Kulonga 32:1-52

  • Nkunga ya Moize (1-47)

    • Yehowa kele Ditadi (4)

    • Izraele me vila Ditadi na yo (18)

    • “Mono muntu ke vutulaka mbi” (35)

    • “Beno makanda, beno vanda na kiese, ti bantu na yandi” (43)

  • Moize fwete fwa na Ngumba ya Nebo (48-52)

32  “O zulu, widikila, mpi mono ta tuba,Bika nde ntoto kuwa bangogo ya munoko na mono.   Malongi na mono ta noka bonso mvula;Mambu ya mono ke tuba ta kulumuka bonso maluluBonso mvula ya fioti na zulu ya matitiMpi bonso mvula ya ngolo na zulu ya matiti.   Sambu mono ta zabisa zina ya Yehowa.+ Beno tubila bunene ya Nzambi na beto!+   Ditadi, kisalu na yandi kele ya kukuka,+Sambu banzila na yandi yonso kele lunungu.+ Nzambi ya kwikama+ yina ke kondaka ve lunungu+ ata fioti;Yandi kele muntu ya lunungu mpi ya mbote.+   Bo bantu me salaka mambu ya mbi.+ Bo kele ve bana na yandi, kifu kele ya bo mosi.+ Bo kele ndonga ya bantu ya mbi mpi ya me bebaka!+   O beno bazoba mpi bantu ya kukonda mayele,+Keti yai mutindu beno fwete sadila Yehowa mambu?+ Keti yandi kele ve Tata na nge yina pesaka nge luzingu,+Muntu yina gangaka nge mpi kumisaka nge ngolo?   Yibuka bilumbu ya ntama;Yindula bamvula ya bandonga ya bantu yina me lutaka. Yula tata na nge, mpi yandi lenda tela nge;+Bankuluntu na nge, mpi bo ta zabisa nge.   Ntangu Muntu ya Kuluta Zulu pesaka makanda dikabu na bo,+Ntangu yandi kabulaka+ bana ya Adami,*Yandi tulaka ndilu ya bantu+Na kutadila ntalu ya bana ya Izraele.+   Sambu bantu ya Yehowa kele kitini na yandi;+Yakobi kele dikabu na yandi.+ 10  Yandi monaka yandi na insi mosi ya ntoto-makanga,+Na ntoto ya zelo na zelo ya mpamba, mpi ya ke tula makelele.+ Yandi ziungaka yandi sambu na kutanina yandi, yandi kebaka yandi,+Mpi taninaka yandi bonso ka-dimbuma ya ndombe ya disu na yandi.+ 11  Kaka mutindu ngo-zulu ke nikisaka buyamba na yandi,Ke pumbukaka na zulu ya bana na yandi,Ke tandulaka mapapu na yandi, ke bakaka bo,Mpi ke nataka bo na zulu ya mapapu na yandi,+ 12  Yehowa mpamba muntu vandaka kutwadisa yandi;*+Ata nzambi mosi ve ya munzenza vandaka ti yandi.+ 13  Yandi lutisaka yandi na zulu ya bisika ya kunanguka ya ntoto,+Na mpila nde yandi diaka bima ya bilanga.+ Yandi pesaka yandi bwiki yina katukaka na ditadi sambu yandi dia,Mpi mafuta yina katukaka na ditadi ya sileksi, 14  Manteka ya bangombe mpi mabele ya mamemeKumosi ti mameme ya kuluta kitoko,*Mameme ya babakala ya Bashani, mpi bankombo ya babakala,Kumosi ti ble ya kuluta kitoko;*+Mpi nge nwaka vinu ya me katuka na masa* ya bambuma ya vinu. 15  Ntangu Yeshuruni* kumaka mafuta-mafuta, yandi bula-bulaka makulu ti kukolama yonso. Nge me kuma mafuta-mafuta, nge me kuma nene mingi, nge me vimba kibeni.+ Ebuna yandi yambulaka Nzambi, yina salaka yandi,+Mpi vwezaka Ditadi ya luguluku na yandi. 16  Bo pusaka yandi na kuwa makasi sambu na banzambi ya banzenza;+Bo vandaka kupesa yandi makasi ti mambu ya nzanzi.+ 17  Bo vandaka kupesa bimenga na bademo, kansi na Nzambi ve,+Na banzambi yina bo zabaka ve,Banzambi ya mpa yina katukaka kubasika,Na banzambi yina ba-nkaka na beno zabaka ve. 18  Nge vilaka Ditadi+ yina butaka nge,Mpi nge yibukaka ve Nzambi yina butaka nge.+ 19  Ntangu Yehowa monaka mutindu yina, yandi buyaka bo+Sambu bana na yandi ya babakala ti ya bankento pesaka yandi makasi. 20  Yo yina yandi tubaka nde, ‘Mono ta bumbila bo luse na mono,+Mono ta tala kana nki mambu ta kumina bo. Sambu bo kele ndonga ya bantu ya me bebaka,+Bana yina kele na kwikama ve.+ 21  Bo me pusa mono na kuwa makasi* sambu na kima yina kele nzambi ve;+Bo me pesa mono makasi ti biteki na bo ya kukonda mfunu.+ Yo yina mono ta pusa bo na kuwa kimpala sambu na bima yina kele bantu ve;+Mono ta sadila dikanda mosi ya zoba sambu na kupesa bo makasi.+ 22  Makasi na mono me pedisa tiya+Yina ta pela tii na bisika ya mudindu ya Maziamu,*+Ebuna yo ta yoka ntoto ti bima na yoMpi ta yoka bafondasio ya bangumba. 23  Mono ta kumisa bampasi na bo mingi;Mono ta manisa batolo-tolo na mono na zulu na bo. 24  Bo ta lemba ngolo na nzala+Mpi fievre ya ngolo ta simba bo mpi lufwa mosi ya mbi kibeni.+ Mono ta tindila bo meno ya bambisi,+Mpi meno ya bambisi ya mfututu yina ke tambulaka divumu na ntoto. 25  Na nganda, mbele ya bitumba ta bika bo kukonda bana;+Na kati, boma ya ngolo+ ta vandaSambu na leke ya bakala mpi mwense,Mwana-fioti mpi muntu ya nsuki-mpembe.+ 26  Mono zolaka kutuba nde: “Mono ta panza bo;Mono ta sala nde bantu kuyibuka bo diaka ve,” 27  Kana yo vandaka ve sambu mono ke wa boma ya mambu yina mbeni ta sala,+Sambu bambeni lendaka kubakisa yo mbi.+ Bo lenda tuba nde: “Ngolo na beto nungisaka beto,+Yehowa ve muntu salaka mambu yai yonso.” 28  Sambu bo kele dikanda mosi ya ke bakisaka ve,*Mpi bo kele ve na mayele ya kubakisa mambu.+ 29  A kana bo vandaka mayele!+ Bo zolaka kuyindulula mambu yai.+ Bo zolaka kuyindula mambu yina ta kumina bo na nsuka.+ 30  Nki mutindu muntu mosi lenda landa bantu 1 000,Mpi bantu zole kutinisa bantu 10 000?+ Yo lendaka kusalama ve kana Ditadi na bo tekaka bo ve,+Mpi kana Yehowa yambulaka bo ve na maboko ya bambeni na bo. 31  Sambu ditadi na bo kele ve bonso Ditadi na beto,+Nkutu bambeni na beto me bakisaka diambu yai.+ 32  Sambu vinu na bo me katukaka na bilanga ya vinu ya SodomeMpi na bilanga ya vinu ya Gomore.+ Bambuma na bo ya vinu kele bambuma ya vinu ya ndikila,Bisuka na bo kele ndudi.+ 33  Vinu na bo kele meno ya banioka,Ndikila ya bakobra, yina ke fwaka. 34  Keti yo kele ve ya kubumba kisika ya mono kele,Ya kukanga ti kidimbu na nzo na mono ya kubumbila bima?+ 35  Mono muntu ke vutulaka mbi, mpi ke pesaka ndola,+Na ntangu na yo, ntangu makulu na bo ta sietumuka,+Sambu, kilumbu ya mpasi na bo me kuma pene-pene,Mpi mambu yina ke vingila bo ta kwisa nswalu.’ 36  Sambu Yehowa ta sambisa bantu na yandi,+Mpi yandi ta wila bansadi na yandi+ mawaNtangu yandi ta mona nde ngolo na bo me manaMpi kaka bantu ya me konda lusadisu mpi bantu ya me lemba me bikala. 37  Ebuna yandi ta tuba nde, ‘Banzambi na bo+ kele na wapi,Ditadi yina bo vandaka kusosa kisika ya kutinina, 38  Yina vandaka kudia mafuta ya bimenga na bo,*Mpi kunwa vinu ya makabu na bo ya malafu?+ Bika nde bo telama mpi bo sadisa beno. Bika nde bo kuma kisika na beno ya kutinina. 39  Ntangu yai, zaba nde mono—mono kele yandi,+Mpi banzambi ya nkaka kele ve katula kaka mono.+ Mono ke fwaka bantu, mpi mono ke pesaka luzingu.+ Mono ke lwadisaka,+ mpi mono ke belulaka,+Mpi ata muntu mosi ve lenda gulusa nge na diboko na mono.+ 40  Sambu mono ke nangula diboko na mono na zulu,Mpi mono ke zenga kieleka nde: “Ya kieleka, mutindu mono kele na luzingu kimakulu,”+ 41  Kana mono tula mbele na mono ya bitumba ya ke sema makasi,Mpi mono yidika diboko na mono sambu na lusambisu,+Mono ta vutula mbi na bambeni na mono+Mpi ta pesa ndola na bantu yina ke mengaka mono. 42  Mono ta sala nde batolo-tolo na mono kulawuka menga,Mpi mbele na mono ya bitumba ta dia musuni,Ti menga ya muntu ya bo me fwa mpi ya bantu ya bo me kanga,Ti ba-ntu ya bantwadisi ya mbeni.’ 43  Beno makanda, beno vanda na kiese, ti bantu na yandi,+Sambu yandi ta vutula mbi ya menga ya bansadi na yandi,+Yandi ta vutula mbi na bambeni na yandi+Mpi yandi ta fika masumu ya insi ya bantu na yandi.”* 44  Na mutindu yina, Moize kwisaka mpi tubaka na ndinga ya ngolo mambu yonso ya nkunga yai na makutu ya bantu,+ yandi ti Oshea*+ mwana ya Nuni. 45  Ntangu Moize manisaka kutuba mambu yai yonso na Izraele ya mvimba, 46  yandi tubilaka bo nde: “Beno tula na ntima mambu yonso ya mono me tuba sambu na kukebisa beno bubu yai,+ sambu beno songa bana na beno na kusala yonso sambu na kusala mambu yonso ya Nsiku yai.+ 47  Sambu yo kele ve mambu ya mpamba sambu na beno, kansi yo ke tendula luzingu na beno,+ ebuna na nzila ya mambu yai, beno ta zinga mingi na insi yina beno ke sabuka Yordani sambu na kubaka.” 48  Kaka na kilumbu yina, Yehowa tubilaka Moize nde: 49  “Tombuka na ngumba yai Abarimi,+ Ngumba ya Nebo,+ yina kele na insi ya Moabi, yina ke talana ti Yeriko, mpi tala insi ya Kanana, yina mono ke pesa bantu ya Izraele sambu yo vanda ya bo.+ 50  Ebuna nge ta fwa na ngumba yina nge ke zola kutombuka, mpi bo ta vukisa nge ti bantu na nge,* kaka mutindu Aroni mpangi na nge fwaka na Ngumba ya Ore+ mpi bo vukisaka yandi ti bantu na yandi, 51  sambu beno zole beno kondaka kwikama na meso na mono na kati ya bantu ya Izraele na masa ya Meriba+ ya Kadeshi na ntoto-makanga ya Zini, sambu beno santisaka mono ve na ntwala ya bantu ya Izraele.+ 52  Nge ta mona insi yina na kintama, kansi nge ta kota ve na insi yina mono ke pesa bantu ya Izraele.”+

Banoti na nsi ya lutiti

To mbala ya nkaka, “bantu.”
Disongidila, Yakobi.
Na kisina, “ya mafuta-mafuta.”
Na kisina, “kipiku ya mafuta-mafuta.”
Na kisina, “menga.”
Yo ke tendula “Muntu ya Masonga,” titre mosi ya lukumu sambu na Izraele.
To “kimpala.”
To “Sheole,” disongidila, maziamu ya bantu yonso. Tala Bantendula ya Bangogo.
To mbala ya nkaka, “ya kele bifwa-makutu na bandongisila.”
To “kudia bimenga na bo ya kuluta mbote.”
To “ta kumisa insi ya bantu na yandi bunkete.”
Zina ya Yozue ya kisina. Oshea kele zina ya Oshaya na bunkufi, ya ke tendula “Yina Yah Me Gulusaka; Yah Me Gulusa.”
Yai mutindu ya kifwani ya kutubila lufwa.