Bingana 9:1-18

  • Mayele ya kieleka ke binga (1-12)

    • “Na nzila na mono, bilumbu na nge ta vanda mingi” (11)

  • Nkento mosi ya zoba ke binga bantu (13-18)

    • “Masa ya kuyiba ke vandaka kitoko” (17)

9  Mayele ya kieleka me tunga nzo na yo;Yo me yidika* makunzi na yo nsambwadi.   Yo me yidika mbote-mbote musuni na yo;*Yo me vukisa vinu na yo;Yo me yidika mpi mesa na yo.   Yo me tinda bansadi na yo ya bankentoSambu yo tuba na ndinga ya ngolo na bisika ya kunanguka ya mbanza nde:+   “Konso muntu yina me konda mayele, yandi kwisa awa.” Yandi ke tubila muntu yina me konda mabanza ya mbote* nde:   “Kwisa, dia dimpa na mono,Mpi nwa vinu yina mono me vukisa.   Bikisa kukonda mayele na nge* mpi zinga;+Tambula na nzila ya mayele ya kubakisa mambu.”+   Muntu yina ke sungika muntu ya ke sekaka bantu ke kudinatila nsoni,+Mpi muntu yina ke nganina muntu ya mbi ta mona mpasi.   Kunganina ve muntu ya ke sekaka bantu, kana ve yandi ta menga nge.+ Nganina muntu ya mayele, ebuna yandi ta zola nge.+   Pesa muntu ya mayele, ebuna yandi ta kuma mayele mingi.+ Longa muntu ya lunungu, ebuna yandi ta kuma ti nzayilu mingi. 10  Boma ya Yehowa kele luyantiku ya mayele,+Mpi nzayilu ya Muntu ya Kuluta Santu+ kele mayele ya kubakisa mambu. 11  Sambu na nzila na mono, bilumbu na nge ta vanda mingi,+Mpi bo ta yika bamvula na luzingu na nge. 12  Kana nge kuma mayele, nge kele mayele sambu na mambote na nge mosi,Kansi kana nge ke sekaka bantu, nge mosi muntu ta buka mbuma na yo. 13  Nkento ya zoba kele makelele mingi.+ Yandi me konda nzayilu mpi me zaba ve ata kima mosi. 14  Yandi me vanda na munoko ya nzo na yandi,Yandi me vanda na kiti na bisika ya kunanguka ya mbanza,+ 15  Yandi ke binga bantu yina ke luta,Bantu yina ke kwenda kaka na ntwala na nzila na bo: 16  “Konso muntu yina me konda mayele, yandi kwisa awa.” Yandi ke tubila bantu yina me konda mabanza ya mbote* nde:+ 17  “Masa ya kuyiba ke vandaka kitoko,Mpi madia ya muntu me dia na kinsweki ke vandaka ntomo.”+ 18  Kansi yandi ke zabaka ve nde bantu yina me konda ngolo na lufwa kele kuna,Nde bantu yina yandi me binga kele na bisika ya mudindu ya Maziamu.*+

Banoti na nsi ya lutiti

To “me zenga.”
Na kisina, “Yandi me fwa kima yina yandi fwete fwa.”
Na kisina, “me konda ntima.”
To “bantu ya me konda mayele.”
Na kisina, “me konda ntima.”
To “Sheole,” disongidila, maziamu ya bantu yonso. Tala Bantendula ya Bangogo.