Bingana 30:1-33
30 Nsangu ya mfunu yina kele na bangogo ya Agure mwana ya Yake, yina yandi tubaka na Itiele, na Itiele mpi na Ukale.
2 Mono me zaba kima ve kuluta bantu yonso ya nkaka,+Mpi mono me konda mayele ya kubakisa mambu yina muntu fwete vanda ti yo.
3 Mono me longukaka ve mayele,Mpi mono kele ve ti nzayilu ya Muntu ya Kuluta Santu.
4 Nani me tombukaka na zulu mpi me kwisaka kukulumuka?+
Nani me kangaka mupepe na maboko yonso zole?
Nani me kangaka masa na lele na yandi?+
Nani me tulaka* bansuka yonso ya ntoto?+
Zina na yandi nani mpi zina ya mwana na yandi nani—kana nge zaba?
5 Konso diambu ya Nzambi ke tubaka kele bunkete.+
Yandi kele kitaninu sambu na bantu yina ke tinaka na yandi.+
6 Kuyika kima ve na bangogo na yandi,+Kana ve yandi ta nganina nge,Mpi nge ta monana muntu ya luvunu.
7 Mono ke lomba nge bima zole.
Kuyimina mono yo ve na ntwala nde mono fwa.
8 Katula kukonda masonga mpi luvunu ntama ti mono.+
Kupesa mono ve kinsukami, kimvwama mpi ve.
Bika kaka nde mono dia madia na mono,+
9 Kana ve mono ta fuluka mpi mono ta buya nge ebuna mono ta tuba nde, “Yehowa kele nani?”+
Kubika mpi ve nde mono kuma nsukami mpi mono yiba ebuna mono pesa zina ya Nzambi na mono nsoni.*
10 Kukusila ve nsadi makambu na mfumu na yandi,Kana ve yandi lenda singa nge mpi bo ta mona nde nge me sala mbi.+
11 Kele ti ndonga ya bantu yina ke singaka tata na boMpi ke sakumunaka ve mama na bo.+
12 Kele ti ndonga ya bantu yina kele bunkete na meso na bo mosi+Kansi bo me yobisaka bo ve sambu na kukatula bo mvindu.*
13 Kele ti ndonga ya bantu yina meso na bo kele lulendo mingiMpi yina meso na bo ke monanaka nde yo ke kudisonga mingi!+
14 Kele ti ndonga ya bantu yina meno na bo kele bambele ya bitumbaMpi yina bambwanga na bo kele bambele ya kufwila bantu;Bo ke diaka bantu ya kukonda mfunu ya ntotoMpi bo ke diaka bansukami na kati ya bantu.+
15 Batwanga kele ti bana zole ya bankento yina ke boka nde, “Pesa! Pesa!”
Kele ti bima tatu yina ke fulukaka ve,Bima iya yina ke tubaka ve ata fioti nde, “Yo me fwana!”
16 —Maziamu*+ mpi divumu ya mukobo,Ntoto yina kele ve ti masa,Mpi tiya yina ke tubaka ve ata fioti nde, “Yo me fwana!”
17 Disu yina ke sekaka tata mpi ke vwezaka bulemfu na mama+—Bakwanga-kwanga ya muwanda ta tobula yo,Mpi bana ya bango-zulu ta dia yo.+
18 Kele ti bima tatu yina mono lenda bakisa ve,*Mpi bima iya yina mono ke bakisaka ve:
19 Nzila ya ngo-zulu na zulu,Nzila ya nioka na zulu ya ditadi,Nzila ya maswa na kati-kati ya nzadi-mungwa,Mpi nzila ya bakala ti leke ya nkento.
20 Yai nzila ya nkento ya bizumba:
Yandi ke dia, yandi ke dipa munoko;Ebuna yandi ke tuba nde, “Mono me sala ve kima ya mbi.”+
21 Kele ti bima tatu yina ke nikisaka ntoto,Mpi bima iya yina yo lenda kangila ve ntima:
22 Ntangu mpika ke yala bonso ntotila,+Ntangu zoba kele ti madia mingi kibeni,
23 Ntangu muntu me kwela nkento yina bantu ke mengaka,*Mpi ntangu nsadi ya nkento me baka* kisika ya mfumu na yandi ya nkento.+
24 Bima iya ya kele na ntoto kele na kati ya bima ya kuluta fioti,Kansi yo kele ti mayele ya kubutukila:*+
25 Bafurmi kele ve bigangwa ya ngolo,*Kansi bo ke yidikaka madia na bo na nsungi ya mvula.+
26 Basimbidiki ya matadi*+ kele ve bigangwa ya ngolo,*Kansi bo ke salaka banzo na bo na kati ya matadi.+
27 Bampasu+ ke vandaka ve ti ntotila,Kansi bo yonso ke kwendaka na ntwala na ndonga.*+
28 Mbala-mbongo ya bo ke bingaka geko+ ke kangamaka na makulu na yo,Mpi yo ke kotaka na nzo ya ntotila.
29 Kele ti bima tatu yina ke yitukisaka kana yo ke tambula,Bima iya yina ke yitukisaka ntangu yo ke tambula:
30 Ntambu, mbisi ya me luta bambisi yonso na ngolo,Yina ke vutukaka ve nima na ntwala ya konso muntu;+
31 Mbwa ya nkongo; nkombo ya bakala;Ntotila yina kele ti basoda na yandi.
32 Kana nge me kudikumisa na buzoba yonso+To kana nge me kana kusala mutindu yina,Tula diboko na munoko na nge.+
33 Sambu mutindu kubalula miliki* ke basisaka mantekaMpi kubweta-bweta mbombo ke basisaka menga,Mutindu mosi, kutedimisa makasi ke basisaka kuswana.+
Banoti na nsi ya lutiti
^ Na kisina, “tedimisaka.”
^ To “mono vweza zina ya Nzambi.”
^ Na kisina, “tufi.”
^ To “Sheole,” disongidila, maziamu ya bantu yonso. Tala Bantendula ya Bangogo.
^ To “yina kele ya kuyituka kibeni sambu na mono.”
^ To “ke zolaka ve.”
^ To “me botula.”
^ To “mayele mingi kibeni.”
^ To “kele bantu yina kele ve ngolo.”
^ To “Basimbidiki.”
^ To “kele bantu yina kele ve ngolo.”
^ To “ya kukabwana na bimvuka.”
^ To “mabele.”
