Bingana 5:1-23

  • Lukebisu sambu na nkento ya mansoni (1-14)

  • Wa kiese ti nkento na nge (15-23)

5  Mwana na mono, tula dikebi na mayele na mono. Wa mbote-mbote* luswa- sukusu na mono,+   Sambu nge tanina mayele na nge ya kuyindulaMpi nge tanina nzayilu ti bikobo na nge.+   Sambu munoko ya nkento ya ntu-ngolo* ke nokaka bonso nzo ya bwiki,+Mpi munoko na yandi kele butesi kuluta mafuta.+   Kansi na nsuka, yandi kele bululu bonso nti ya bululu,+Mpi makasi bonso mbele ya bitumba ya makasi zole.+   Makulu na yandi ke kulumukaka na lufwa. Bitambi na yandi ke nataka mbala mosi na Maziamu.*   Yandi ke tulaka ve dikebi na nzila ya luzingu. Makulu na yandi ke yungana-yungana, kansi yandi ke zaba ve kisika yandi ke kwenda.   Ntangu yai bana na mono, beno wa monoMpi beno yambula ve mambu yina mono ke tuba.   Vanda ntama ti yandi;Kukwenda ve pene-pene ya munoko ya nzo na yandi,+   Sambu nge pesa ve lukumu na nge na bantu ya nkaka+Mpi nge buka ve mambu ya mpasi na bamvula na nge ya me bikala;+ 10  Sambu banzenza kumanisa ve bima* na nge+Mpi bima yina nge moninaka mpasi kukwenda ve na nzo ya munzenza. 11  Kana ve, nge ta dila na ntima na nsuka ya luzingu na ngeNtangu nsuni na nge mpi nitu na nge ta lemba+ 12  Mpi nge tuba nde: “Mono mengaka kibeni ndola! Ntima na mono vwezaka kibeni kunganina! 13  Mono waka ve ndinga ya balongi na monoMpi mono tulaka ve dikebi na balongi na mono. 14  Mono me kuma pene-pene ya kubwa kimakuluNa kati-kati ya dibundu ya mvimba.”*+ 15  Nwa masa ya dibulu na nge ya masa,Masa ya ke katuka na dibulu na nge mpi ke kulumuka.+ 16  Keti banto na nge ya masa fwete panzana na nganda,Mpi bamasa na nge na babala-bala ya nene?+ 17  Bika yo vanda sambu na nge mosi,Kansi ve sambu na banzenza.+ 18  Bika nto na nge ya masa kubaka lusakumunu,Mpi wa kiese ti nkento na nge ya kileke,+ 19  Mbambi ya bo ke zolaka, mwana-nkombo* ya kitoko ya ngumba.+ Bika mabele na yandi kupesa nge kiese* konso ntangu. Bika zola na yandi kubenda nge ntangu yonso.+ 20  Yo yina, mwana na mono, sambu na nki nge fwete bika nde nkento mosi ya ntu-ngolo* kubenda ngeTo nge yamba ntulu ya nkento ya mansoni?*+ 21  Sambu banzila ya muntu kele na ntwala ya meso ya Yehowa;Yandi ke talaka banzila na yandi yonso.+ 22  Muntu ya mbi ke kangamaka na bifu na yandi mosi,Mpi yandi ta kangama na bansinga ya disumu na yandi mosi.+ 23  Yandi ta fwa sambu ndola kele veMpi yandi ta vila nzila sambu buzoba na yandi kele mingi kibeni.

Banoti na nsi ya lutiti

To “Tula dikutu na.”
Na kisina, “ya munzenza.” Tala Bin 2:16.
To “Sheole,” disongidila, maziamu ya bantu yonso. Tala Bantendula ya Bangogo.
To “ngolo.”
Na kisina, “Na kati-kati ya lukutakanu mpi dibundu.”
To “nkombo ya bibongo ya nda.”
To “kulawusa nge.”
Na kisina, “ya munzenza.” Tala Bin 2:16.
Na kisina, “ya munzenza.” Tala Bin 2:16.