,+Nsiku yina kele kima ya dibundu ya Yakobi.)+
5 Ebuna Yandi kumaka ntotila na Yeshuruni,*+Ntangu bamfumu ya bantu vukanaka kisika mosi,+Kumosi ti makanda yonso ya Izraele.+
6 Bika nde Rubeni kuzinga mpi kufwa ve,+Mpi bika nde babakala na yandi kukuma ve fioti.”+
7 Ebuna yandi pesaka lusakumunu yai na Yuda:+
“O Yehowa, wa ndinga ya Yuda,+Mpi bika nde nge vutula yandi na bantu na yandi.
Maboko na yandi me nwanina* bima na yandi,Mpi bika nde nge sadisa yandi ntangu yandi ke nwana ti bambeni na yandi.”+
8 Sambu na Levi, yandi tubaka nde:+
“Tumimi na nge* mpi Urimi+ na nge kele ya muntu yina kele ya kwikama na nge,+Muntu yina nge mekaka na Massa.+
Nge yantikaka kuswana ti yandi pene-pene ya masa ya Meriba,+
9 Muntu yina tubilaka tata na yandi ti mama na yandi nde, ‘Mono me monisila bo ve luzitu.’
Nkutu yandi zabaka ve bampangi na yandi,+Mpi yandi buyaka bana na yandi mosi.
Sambu bo zitisaka mambu ya nge tubaka,Mpi bo zitisaka kuwakana na nge.+
10 Bika bo, bo longa Yakobi bankanu na nge+Mpi bo longa Izraele Nsiku na nge.+
Bika bo, bo pesa ndumbu bonso nsudi ya kitoko sambu na nge*+Mpi dikabu ya mvimba na mesa-kimenga na nge.+
11 O Yehowa, sakumuna ngolo na yandi,Mpi songa nde nge kele na kiese na kisalu ya maboko na yandi.
Buka makulu* ya bantu yina ke telama sambu na kunwanisa yandi,Na mpila nde bantu yina ke mengaka yandi kutelama diaka ve.”
12 Sambu na Benyamini, yandi tubaka nde:+
“Bika muntu yina Yehowa ke zolaka mingi kuzinga na lutaninu pene-pene na yandi;Na ntangu yandi ke tanina yandi kilumbu ya mvimba,Yandi ta zinga na kati-kati ya mapeka na yandi.”
13 Sambu na Yozefi, yandi tubaka nde:+
“Bika Yehowa kusakumuna insi na yandi+Ti bima ya kuluta kitoko ya zulu,Ti malulu mpi masa ya ke katuka na banto na nsi ya ntoto,+
14 Ti bima ya kuluta kitoko yina ntangu ke basisakaMpi bima ya kuluta kitoko yina ke basikaka konso ngonda,+
15 Ti bima ya kuluta kitoko ya me katuka na bangumba ya nene ya ntama*+Mpi bima ya kuluta kitoko ya bangumba ya fioti yina ke zingaka mingi,
16 Ti bima ya kuluta kitoko ya ntoto mpi bima yina me fulusa yo,+Mpi ti ngindu ya mbote ya Muntu yina ke zingaka na mwa-nti ya bansende.+
Bika yo kwisa na ntu ya YozefiNa mukwa ya ntu ya muntu yina bo kabisaka ti bampangi na yandi.+
17 Lukumu na yandi kele bonso ya mwana ya ntete ya ngombe ya bakala,Bibongo na yandi kele bibongo ya mpakasa ya bakala.
Yandi ta pusa* bantu ti yoBo yonso tii na nsuka ya ntoto,
Yo kele makumi ya mafunda ya Efrayimi,+Mpi yo kele mafunda ya Manase.”
18 Sambu na Zebuloni, yandi tubaka nde:+
“O Zebuloni, vanda na kiese ntangu nge ke basika,Mpi nge, Isakare, vanda na kiese na batenta na nge.+
19 Bo ta binga bantu na ngumba.
Kuna bo ta pesa bimenga ya lunungu.
Sambu bo ta baka bima na bimvwama mingi ya* banzadi-mungwaMpi na bimvwama ya me bumbanaka na zelo.”
20 Sambu na Gadi, yandi tubaka nde:+
“Lusakumunu kuvanda na muntu yina ke kumisa bandilu ya Gadi+ nene.
Yandi me lala kuna bonso ntambu,Yandi kele ya kuyilama sambu na kutumuna diboko, ee, mukwa ya ntu.
21 Yandi ta sola kitini ya ntete sambu na yandi mosi,+Sambu kuna bo me bumbaka+ dikabu ya muntu yina ke pesaka bansiku.
Bamfumu ya bantu ta vukana kisika mosi.
Yandi ta lungisa lunungu ya Yehowa,Mpi bankanu na yandi sambu na Izraele.”
22 Sambu na Dani, yandi tubaka nde:+
“Dani kele mwana-ntambu.+
Yandi ta pumbuka tuka na Bashani.”+
23 Sambu na Naftali, yandi tubaka nde:+
“Naftali me fuluka ti kundimama ya YehowaMpi yandi me fuluka ti lusakumunu na yandi.
Baka westi mpi sudi.”
24 Sambu na Asere, yandi tubaka nde:+
“Asere me baka lusakumunu ya kuvanda ti bana.
Bika nde bampangi na yandi kusadila yandi mambu mbote kuluta bantu ya nkaka,Mpi bika nde yandi dindisa* makulu na yandi na kati ya mafuta.
25 Kibende mpi kwivre kele bikangilu ya kielo na nge,+Ebuna nge ta vanda na lutaninu bilumbu na nge yonso.*
26 Kele ve ti muntu yina kele bonso Nzambi ya kieleka+ ya Yeshuruni,+Yina ke tambulaka na zulu sambu na kusadisa ngeMpi yina ke tambulaka na zulu ya matuti na bunene na yandi.+
27 Nzambi kele kitininu katuka bantangu ya ntama,+Maboko na yandi ya kimakulu kele na nsi na nge.+
Ebuna yandi ta kula mbeni na ntwala na nge,+Mpi yandi ta tuba nde, ‘Manisa bo!’+
28 Izraele ta zinga na lutaninu,Mpi nto ya masa ya Yakobi ta vanda yo mosiNa insi ya mbuma mpi ya vinu ya mpa,+Yina zulu na yo ta bwisa malulu.+
29 O Izraele, kiese na nge!+
Nani kele bonso nge,+Bantu yina ke bakaka luguluku na Yehowa,+Kitaninu na nge+Mpi mbele na nge ya nene ya bitumba?
Bambeni na nge ta leba nge,+Ebuna nge ta niata-niata mikongo na bo.”*
Banoti na nsi ya lutiti
^ To “Makumi ya mafunda ya basantu.”
^ Yo ke tendula “Muntu ya Masonga,” titre mosi ya lukumu sambu na Izraele.
^ To “me nwana sambu na.”
^ “Na nge” mpi “nge” na verse yai ke tubila Nzambi.
^ Na kisina, “na mbombo na nge.”
^ To “baluketo.”
^ To mbala ya nkaka, “bangumba ya esti.”
^ To “lwadisa.”
^ Na kisina, “ta feta bima mingi ya.”
^ To “yobisa.”
^ Na kisina, “Ebuna ngolo na nge ta vanda bonso bilumbu na nge.”
^ To mbala ya nkaka, “bisika na bo ya kunanguka.”
